الحب اللطيف

الحلقة 11

انا كنت مشوكيا وانا نسمع
نروح نعيش معاهم .. علاش عليا

قلت بصوت تعبان : لالا منجيش
علي تصدم : علاه ؟ .. واش خصنا سيرين .. وشبيك يا بنتي
انا بزرب باش ميفهمش غالط : نتوما والنعم فيكم .. وانت يا عمي عزيز عليا بزاف . بصح ماراكش obliger باش تربيني انا وخويا مع ولادك .. في عمري 17 والحمد لله نقدر نلتى بروحي وبخويا

سعاد بحنان : يرحم يماك يا بنتي كيفاش راح تلتاي بروحك وبخوك .. نتي وحدك طفلة ومراهقة .. لازملك ماكلة وقراية وغسيل ماعن . بزااااف حاجات وحدوخرين .. زيدي خوك اللي في عمرو 4 سنين برك

طاحو دموعي : مالغري هادا ما نقدرش نجي عندكم
علي قرب ليا وشد يدي وقال بحنانة : متحبينيش ؟
انا بزربة : لالا حاشا .. نحبك بزاااف وربي يشهد عليا
علي : اذا جيتي تعزيني ارواحي معايا .. واذا علا ولادي مكاش مشكل يقعدو عادي وانتي فبيتك وبخمارك وما تنسايش بلي جواد خوك
وكمل بتمسخير : وما تنسايش بلي بنتي الشابة كبرت وولات مرا وما تطولش وبخطلوها وتروح مع راجلها

حشمت كي قال هاد الهدرة ووليت حممممممرة .. en+ فهم بلي راني علا ولادو بصح معرفش بلي راني خايفة من اياد .. صح وليت نخافو امنو ولا متامنوش

وهو ضحك : ههههههههههههههههههههههههه .. تفاهمنا ؟؟
اميرة : تعيشي سيرين قولي ايه
خزرت فطاطا سعاد خفت ما تحبش
تبسمتلي بحنان ام وقالت : مادا بيا تكون عندي بنوتة وحدوخرة فالدار وتهنيني شوية من اميرة وهبالها
الكل : 😂😂😂
اميرة : 😒😒😒

انا ما لقيت غير نزغد راسي بايه وانا ميتة بلحشمة 😶😶
واميرة عنقتني وهي تضحك بفرحة

*اياد يحكي

كان بابا يقوللها تقعد عندنا بصح هي محبتش
فهمت بلي راهي خايفة مني او بزااااف تاني
باسكو في كل مرة تخزر فيا تولي ترعش وتبعد عينيها بزربة على عينيا

وانا نزيد نندم كتر وكتر
صح انسان مغرور وشايف روحو
بصح لبنات تاع صح يغيضوني
غير ناذي كاش وحدة نعاود نروح ليها ونطلب السماح

بصح جامي طلبتو باسكو جامي خلطت فطفلة
اصلا كامل يعبدوني علاجال زيني
بصح انا منحلبش
او مينداك نلعب بيهم برك

بصح سيرين هادي استفزتني بزاااف وخلاتني نشك في روحي وفي رجولتي
اكدتلي بلي هي بنت اصل وقوية
بصح فنفس الوقت بزاااف ضعيفة
ما ننساش الرعشة ديالها نهار العشا .. رعشة فيبراتني انا معاها
ونفس الشي كنت نشوفو ليوم كل ما تتلاقا عينينا

مارينيش حابها تخاف مني
باسكو تكاكيت معا روحي وانا لي غلطت

لمهم تفاهمو معاها او قالولها بلي تبات عندنا
او b1 سووغ .. ليوم تكملو فالسبيطار

جواد : بابا راك عيان مالصبح وانت فالخدمة .. روح للدار وانا نقعد معاها
علي : نخلي بنت خويا معاك ؟؟؟
جواد تبسم : 😊 ختي لالا !! .. تسما نقعد معاها نوغمال .. واميرة تاني تقعد .. ونتا ويما واياد روحو
اياد : علاه نروح انا ؟؟؟

جهاد فهم واش بيها سيرين
وعرف بلي راهي خايفة مني
باسكو شافها ترعش كي تشوفني

جواد : يعني .. انا قلت برك باش منعييكش هادا مكان
اياد متبسم : ☺ كتر خيرك خويا لعزيز بصح نقعد .. مام انا بنت عمي واميرة تقعد تاني
اميرة : 😏 واااااو من وقتاش لحنانة عليا
اياد : 😒 بلعي
جواد وعلي وسعاد : هههههههههههههههه 😂

