دروب مظلمة

الحلقة1

#دروب_مظلمة
#حلقة1

ايمان موليد الالفين تقرا تالت تانوي شعرها طويل وبيضاء وعيونها سود وكبار
نوريه يلي هيا ام ايمان انسانه محبوبه وطيبه وفي وقتنا طيب مايعيشش موليد1963
بو ايمان متوفي توفى من قبل سنتين بي مرض السحايا
محمد عمهم الكبير موليد1956مشراني هما الفلوس وبس
ولاده مؤيد ومندر
مندر موليد1990يخدم على روحه ممرض
مؤيد1989 مهندس معماري بس بطاله
نجية عمتهم موليد1970ارمله  وعايشه مع ولدها محمود متزوج كميله
وفريال عمتهم تانيه 1965متزوجه وراجلها يخدم ي صحراء
بااقي شخصياات حاتعرفووها في الروايه

******الاحداث*******
**
ايمان:مش معقوله يااامي بيطلعونا من الحوش وعماتي وعمي محمد قصدي وين بنمشو معقوله يستنو في بابا يتوفى وبيوزعو الورث
ام ايمان؛ ماعندنا من يوقف معانا الا ربي خالك وزابطه مرته ماتبيناش وخالك ماعنده كيف يفتح فمه معاها اني كسرني موت بوك
ايمان حضنت امها وبدت تبكي
على طقت الباب بقوه
جت ايمان واقفه وبي صوت خوف :من يلي يطق هكي 
انها:افتحي الباب
ايمان فتحت الباب
محمد خش ودف ايمان عالحيط
ام ايمان:خيرك ياسلفي عالبنت
محمد:اني كلمه قلتها مانبيكمش اهني خلاص صبرت هلباا نسيتوو انه الحوش حوشي واني يلي عطيته وتوا نبيه حتا ايجار ماتخلصوش فيه نبي نزوج ولدي فيه
ايمان واقفه تبكي ومصدومه في قسوة عمها بجد الفلوس تغير هلباا
امها:حتا معاش خوك الله يرحمه واقف واني ياادوب نصرف عالحوش معااشي مايسدش
محمد بصوت عالي:اني كلمه خلاص يومين بنخليكم ومعاش نلقاكم
وطلع
ام ايمان تخبط وتعيط وتقول اني وين بنمشي 
*"**************
سهام:اسمع اختك وبنتها اني عيت منهم نبي نقعد بروحي شن توا تقولها تعالي اني بيك
مختار:ياسهام شن بندير اختي وبنتها بنخليهم في شارع هوا شهر تحملي وحانطلعها
سهام:اف شن بي صبرني شهر اني مش طايقتها بكل
مختار:على خاطري تحملي
سهام :حول بالله خاطرك فيك
*************
مع ليل
ام ايمان "نوريه" النوم هارب وتفكيرها في مصيرها وبنتها مش عارفه شن دير
ايمان دموعها على خدها  وحاطه يدها عافمها حتى انها ماتسمعهاش
بعد يومين
نوريه:بنتي هيا 
ايمان شاده في يدها صوره
نوريه بي استغراب:شن يلي في يدك
ايمان:😰صورة بابا
نوريه:به هيا عمك برا يستنا
طلعت ايمان لقاها عمها واقف قدام الباب وعماتها نجيه وفريال
نجيه:به يلي فهمتو وطلعتو اخيرا
محمد:بعد ما لساني قريب طلع شعر واني نتكلم
ايمان كيف بتتكلم امها نخصتها في جنبها بي معنى اسكتي مش وقته
ركبو في سيارة مختار
نوريه:سامحني ياخوي ديما متعباتك معاي
مختار بي صوت هادي:حتا انتي اختي لي منو بنخليك الله غالب عادي مافيش جميل بينا
نوريه نزلت دمعه وبي صوت مخنوق:ربي يبارك فيك وان شاء الله مانفقدك
ايمان واخده وضع صاامت
بعد مرور نص ساعه من الهدو وصلو الحوش
كان خوف ايمان من ردة فعل مرت خالها
فتحت سهام الباب قالبه بوزها شبرين
ولابسه روب لعند ركبه وربع كم من فوق لونه احمر فاقع ومكياج عااسنقت عشره
مختار تحشم قدام اخته ونوريه وايمان مصدومين فيها
نوريه:كيف حالك سهام وكيف حال صغار
سهام من غير نية:حالي كان باه
مختارلحقها لي دار
وايمان قامت حاجبها بي استغراب ودخلت شناطي
مختار:شن هدا يلي لابستيه تحشمت قدام اختي هدا في دارنا بس مش معقوله
سهام :والله حوشي وبنلبس شن تبي العيب يلي جاي ومكدرنا
مختار:نقصي صوتك خير ماتسمع اختي وينتها
وبدي صوت سهام اكتر مايعلى
وايمان تسمع ونوريه صوت كان واضح هلبا
ايمان:امي معااش قادره نقعد تسمعي شن تحكي
نوريه:وين بنمشي بي بنت في عقاب هالوقت خلينا لعند نحصلو حوش ايجار شن عاجبني اني يلي صاير
طلع مختار وقربع الباب بقوه
اما سهام تغلي في دار ومش عاجبها قعدت حماتها وبنتها
😔😔😔
فات اسبوع
وايمان وامها نفسيتهم تعبت من كلام سهام سم
وايمان معاش قدرة تمشي لي مدرستها لانه مافيش من يوصلها وكان تبعد مسافه على حوش خالها
اما بدت دور في خدمه ومافيش من يستاضيفها
لعند في يوم رن تليفون ايمان
رقم غريب
ايمان:الو من معاي
المتصل:انتي من يوم جيتي دوري على
خدمه
ايمان :اي
المتصل:تقدري تجي مع العشيه لي عنوان الفلاني لانه يلي كانت تخدم معانا صارتلها ضروف وسافرت
ايمان:حاضر
نوريه:منوو يتصل
ايمان:هدا وحده كلمتني العشيه قالتلك تعالي حصلتي خدمه لانه يلي تخدم معاهم صارلها ضرف
نوريه:به الحمدالله حتى نقدر نوفرو حوش لينا
ايمان:الحمد الله
******""""""*****
منى:وين طالع ايمن تغده قبل
ايمن:تاخرت على الولاد توا نتغدا في طريق منى:ديما هكي نبي نعرف كيف عايش وهوا ديما طالع
رامز:انتي امتا معاش بتخاافي عليه راه كبر عمره 34سنه وانتي تفكري فيه تغدا تعشى روح خلاص
منى:حتى لو بي صغاره حانخاف عليه اني ام وقلب الام عارفه
رامز:عارف بس نفسي
*********
مع_العشيه
نوريه:هيا خفي روحك نخاف نتاخرو على ناس
ايمان:خيرك مستعجله الساعه قعده خمسه
نوريه:هياا قلت
طلعت ايمان وهيا تلبس في سبيدرها قعده

