#دروب_مظلمة
#حلقة14
🤚🤚وما قبل الاخيره
👏👏👏قبل تقرو لايك وبعد تقرو علقو حفزوني نياتي ☺️💃 تفاعل ضعيف راه🙄🙄🥺🥺
🍀🍀🍀🍀🍀🍀🍀🍀
ملك:لا بس نبي نشكرك في يلي درته مع امي
رياض :قصدي ناسيه انها خالتي وجو رسميات فوتيه وتوا خشي وسكري الباب وشويه ونجيكم
ملك ابتسمت:حاضر
وخشت تجري سكرت الباب وحطت يدها عاقلبها وفي سرها معقوله نطلع نحبه لالا مستحيل لأنه كويس معانا ومستحيل يفكر فيا اكيد زي أخته مفضاني حتا اني
🤭🤭🤭🤭🤭🤭🤭🤭🤭🤭🤭
نوريه:نجيبلك حاجه تاكليها ماكليتي شي
ايمان ساكته ودموعها على خدها مش مستوعبه يلي صاير
طلعت نوريه وركبت الأسانسير
عمر كيف وقف قدام غرفه يلي فيها ايمان
ايمان كانت عاطيه ظهرها لي باب وتفكر في كلام نوريه
عمر طق :ايمان
ايمان صوت تعرفه نزلت دمعه من عينها و تلفتت
عمر:عارفه انك ماتبيش تشوفيني
ايمان ساكته لأنه كلام يلي حاتقوله مش حايعطي نتيجه
عمر: كانت صدمه قويه زي ماليك كانت حسيت مضحوك عليا بس توا انكشف كل شي وانتي لو نلف دنيا مانلقيش زيك في طيبتك وعفويتك واحترامك
ايمان:ماخاطريش تحكي في موضوع وياريت تنساني انت موثقتش فيا وموقف هدا خلاني نعرف والحمد الله ماكملتش مع شخص زيك
عمر :اني مش معاتبك وانتي لو في مكاني كنتي ديري هكي مش موضوع تقه
لعند خشت نوريه
عمر مرتبك :اهلا عمتي نوريه كيف حالك
نوريه مستغربه وتشوف يمين ويسار:شن رودينه مش معاك
عمر:اي ماجتش معاي تستأذن
طلع عمر ونوريه تشوف ومستغربه
ايمان خايفه من انها تسالها وشن بتقولها
نوريه تشوف لي ايمان ويدها على خدها:شن يدير عمر اهني كيف عرف انك اهني وشن يبي
ايمان بي ربكه:مانعرفش من قاله واصلا نحسابها رودينه معاها وكيف خش
نوريه:ان شاء الله ومايطلع شي في بالي
😮😮😮😮😮😮😮😮😮😮😮
عمر في سياره ويخبط عادومان: كيف نسيت امها اني
لعند رن توفيق
عمر فتح الخط :ايوا توفيق شن جو
توفيق:ماشيه تعاله نبيك بنكسدو في استراحه جو اليوم مش عادي شرب وبنات
عمر:لالا اعفيني مش فاضي اليوم
توفيق:تي فوت الخدمه وغيرلك جو
عمر:لالا سكه اهيا معاش نبيها
وصكر الخط
🍀🍀🍀🍀🍀🍀🍀🍀🍀🍀🍀🍀🍀
ايمان عطوها إصلاحية الخروج من مستشفى
ونوريه واخده بالها منها خايفه ضيع منها وجي خوها مختار وروح بيهم لي حوشه وسهام مش طايقتهم كالعاده
مختار خش لي داره:سهام تحملي شويه وحايمشو
سهام:اني تحملت هلبا معقوله حوشي ماقدرش نلبس فيه وناخد راحتي
مختار قرب وشدها من خصرها:هيا سهومتي قداش ليا عليك
سهام قالبه عيونها:لالا اني مش حانسكت قلتلك
مختار كيف بيقرب 😚😚
سهام:بعد مش حاتلمسني لعند اختك وبنتها يطلعو من حوشي ايوا
