سرب الگطا

البارت الاول

البارت الاول..

melad hameed96

المفروض "الانسانية" مبدأ الحياة
بس الظاهر "البقاء للاقوى" مبدأنا

اي تصرف تتصرفه بحياتك واي فعل مخطط اله مسبقاً تقوم بي عليك بوضع الله نصب عينيك.. يعني اي شي تسوي للناس واي موقف او عمل خلي نفسك مكانهم..

اذا قبلت على نفسك هل شي قوم بي واذا شفته مؤذي الك تراجع عنه فوراً..
كلامي للي عندهم ضمير حي ومستيقظ.. اما اللي الظلم واللامبالاة اسلوب حياتهم ف ادعوا من الله يهديهم للطريق الصحيح القويم..

كل شي مقبول وممكن ينقبل بهل حياة الا الظلم.. إياك ثم إياك والظلم.. لان لابد ويوم يرجع عليك اضعاف الظلم اللي ظلمت بي احد..

الامام الحسين يگول اللهم اجعلني مظلوم ولا تجعلني ظالم..

وترى الدنيا مو دايمه لأحد لو تدوووم ما چان وصلنا للي احنا بي وما ورثنا اجداد اجدادنا...

.... أصعب شي يمر على الانسان هو فقدان احد والديه سواء كان الام او الاب ... والاصعب شخص ماعنده مخافة الله يتحكم بيك..

ضروري جداً وجود الوالدين بحياة كل شخص لان هم واحد مُكمل للأخر.. اقلها يقوموا يكبروا مو يفتح عيونه ع الدنيا هو فاقد احدهم..

وخصوصا. اذا بنت فقدت احدهم بعمر صغير هنا ح تصير فجوة بحياتها كلش كبيرة ميسدها أحد لو جبت عطف وحنان الدنيا كولها..

طفلة والطفلة ماتعرف معنى الفقد.. بس أجتني الصدمة من يوم فقدان والدي الحجي أبو خليل..

وبيت بلايه أب ما يسوى بيه نعيش،..

بيوم من الايام رجعت من المدرسة واني صف رابع ابتدائي يعني عمري عشر سنوات رجعت واني شايله جنطتي ومتثاقله منها..

أني وصديقاتي سرى وندى وعذراء..

رجعت وشفت الشارع متروس ناس وكلما اتقرب اشوف بيتنا ناس تطلع منه وناس تطب..

خفت لا اخويه مصطفى متخربط لان عفته مصخن الصبح وشفت امي تسويله كمادات.. بس ممعقول هل ناس كلها على مصطفى..

ركضت فتت للبيت شفت امي مشگگه ملابسها وتصرخ واخويه يبچي والنسوان يسكتون بيها..

امي تبچي وتصرخ وتحچي.. ولهسه جملتها ب اذني..

" حجي عفتني ورحت.. المن وصيت عليه اني وجهالك ومنو اللي يحرص علينا بگدك.. حجي حملي چبير "

هنا اجتني صفعة وگعتني بالگاع على ركبي..

بابا.. يعني بابا ماات.. لا الصبح طلعت وهو نايم حتى ماشبعت منه... رحت ادور بالغرف على اثر اله..

بيتنا بي اربع غرف صرت مثل المخبلة ادور بالغرف اريد انفي وجود هل خبر..

اريد الگي ابويه.. الما شبعت منه.. بقيت اصيح بعلو صوتي يابه يابه وينك يابه جاوبني والله اليوم اخذت عشرة
اي يابه والله اخذت عشرة ب الاملاء انت مو تگول احبچ من تاخذين عشرات وارضى عليچ..
بابا وينك بس تعال شوف دفتري كتبتلي المعلمة احسنت يا وردة الصف مثل متگول انت بنيتي الوردة..