هو و الهبيلة

part 5

دخلنا سلمنا عليهوم كلست بلاصتي فطاولة لخرة طبعا ههه انا او أنور حيت كل مادة كنgلس حدا شي قندوح فيهوم .

دخل ستاذ ديال لماط (أنا وياه مكنتحاملوووش حيت ديما دايرا ليه صداع ) أول وحدة شافيها هي أنا.. واحد تخنزيرة دار فيا مكرهتش نطير عليه ولكن gلت نخلي هاذ ساعتين دوز بخير...

الاستاذ: (كيشرح الدرس ) إذن6. 4)2=8x.65y و المعادلة.... هيييه فردوس عسكري نوضي لسبورة😠

انا:(كنت ناعسة ودفال دايز جناب فمي، سمعت سميت وانا نوض قافزة وانا نغوت بجهد حتى بدا لقيسم كامل كيضحك)واا الحفيظ الله، واا سبعة رجال 😨

الاستاذ : سكااااااات..سكاااات (التلاميذ كيموتوا عليها بضحك و الكليكة خلاص وهي واقفا او دايرا إديها على جبهتها ؛بحال تحية ديال العسكر؛ )

انا:(يالله عقت براسي اش كندير أو فين أنا ) احم احم نعام أستاذ (حابسا الضحكة )

الاستاذ: شرحي ليا المعادلة ليكنا كنديرو 😠

انا:(كنشوف فالسبورة مافهمت حتى ق**وة .جاب ليا الله بحال كاتب داكشي بالشنوية) أستاذ راه فاهمها ولكن معرت كي نشرحها ليك (كطنز عليه )
(لقيسم تفرشخ تاني بضحك 😂)

ذ:سكاااات .ونتي gلسي منسمعش حسك باقي

انا:هي لي ماتعاودش أ أستاذ (فخاطرها:تفو الله إنعل طبونمك كنت ناعسا مابيا ماعليا حتى فيقتيني .يخ حتى الحلمة لي كنت كنحلم بيها مغترجعش 😤)

ليلى: بس بس زين وصلتي لمرحلة الزواج ولا فيقك تاني  فالخطبة 😂

انا: لهيلا بحال لعلمك الله

انور و عبدو : الله يستر 😅

أسماء: ههه والله إلى ساليتي معيا غير بالوقفة غير ديال عمي العسكري (بابات فردوس هو اصلا كان خدام عسكري وشد تقاعد و دب خوها دار خدمة باه غير هو دار بوليسي)
انور و عبدو و ليلى:هههه لهيلا😂

انا: وصافي زدتو فيه 😬

مهيم دازت ساعتين ديال الماط خرجنا ومشيا لواحد جردة gلست فيها انا و أسماء

أسماء: إمتى غنديرو داكشي لي تافقنا عليه

انا :دب نيت (وغمزت ليها لواحد لبنت)

اسماء: (ضار كتشوف فيها وكتضحك)
ناضو لبنات بجوج و مشاو عند عند شي دراري صغار تكون عندهم ديك 6سنين و قالت لواحد فيهم : ...*****....*******

دري صغير: (شاف فيها بمكر)والمقابل ؟
انا: (ما تصدماتش فيه عارفا ولاد كزا كيدايرين ) ممم طلعتي مطور اوكي منعش لكل واحد فيكوم .اش gلتي 😉
د.ص:(هضر مع صحابو و تافقوا ؛دار عندها): موافقييين
انا:اوكي (كتشير عليها)راها ديك لبنت لي gالسا مع صاحبها
د.ص: ويلا شدونا 
انا:ماتخافش 😈

*لبنت جالسا هي وصاحبها و كتحلون عليه دايرا كيلو ديال لماكياج و لبسا لمقزب
لبنت(فاتي): حبيبي مليت يالله نضورو شوية بطومبيل
دري(عمر): أوكي بب (وشد لها فيديها مع ناضو غادين و هوما يشوفو .....