مختار تعصب وطلع من دار رقد في مربوعه
🍀🍀🍀🍀🍀🍀🍀🍀🍀🍀🍀
ايمن:خلاص نها اني مانبيش نكمل معاك وياريت كل شخص يشوف حياته
نها تبكي:شن تقول انت تبصر ولاه اني عمري ما عرفت واحد غيرك
ايمن :لا حق ندوي وياريت معاش تتصلي بيا
وسكر الخط
😞😞😞😞😞😞😞😞😞😞😨😞😨😞
رياض فتح شقه
وملك مقعمزه تتفرج على فيلم
رياض:وين خالتي
ملك:راقده
رياض:وانتي
ملك وجها تحمر :خيرني اني
رياض بي ضحكة خبث:ماخيرك شي
وجي قعمز جنبها ملك وهيا تزيح كل مره وهوا يقرب وفي داخل يضحك عليها
ملك ناضت:اني بنمشي نرقد
رياض:اقعدي بي نكلمك في موضوع
ملك بي استغراب:شن في ان شاء الله خير
رياض:لا خير بي نسبه ليا بس انتي مش عارف
ملك :مافهمتش
رياض:اني حياتي معاكم معاش تمشي هكي انتي كبرتي والاغلب بيفهم غلط
ملك تسمع وساكته
رياض:يعني خالتي طمنت عليها وتوا نبي نشوف روحي
اني نبيك ملك مانبيش نلف وندور نبيك مرتي
ملك وجها تصفر وتبي تنوض بس رياض ماسك على يدها
رياض:اسمعيني اني بنكلم خالتي ومش حاترفض عارفه متلقاايش زيني 😉
ملك :بس اني لا مش حانوفق لو حتا خالتك بتوافق
على خشت ام ملك😶😶
ام ملك:روحت امتا ولدي نوضي ملك ديري لي ولد خالتك حاجه يأكلها من صبح وهوا معانا
رياض يشوف لي ملك ومتشمت
وملك ناضت:به توا انديرله
خشت مطبخ
وامها قعمزت مع رياض
ومره مره ملك تشوف من باي المطبخ وتحاول تسمع شن يقول رياض لأنه عارفاته مهبول ويديرها
رياض:خالتي نبي نقولك حاجه والحق متردد
ملك خشت لي دار نوم وفتحت فونها وتلقى مسجات عالماسنجر من توفيق
"شن تحسابي بتهربي مني لو سافرتي نهايتك ليا حاتشوفي العار حاتموتي الف موته انك درتيلي هكي
ملك واقف ومصدومه في مسجات وخايفه ترجع لي ليبيا ويدير فيها حاجه خافت تحكي لي رياض وتندم وخلتها مكبوته في قلبها
💔💔💔💔💔💔💔💔💔💔💔💔💔💔
ام ملك:انت تطلب يلي تبيه وماتتحشم مني زي ميمتك
رياض: نبي نتزوج ملك اندير بالي عليكم ومانخليكم لي حد
ام ملك بفرحه:هدا نهار المبارك مش حانلقى زيك راجل يخاف على بنتي زيك
رياض تحشم واطى راسه
وعلى خشت ملك حطت سفرا وقالها في مسجات توفيق
امها تشوفلها وتبتسم
ملك كيف وصلها الضي وعرفت انه رياض تكلم
طلعت تجري
وتلحقها امها
ملك:خشي
امها:خيرك ماتقعمزيش معانا
ملك:لا نعست بنرقد
امها:بينك وبين ولد خالتك حاجه
ملك:شنو لا والله ما بينا إلا كل خير زي خوي
امها:خوك صار توا خلاص طلبك مني واني وافقت مش حاتلاقي زيه
ملك مصدومه:شنو اني راي متعي وين
امها:اني يا بنتي مش حاندوم لك ونبي نتمنى عليك مع راجل يخاف عليك ويسعدك ومايخليك محتاجه لي حد