علي : خلاص مالا .. انا ويماكم نروحو للدار ونتوما اتهلاو
سعاد : بالاكو علا رواحكم .. او بالاكولي علا بنتي
تبسمنالها قاع وقلنالها اوكي
وراحو

* سيرين تحكي

كي عرفت بلي اياد حا يقعد حبس الدم في عروقي
متت بلخلعة
اووووووووف هداك واش خصني

او كي قالت طاطا سمية بنتي
قاستني بزاااااف
حسيت روحي حا نبكي
توحشت يما هاديك الدقيقة
ما علاباليش كيفاش حا نصبر علا فراقها

ما فوقنيش من سرحاني غير هاديك الذراع لخشييينة اللي تحطت علا كتافي وحاوطتني
تشوكيت وتجمدت فبلاصتي

اميرة تطبعو : هيي هيييييي بعد علا ختيييي يا السامط
جواد رفع حاجب : ختك ؟؟ .. اووو ما كنتش علابالي .. حتي انا يا البقرة .. طيريييي
اميرة : واش وااش .. ديجا امنت روحك
جواد : نن بب ما امنت روحي ما والو .. تع الصح سيرينة ختيي
اميرة : اوف اووف .. زيد سيرينة !!
جواد : 😏 غيوووووورة
اميرة : 😒😒

تبسمت بلا ما حسيت
طلعت راسي وشفت فجواد وهو هبط راسو ليا وتبسملي
انا حشمت وهبطت راسي وخدودي حموووورة حا يطرطقو

جواد.: ههههههههههه مع الوقت تروحلك الحشمة وتوالفيني
اميرة : ما شكيتش
جواد : 😒 تقدري تشدي فمك شوية ؟؟
اميرة : نن منقدرش .. ديزولييي
جواد : رنكيييي
اميرة : ديجا كيفاش حتى وليت خوها ؟
جواد : قوليلها تحكيلك

اميرة خزرت فيا وانا قلت بلعقل : ما علاباليش
جواد خزر فيا مخرج عينيه : 😲 قولي والله
انا بلعقل : والله
جواد : يحلييييل .. المهم كان عندك خوك لكبير تيم
انا عقدت حواجبي : تيم ؟؟ الله يرحمو .. وشبيه ؟؟
جواد : الله يرحمو .. المهم تيم قدي انا واياد .. تسما كي زدنا حنا انا ما كنتش مليح كيما هاد لبغل
اياد : 😡 هيييي احترم نفسك
جواد طنشوو : لمهم بابا ويما كان عندهم شغل فلماريكان وانا كنت مريض وما نقدرش نسافر وكنت 5 شهور ولا 6 هكاك .. طاطا ليليا ربي يرحمها تطوعت تخليني عندها تسما انا رضعت مع خوك .. تسما نتي وتيم وعماد خاوتي بصح ماشي خاوة اميرة واياد .. هاهاها

اميرة : هه زعمة حاجة مليحة
جواد : علاه مشي مليحة يا لالة
اميرة : لوكان زعمة زعمة كنت تحبها وانت ما علابالكش بلي ختك .. كيفاش تدير
جواد : مينداك الاخوة شابة خير اميرة
اميرة : 😒😒 اممممم ديك هي .. وتيم هادا علاش مات او وقتاش ؟؟
سيرين ملامحها ولا بائسين : تيم مات كي ولا في عمرو 15 سنة ..(تعمو عينيها بالدموع) اكسيدون
اميرة 😢
جواد بحزن : ربي يرحمو سيرين .. ادعيلو لبكا ما راهو حيفيد فوالو .. ونتي اميرة ما تبدايش تزيدي على الطفلة
مسحو بين زوج دموعهم

اميرة : اياد .. وشبيك ساكت ؟؟
اياد تبسم : لالا والو
اميرة : ماشي من عوايدك .. وديجا ارواح تقعد راك عييت وانت واقف

جواد : سيرين
انا طلعت عيني ليه : نعم
جواد : كي تجي عندنا ولي تحبيني وديريلي واش نسحق .. باسكو هاد الكلبة تحب غير اياد .. ما فهمتش علاه
اميرة : كلبة في راسك
انا ضحكت : هههههههههههههه اوكي ما يكون غير خاطرت
هو تبسم لي وكملنا قصرة وحلااااتلي .. حسيتهم خاوتي اباغ اياد اللي ما هدرش كامل معايا .. والحمد لله لي مهدرش