بسم الله الرحمن الرحيم :-
(ذهب الجميع الى المنزل وهم سعداء واكثرهم هدير فهى ستتزوج حب طفولتها )
ورده بسعاده:مبروك يا دودى
هدير: الله يبارك فيكى يا حبيبتى
ورده :انا كنت حاسه انك بتحبيه على فكره
هدير بكسوف :انا كنت مفقوسه اوووى كده
ورده :عنيكى كانت فضحاكى جدا
هدير بقلق :بس هو كان بيحب قبلى ياترى بيحبها لسه ولا خلاص نساها وهي نسيته
ورده :متقلقيش نسيو بعض وعاشو حياتهم اكيد
يلا بقى نامى عشان تصحى فايقه بكرا
هدير :ماشى
تصبحى على خير
****************
تانى يوم:-
عند ورده :-
صحى الكل من بدرى عشان يستعدوا للعريس اللى هيجى بليل
نجوى :ورده يا ورده
ورده :نعم يا طنط
نجوى :ادخلى صحى هدير معلش اصل زهقت فيها مش راضيه تصحى
ورده :حاضر
(عند هدير :-)
ورده دخلت على هدير وقعدت تصحى فيها براحه مرضتش قامت عامله :-
ورده بصوت عالى بس مش اوى :هدير هدير اصحى بسرعه خالد برا
هدير بفزع :ايه برا ازاى انا قمت اهو
(وفضلت تجرى فى الاوضه بتبص على ورده لقتها واقعه على الارض من كتر الضحك😂 )
هدير :انتى بتضحكى على ايه
ورده :شكلك فظيع اووووى 😂😂
قومينى قومينى
هدير :هو خالد مش برا
ورده :لا مش برا 😂😂
هدير :😒😒😒😒😒
ورده :يلا عشان طنط عيزاكى
هدير :طيب بس هيا الساعه كام دلوقتى
ورده :الساعه ٢
هدير : ٢ وسايبنى ليه لحد دلوقتى
ورده :طنط زهقت تصحى فيكى مرضتيش تصحى
هدير :طيب
******************
عند خالد :
نسرين :لحقت تنسي اللى كنت بتحبها بسرعه كده
خالد :بسرعه ايه بس على فكره عدى على الموضوع ده ٣ سنين
نسرين :لو عشر سنين حتى
خالد :هى دلوقتى حبت غيرى ونستنى واتجوزت كمان وانا حبيت غيرها خلاص هنوقف حياتنا ليه بقى
نسرين :اتجوزت امتى
خالد :اة صح ما اصل انتى مش هتعرفيها لوحدك 😂
ورده تبقى مرات محمد ابن خالتك
نسرين :والله ومحمد بقى يعرف انك انت ومراتوا كنتو بتحبوا بعض
خالد :معرفش بس دى حاجه مش مستاهله يعنى وكمان بقالها فتره
نسرين :ماشى تمام
انا هقوم اجهز انا بقى
(دخلت نسرين اوضتها ورنت على مازن تقولوا اللى هيا عرفتوا )
****************
عند مازن :-
سمع رنت الفون بتاعوا بص على الشاشه لقاها نسرين
مازن :الو
نسرين :عندى اخبار
مازن :ايه هيا
نسرين :خالد وورده كانوا بيحبوا بعض الاول
مازن :طب مادا حلو مستنيه ايه بقى قولى لمحمد
نسرين :ما انا هقولوا النهارده
تفتكر قالتلوا
مازن :لا مفتكرش
يلا سلام وابقى قوليلي عملتى ايه
*********************
جه بليل والكل اجتمع عند محمد عشان يطلبوا ايد هدير :-
خالد :انا جاى النهارده عشان اطلب ايد هدير
محمد :وانا معنديش مانع
خالد :يبقى نقرا الفاتحه
(بعد ما قرأوا الفاتحه )
خالد : انا عاوز الخطوبه وكتب الكتاب يبقى بعد اسبوعين
محمد :كتب كتاب مش لسه بدرى شويه على موضوع كتب الكتاب دا
خالد :خير البر عاجلاً
محمد : ايه رأيك يا عروسه
هدير بأبتسامه كسوف :اللى تشوفه يا اخويا
محمد :يبقى على خيرت الله
نسيب العرسان مع بعض شويه بقى
(الكل طلع برا ونسرين طلبت انها تتكلم مع محمد لوحدهم )
محمد :اتفضلى اتكلمى
نسرين :انت عارف ان خالد و ورده كانوا بيحبوا بعض
محمد : اممممم وانتى بكلامك ده عاوزه تخربى على مين انا ولا اختى
نسرين : انا مبخربش على حد انا عرفت حاجه وجيت قولتهالك واراهنك ان الهانم الى قاعده برا دى قالتلك عليها
محمد :طيب بالنسبه للموضوع ده فا انا عارفه مراتى قالتلى عليه فا ابعدى عنى وعنها احسنلك
انا طالع
وقفت نسرين تفكر هتعمل ايه بعد ما عرفت ان محمد عارف اللى كان بين خالد و ورده
******************
كده البارت خلص
ها رأيكم ايه فيه ❤❤❤
