#عشق_محرم
الحلقه السادسه
ستفت البضاعه والادوية ..روحت متاخر شويه تااالف بكلل وتعبان
دوشت وتكيت ع سرير نفكر نتصل بريم ونحكي معاها خلاص العرس قرب ..خديت رقم الي عطاه ليا محمد ورنيت طلعلي مقفل
قيس بتنرفز بكل..عاودت نرن اكتر من مرة ونفس شي رقالي منها
ريم: يي تعبتك معاي وانتي مريضه
سمر: لا حبيبتي ولله نورتينا..ياريت عميمه جتنا
محمد: هه عميمتك خليها عليا
سمر تحشمت: امك محمد ..توا يجي وقت وعادي
ريم: صح عليش تحط في بالها..انتي عسل و تنحط ع الجرح يبرا
سمر: ههههه واجد هكي
محمد: شفتي كييف مراااتي خير من عامر مزال احمد
ريم: ههههه هييي لو يسمعوك
محمد: ههه عيت ونا نلوح في الكلام وهوا يرد..ولله الحاج ضربنا بلعكوز
ريم: تستاهلو
سمر: صدقت لومي صححح
ريم: يلا تصبحو على خير
سمر: وانتي من اهله
محمد: وانتي من اهل الخير..سلام
ريم: باي
نزلت لوطا لقيت بابا في المكتب متعه وماما قاعده تخيط ومروة ع الفون
ريم حطيت تبسي: خير
مروة: خيرات..ناعليا سمورتي حسبتنا
كوثر: ضحك لي اخر الشارع..هدا كله راكبه بتسألي وانتي ماشيه تتعشي
ريم: شدتني وماحبيتش نكسفها..اكتر من مرة واني نرفض
كوثر: خليك معاها تعبيلك في الراس الفارغ
مروة: ماما خيرك راكبه راسك وراسها..بلعكس خير من ثقيله اماني فرخه
كوثر: تحشمي ع وجهك..وبعدين هاديكا بعيالها
مروة تاكل: توا تشوفي نحطوها ع كفوف راحه سمورة ..ولا هاثقيله اععع فيهاش جو
ريم: الصبر ياربي..اني بنخش لي داري
كوثر: اي اي تهربي من كلام زيدي
ريم خشيت وخليتهن تعبت من نفس الموال شديت فوني لقيت مسكر حطيته في شحن وخشيت دوشت طلعت جففت شعري وتيت حوايج بكرا ..فتحت لقيت مكالمات و مسج
يي نضم دار احسن اكيد رسايل فاضيه
على قصاد ساعه12شفت مكالمه رقم استغرب فتحت رساله "اني قيس..هدا رقمي"
ريم نطيت: ياربي عليك غباء فيا.اووف نتصل.لالا بلكي مايبيش..والا نقعد خفيفه ..ااه بنتصل
نزلت نشوف امي ولبنات لقيت تالين واعيه خديتها من امي
امه: خيرك؟!
قيس: لالا شي..هادي بتسهرك
امه: رقدت وقصاد المغرب ناضت
قيس يلعب فيها: هههه معناها مافيش نوم توا صح
تالين تناغي
قيس: خليني نركبها معاي خير ماتعبك
امه: به
ركبت فوق سمعت صوت تشرين فوني تذكرت ريم ولحقت ع اخر
قيس بصوت رجولي: ايوا
ريم ارتبكت: ااء احم الو
قيس: اهلا كيف حالك
ريم: كويسه وانت
قيس تنهد: كويس الحمدلله
ريم: ..اسفه مبدري فوني طفى شحنه وكنت عند حمادي
قيس: لالا مش مشكله..ونا كيف لحقت نسيته في شقه الفون ونزلت
ريم: انت قاعد في شقه !!
قيس: اهاا..اوششش يابابا
ريم: تولي معاك..ييي تناغي يالوحي
قيس ضحك: اهاا مانبيهاش تسهر امي وهيا ع قصار المغرب ناضت
ريم: نجيها ياربي..بس عاد تحطها عليك تنعس
قيس: ممكن..بس تعاند ماتبيش
ريم: هههه