ملك:بعيد سوء عليك بعد عمر طويل ان شاء الله
امها:كلنا ليها لكن ريحي قلبي ماتعانديش
ملك شافت لي امها :يلي تبيه حايصير
امها ضبطتها وبدت تزغرط وملك تسكت فيها
ورياض الفرحه مش سايعاته 😉😉😉
❤❤❤❤❤❤❤❤❤❤❤❤❤
رودينه:ايوا نادر اني قدام الباب مدرسه
نادر:اهوا في طريق جاي
رودينه قدام مدرسه واقفه وموعد مرواح قريب عمر يجي ونادر زحمه وكيف خش زنقة متع مدرسه
رودينه شافت عمر خوها جايها استغراب جاي بكري
خشت لي مدرسه تجري من غير مايشوفها
واتصلت بي نادر
وكيف بيفتح الخط عمر خش
سكرت تليفونها ومشت لي عمر
رودينه:خيرك بكري جاي
عمر:اركبي توا نقولك
رودينه كانت خايفه نادر يشوفها وطول وقت حاطه يدها على وجها ونادر يراجي ويتصل مقفل يعطي فيها تعصب وركب سيارته
🤚🤚🤚🤚🤚🤚🤚🤚🤚🤚
عمر:ايمان في مستشفى مريضه
رودينه:الله علاش خيرها انت يلي كلمتني نكلمها
عمر:مش وقته الكلام هدا توا بنرفعك مستشفى وتسالي عليها وماتقوليش اني منعتك تحكي معاها
رودينه بي استغراب:به خلي نغير حوايجي قبل
عمر:لالا شوي وبتطلعي
نزل عمر وجاب شوكلاتات يلي تحبهم ايمان ورد ومكسرات وحطهم على حجر رودينه
وكيف وصلو مستشفى
ركب لي غرفتها واستغرب انها مش موجوده وبعد سأل ريسبشن قالو انها طلعت
ومافيش إلا في حوش خالها مختار
اما رودينه تفكيرها في نادر ومش مع عمر بكل
لعند نزلت لي حوش مختار
وطق الباب
وتفتح ايمان
رودينه ضبطتها:ايمان استاحشتك
ايمان فرحانه بي جيت رودينه
وعمر يستنا في سياره على نار
🌸🌸🌸🌸🌸🌸🌸🌸🌸🌸🌸🌸🌸🌸
رامز جاه اتصال من رقم غريب
المتصل:الو رامز معاي
رامز:اي تفضلي من معاي
المتصله:اني كريمه
رامز قلت عيونه :انتي مش عطيتك فلوسك وسافرتي من وين طلعت لي
كريمه:اي بس كبدي خديتها بنتي يلي حرمتني منها وين يارامز
رامز سكر الخط
وقعمز حط يديه عاوجها:من وين طلعت لي قصه دفنتها ذكرتني فيها توا كيف حانتخلص منها اهيا
كريمه تتصل ورامز حدف تليفونه عالحيط
وقعد مع نفسه
رجع لي سنين فاتت
يوم كريمه خدامه اعتدى عليها وطردها ويوم عرف انها حملت بي بنت خداها منها غصب وسفرها لي جنوب أفريقيا كريمه
وحط بنت قدام جامع ومنها نسي كل شي بس اتصال هدا خلاااه يراجع حساباته القديمه
على خشت منى
شافلها رامز وعيونها حمر
منى 💔💔💔💔
يتبع
ترقبوووني في الأخيرة
أنت تقرأ
دروب مظلمة
Randomالروايه واقعية دور حول ام وبنتها توفى بو البنت وبتتحمل ام مسؤوليه صعبه تحت ضروف انجبرت عليها عم البنت وعماتها حايطلبو بي حوشهم والورثه والام بتخدم في حوش حتا توفر معيشه كويسه لي بنتها والبنت بتوقف قرايتها وتتغير حياتهم
