الطرف الثالث

الجزء -1-

صعب جدا ان تحب شيء ليس لك والاصعب عندما يكون لك وليس لك في نفس الوقت لا تستطيع الابتعاد ولا الاقتراب كله قاتل الامل موجود لكن الفرج بعيد وربما لا يوجد فرج ابدا لان ببساطه هي ليس قصتك انت

^^^^^^^^^^^^^^^^^^^^^^^^^

-اباوع المطبخ مخبوص بين اماعين وصخه وبين المسواك المحد معزله وبين الطبخ والجدوره ومااعرف منين ابده

-يمه بيش الساعه هسه يجونه الناس واحنه بعدنه كلشي مامسوين

-مااعرف يمه بس انتي هم لا تخبصيني هسه اني شسوي

-وين الخاتونه شتسوي

-جاي تعدل بروحهه حتى هيه تنشاف حلوه واحنه من الشغل طايح حظنه

-اي هسه قسمتهه تمشي قبلج

-اهووو تدور السالفه وترجع على نفس الموضوع خل اروح اصيحلهه احسلي

-زينب زينب

-هاا شتردين

-تعالي عيني ساعدينه مو بس احنه نكرب وانتي كاعده مدري شتسوين

-خوب انتي تظلين تحوسين اذا ماتجيبيني وياج ماترتاحين

-لاتحمين رجاءا صالي ساعه ساكته عنج اصلا امي الي كلتلي صيحيلهه

-زينب :هااا يمه شسوي
-انتي اغسلي الماعين وانتي الكطي الخضره اني شويت الدجاج وسويت التمن والمركه كلشي جاهز راح ارتب البيت

-زينب :اكولج مياده هم تجي وياهم

-اكيد كلهم يجون

-اوف والله اكرههه

-حتى اني انوب هسه انخطبت هيه محد جان مكلبهه وتتفيك انوب هسه

-اوي اني راح احاول ابتعد عنهه مترات

-ههههههه

واحنه جاي نحجي دك الجرس رحنه ركض غسلنه ورحنه نستقبلهم طلعوا مو كلهم جايين بس عمي ومرت عمي ومياده محمد ابنهم هوه ومرته ماجايين سلمنه عليهم وفوتناهم امي فاتت كعدت يمهم هيه وبابا واشرتلنه نكمل تحضيرات انوب شويه واجتنه للمطبخ

-خابري على اخوج خلي يجيبلنه وياه صمون وطرشي وروبه ويجي لا يطول

-خابرت عليه كال جاي بلطريق وفعلا شويه واجه صبينه اني وزينب وكعدنه كلنه على الاكل عمي ومرت عمي سوالفهم حلوه بس مياده ولا نطيقهه كملنه غده كمنه شلنه السفره وكلهه اجت شالت الاماعين ويانه وكفت على السنك اغسل الاماعين اجتني زينب