فصليتي الفقيرة

البارت 11

سرور  : كملنة وبدلنة ونزلنة دا نطلع ام عمر جانت كاعدة سلمنة عليها وطلعنة عمر كلي انتضري هنا ليما اجيب السيارة اهنا اتذكرت لمن لمن كرار كلي هيج اني من الخوف ما حسيت حضنتة وكتلة لا تروح

عمر : من طلعنا من البيت كلت لسرور اوكفي هنا اشو هاي حضنتني
وكلتلي لا تروح وهي بس ترجف وتبجي حضنتهة وكلتلهة ما رايح
لمكان اخذتهة وياية ورحنة صعدنة بل سيارة وطلعنة نفتر

دا امشي بسيارة لبيت اهلهة لين مرة شفتهة كاعد دا تبجي وتكول ماما وماما اني من صدك كمت احبهة واهتم بيهة بس ما ابين
عاد من وصلنة للشارع مال بيت اهلهة وكفت كلتلهة روحي شوفي اهلج وهاج هاي التلفون من اخابر عليج اطلعيلي بلباب

سرور : طلعنة وافترينة اشوية اشو هذا جابني لبيت اهلي كلي انزلي شوفي اهلج ونطاني تلفون وكلي من اخابر عليج اطلعيلي اني هنا طرت من الفرحة عاد بستة وحضنتة شسوي اني ماحسيت بنفسي من بستة

عمر :لو ادري بيها بوسة وحضن جان من الأول جبتج

سرور  : من كلي هيج اني كلش خجلت عاد نزلت كتلة تعال انزل كلي لا عندي شغل

عمر :كلتلي انزل اني ما نزلت لين اذا شفت اخوهة ارتكب بي جريمة عاد ودعتهة ورحت

سرور : اني واكفة يم الباب الباب ابوية حاط بيه حبل علمود من نجرة ينفتح فتحتة ودخلت بسكوت شافني علي راد يصيهم بس ركض حطيت ايدي على حلكة كتلة لا تكول خليهة موفاجئة عاد وخرت ايدي وحضني وكلي
علي:   ليش عفتيني ورحتى تذكرين شلون جنة نتشاقة هسة البيت فارغ بدونج
سرور : بس اليوم اجيت كتلة علي منو موجود عدنة بلبيت

علي : بيت عمي وبيبي
سرور: تعال  خل نفززهم عاد من صدك دفرنة الباب وكلنة بووووم
ههههه خطية الكل فز أول ما كامو امي اجتي حضنتني وكانت تبجي واني هم بجيت وياها

ام سرور:يمة بنتي رجعت يرويحتي
سرور:ماما هسة اجيت ليش تبجين
أبو سرور: تعاي بنتي تعاي لحضني
سرور: رحت حضنت بابا وجان يكول
أبو سرور: بنتي أني اسف بسببي ادمرت حياتج
سرور : لا بابا لا تكول هيج انت اذا ردت مني أموت لخاطرك أموت
صدك بابا زينة كرار
أبو سرور : فوك توة اجة من الشغل
سرور :سلمت على بيت عمي وطلعت كلتلهم من رخصتكم هسة اجي عاد رحت صعدت فوك أول ما طبيت لكيت ليان مرت اخوية
اجتي حضنتني حيل كالتلي
  ليان: رجعتي لج مشتاقتلج كلش والبيت ضوجة بدونج

سرور : والله اني هم مشتاقتلج كلش وهناك هم ضوجة بس هسة اني اجيت عاد شفتهة سمنانة كلتلهة شنو حامل هيج سمنانة

ليان : أي وبطني بنية
سرور : يمة فدوة راح تطلع حلوة مثلج

أوك صار هسة لازم تتعرفون علة ليان
ليان هلو اني ليان عمري 24سنة زوجة كرار جنت وياه بلكلية وحبينة بعض وتزوجنا

سرور : صدك كرار وينة

ليان : كرار كاعد يسبح

سرور : خلي انسويلة مفاجئة تدرين اشلون
ليان : أي صدك هو محتاجلة مفاجئة لين هل الأشهر كلهة جان ضايج بدونج هسة يلة شلون
سرور: شوفي انت كوليلة عندي الك مفاجئة واني اختل ورة باب الحمام وتكليلة بس ما انطيك اياهة اللة تغمض عيونك وانتي تروحين تحطين ايدج علة عيونة واني اجي اوكف كدامة ومن ااشرلج تفتحين ايدج ونشوف شيصير

ليان : خوش فكرة ها صدك هسة اختلي لين راح يطلع

سرور : ختلت ورة الباب وهو طلع

ليان : حبيبي عندي الك موفاجئة
كرار : أي كول شني هية
ليان : كرار بلاول غمض عيونك
كرار : لا هية هدية
ليان : بكيفك لعد ما انطيك اياهة
كرار: يلة هاي غمضت
ليان : رحت غمضت عيون كرار مثل ما كلتلي سرور

سرور : بلكوة كاتمة صوتي عاد رحت وكفت كدامة واشرت اليان
يعني افتحي ايدج عاد فتحت ايدهة أول ماشافني كرار حضني وكام يبجي وكلي كلة بسببي لو عايفتيني أموت مو احسن

كرار : من فتحت ليان عيوني شفت سرور وحضنتهة وكمت ابجي واعتذر منها

سرور : لا كرار اذا انت متت بعد منشوفك بس اني. ما اذا رحت ما راح أموت وراح تكدرون تشوفوني

          

    
                                                                               .ويتبع......

هذا البارت لخاطركم فجرو تصاويت وتعليقات أوك