معاناه يتيمه
البارت 25
.
حسن: راح حسوني يشتري واني بقيت اكتب وراها صار الدرس الثاني واجت المعلمه كلتلي وين اخوك روح جيبه طلعت من الصف رحت للحانوت ماكو حسوني رحت للحمام وهم ماكو رجعت للمعلمه ست اخوي ماكو ماعرف وينه
المعلمه: مفالحين بشي بس تشلعون كلبي وتنهزمون من المدرسه شلون تربيه
رجعت كعدت برحلتي صارت فرصه وهوسه طلاب السادس يصيحون والمعلمين وخبصه ماعرف شصاير اجه ولد جبير من السادس
حسن علي هنا
كمت اني حسن شنو تريد مني
تعال المدير يريدك رحت وياه دخلت للأداره واشوف اخوي حسوني متمدد وسابح بدمه
لٱ اراديا ركضت حضنته وارجف من الخوف كلبي يدك سريع اخوي مات شاله المعلم وراح للمستشفى واني ماعرف شنو اسوي بس خايف حيل اباوع بالوجوه المعلمين والمدير والطلاب شفت عمو محمد دخل ركضتله ختلت بحضنه وابجي
محمد: شبيك ابني شصاير ليش المدرسه مكلوبه
ست سماح: يااا انته متدري غير اخوه هل طالب واكع من الطابق الاخير بالزاويه من صارت الفرصه تعرف طلاب السادس يدخنون هناك فـ طالب منهم شافه واكع والدم وصاح للمدير واخذه مصطفى وست منار للمستشفى
حسن: عمو اهلي ميدرون
محمد: اوكف اتصل ع ابوك
محمد يصير صديق علي وحسن وحسين يصيحوله عمو حتى بالمدرسه هم عمو
وراها محمد اخذ حسن وطلع بره واجه علي
ريم: اصرخ من الوجع والدكتورات يفترن عليه واسمعهن يحجن وضعها مو زين احتمال تموت الام سديت عيوني وابجي افكر بجهالي شلون بيهم هذا حسين متعلق بيه ومينام اله اني يمه وابجي اجت دكتوره ضربتني ابره ماعرف مال شنو دخت وغوشت الدنيا بس وجع احس يمي ناس وصوت طفل ونسوان يحجن بس مافهم شي
علي: طلعولي حسين جثه
الدكتور: وصل للمستشفى ميت مابيدي شي الله يرحمه
رحت شلته ابني بعده مشاف شي من الدنيا طفل صغير صف اول ابتدائي يموت ليش ربي شمسوي بحياتي وهيج يصير بيه بحضني خليته رجليه بعد متشيلني كعدت بالكاع اباوعله ابني راح من ايدي كوم بابا بعدك صغير ليش تشلع كلبي حبيبي كوم اني ابوك لازم تسمع كلامي عمت عيني عليك
حسن: بابا يحجي ويه حسوني ودموعه تصب اخذت موبايله اتصلت ع جدو ورجعته
ريم: احس يضربوني ابر واصوات بس ماكدر اركز يمكن اني ميته بس جهالي شلون بيهم منو الهم
علي: سمعت صوت اهلي ابوي وامي واخوي وولد عمامي وصارت هوسه كلها اجت ويبجون يحاولون ياخذون حسين من حضني واني اصيح ابني هذا محد ياخذه مِڼـّي
ام علي: يمه سوده عليه راح شمعة البيت يمه العزيز راح وتلطم
ابو علي: كوم ابني حرام هيج جيبه انته دتعذبه بهل شكل
علي: شكووول لأمه اخذته للمدرسه ورجعته ميت شكول اخذتهم ثنين ورجعت بس واحد ابني راح ضوه عيوني فرحتي بالدنيا راح صاحولي ممرض انطاني ابره دخت وجرته امي من حضني وشالوني وحسن لآزٍمٍ بسترتي ويبجي لٱ تعوفني بابا
رياض: تعال حسن اريد احجي وياك تعرف شلون مات اخوك
حسن: عمو ماعرف راح يشتري ومارجع وصاحوني للأداره شفته متمدد وبي دم وست سماح تكول واكع من الطابق الاخير
منو شافه اول
طالب من السادس رايح يدخن وشافه وصاح ع المدير
زين حبيبي انتم شعدكم بالطابق الاخير
مصاعدين فوك من قبل وحسوني يخاف مايصعد
اخذني بحضنه غسل وجهي لٱ تخاف باباتي اني هنا
عمو بعد مايرجع حسوني ونلعب
اششش حبيبي
ريم: نايمه واسمع صوت حسين ماما كعدي جوعان اريد شطيره ويلعب بشعري اصابعه الصغار لزم ايدي ويبوس بيها يلا ماما كومي خواتي يبجن يريدن امهن اريد ارد ماكدر ميطلع صوتي
ماما اني احبج ويبوس بيه وخر من يمي وراح طلع من الباب صار هدوء كعدت فتحت عيوني ماعرف حلم لْـۆ حقيقه اعرف علي مينتبه عليهم اريد اتحرك ماكدر جسمي يوجعني
علي: موبايلي يدك يدك يدك اسمعه فزيت جيرانه يتصل رديت الو يمعود وينك مرتك بالمستشفى بين الحياة والموت
يا مسُتشًفيےّ ....
وكفت ع حيلي حسن نايم بحضن رياض
علي: رياض ريم هنا تولد اني رايح انطيني حسن شلته وهو نايم وركضت
رياض: يمعود خلي عندي ماتكدر هيج
حسن نايم فزيت بابا شايلني ويركض
ويحجي بالموبايل ويصيح ويغلط
وصلنا غرفه دخل ماما نايمه نزلني رحت يمها ماما حبيبتي لٱ تموتين مثل حسوني
ريم: فتحت عيوني شبي حسين وينه! !!!
أنت تقرأ
مَعٌأّنِأّهِ يِّتّيِّمَهِ
Misterio / Suspensoقِصٌهِ حٌزِّيِّنِهِ بِنِتّ مَنِ مَحٌأّفِّضّأّهِ أّلَعٌرأّقِ يِّتّيِّمَهِ تّفِّقِدِ حٌبِأّبِهِأّ مَأّ مَخَبِء أّهِلَ أّلَقِدِر مَنِ أّحٌدِأّثّ
