صباح جديد لمهم ليوما فقت بكري نضت دوشت او توضيت او خرجت صليت من بعد لبست حواجي لي عبارة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلت سلمت على ماما كلست فطرت او خرجت شديت طاكسي لكلية... مني وصلت لكلية (لكلية كاينة حدا واحد سوبر ماركت قديييم او كبير او دابا كيريبو فيه باش يبنيو فبلاصتو شاركة على ما اضن) خلصت مول الطاكسي نزلت او تلاقيت مع صاحبتي نسرين نسرين : حبيبتي توحشتك (او طارت عليا عنقاتني) انا : زين ديالي حتا انا والله حتى توحشتك لباس عليك اش كتعاودي نسرين : لحمد لله احبيبتي هاد ساعة والو هههههه انا : يالاه يالاه ندخلو قبل ميمشي علينا الحال . دخلنا انا او حبيبتي الحصة او كانت عندنا دكتورة لمهم دازت الحصة زوينة من بعد خرجنا او رجعات كل وحد فينا لدارها ماما : على سلامتك ابنتي كداز نهارك الاول انا : (بست ليها راسها) داز مزيان اماماتي لحمد لله ماما : اه ايوا مزيان ابنتي الله ايوفقك انا : امين احبيبتي بابا باقي بالخدمة 😊😊 ماما : اه باقي يلاه سيري بدلي حوايجك او اجي نكلسو نتغداو راه باباك او ختك مابقا ليهم والو او يرجعو انا : واخا انور عينيا هاني غاديا☺☺ طلعت بدلت حوايجي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
او نزلت عاونت ماما حطينا الطبلة او كلسنا كنتغداو فجو من الضحك من بعد كل مشا يقضي شغالو كملنا انا او ماما جميع الدار او مشيت لبيتي كنراجع داكشي لي درنا حينت ما بقا لينا والو او نذوزو لفرض وصل الليل تعشينا او كل واحد مشا ينعس
سلام حبيباتي كنتمنا يعجبكم لبارت الاول 😍😍 او ماتنساوش دعموني بالفولط او كومونت 💓💓💕
