بيوت النار(قصه عاهرة)باللهجه العراقيه

7

كعدت مرعوبه وتجر النفس بلكوة وكصتها عركانه دائما تحلم جنيد يخنكها ويموتها لان هربت  هذا الحلم ميعوفها ابد  كامت من الفراش وطلعت للبلكونه هدووووء قاتل ساعه خمسه الفجر  بس صوت  موجات البحر البطيئه تنسمع حضنت روحها وغمضت مشتاقتله اتذكرت كل لحظه كضتها ويا رغم مرارة الاشهر العاشتهه ويا اتذكرت كل لمسه منه جانت تخليها تحس بشي حياتها ماحسته اتذكرت حبه الي جانت تشوفه بعيونه 

هو هذا التصرف الصح  جان لازم تبعد لان جنيد دمر حياته ودمرها هي فوك دمارها  وحطامها

طلعت تتمشى عالبحر وتفكر صافنه بحياتها الغريبه حياتها المابيها شي طبيعي
اني ذهب الراقصه بنت الليل  جنت مثل اي بنت ليل بس من دخل جنيد حياتي كلبها

اني الي من تتمايل الزلم تتمايل ويه خصري
اني العاهرة الي يشمرون فوكاهه فلوس

حياتها صارت طبيعيه عايشه بشقه حلوة بتركيا تشتغل بمطعم راقي قبلوها لان شكلها ساعدها  واكيد غسان هم ساعدها 

——————————————-

بعد مرور سنه

ذهب وهي تحط غراضهه بجنطتها:-مدام هويدا اني خلص شغلي راح اطلع

مدام هويدا:-ماشي حبيبتي ديري بالج على نفسج

ذهب وهي تطلع:-ماشي مدام

مرت سنه وهي عايشه حياه طبيعيه تركت شغل المطعم بعد خمس اشهر بعد ما حاول مدير المطعم يلمح الهه انو يريد علاقه بينهم تركت شقتها وانتقلت لغير مدينه  ولكت شغل يم عراقيه عدهه صالون هناك وصارلها سبع اشهر تشتغل هنا وكاعدة بشقه صغيرة  صح الحياه الجانت تتمناهه بس بيها نقص جبير  ...جنيد وحبه الهه  ...تشتاقله بس تعلمت تدوس على كلبها جانت تمشي وتفكر لحد ما سمعت صوت يصيح باسمها رفعت راسهه من تليفونها وفتحت عيونها غسان ركضت بالاتجاه المعاكس وغسان بلش يركض وراهه ويصيح بيها :-ذذذهب اوكفي ذهب  ولج اوووكفي ذهب مراح اذيج لا تركضين
بس هي جانت مرعوبه وتركض ماصدكت خلصت منه وكدرت تفلت انوب لكاهه ظلت تركض لحد ما كدر يلحك بيها ولزمهع وكعها بالكاع
غسان بعصبيه وهو يجرها من ايدها:-انتي تخبلتي شجاج ليش تهربين

ذهب وهي تدفع بي:-عوووفني شتريد ياخي عوفني اعيش حياتي المن تدور عليه الله ياخذك

غسان :-مو وكت كلامج يلا تعالي ويايه عندي حجي وياج ....

جانت عيونها مفتوحه بصدمه :-حضرتك تريديني اطلع ويه واحد

غسان بملل:-ديلا عساس ماجنتي تطلعين بفلوس ...هذا الرجال لازم يوقع عقد صفقه ولازم اقنعه وهو يموت على الحلوات وين الكه غزال مثلج يوكعه انتي وكعتي جنيد وكدرتيله انوب هذا العاوي ....