وصت ايمان ونوريه لي حوش خياالي مش حوش فيلاا كلها زرع ورد برا جردينه
وحوض سباحه
ايمان فاتحه فمها من جمال الفيلا
نوريه جبدتها:تعالي وانتي واقفة
طقت عالبااب
منى:سينا شو في من عالباب كان ايمن قوليله يجيني في صالة
سينا:حاضر مدام
فتحت سينا
نوريه:اهلا منزل منى
سينا:اي استني نكلمها
سينا:مدام في وحدا تبيك برا
منى:قوليلها تخش
سينا :حاضر
خشت نوريه وايمان
نوريه:اهلا كيف حالك اني يلي كلمتيني بكري وقلتي انك تبي عامله
منى:اها تمام اي الحق يلي كانت طيب صارلها ضرف واني نبي وحده تعرف طيب كل شي ويكون تطيبها حلو ويعجبني واهم شي نظافه عندي
نوريه:اي جربيني واحكمي عليا
منى:من يلي معاك
نوريه شافت لي ايمان:بنتي
منى :اها تمام عندك دار برا تقدري تباتي فيها وفيها حمام حتى
نوريه:به بنتي عادي لو تقعد معاي لانه ماعندها حد غيري
منى قعدت تشوف لي ايمان وقالت
يتبع
ترقبوني