"بسم الله الرحمن الرحيم"
___________________
بارت (3) بعنوان«(عذاب الحب)»
❤💛💛❤💛❤💛❤
اسر - نايم مبتسم وبيفكر في ساندي وايام طفولتهم مع بعض واعترافه ليها بحبه محدث نفسه ياتري في فاكره ايامنا مع بعض ولا كانت صغيره ونسيت طيب ولما قلتلهاا بحبك وانتي ليا ياتري فاكراه اااه من الحب وعذابو وسهرو وليلو يارب اجمعني بيها ونام مبتسم علي ذكرياتو مع حبيبة طفولته ...
______
نور = كانت خايفه من حركة الصوت الي في اوضتها مين في هنااا وجريت علي النور تولعو نور بصدمه باباااا هو ااانت
ابو نور - جري عليها واخدها في حضنو حبيبتي متخفيش انا كنت داخل اطمن عليكي ومحبتش اولع النور عشان متصحيش حقك علياا يانوري انتي كويسه ياحبيبتي
نور - ببعض الراحه والاطمئنان ااه يابابا خضتني اوي والله وخفت ليكون حرامي ربنا سترها الحمدلله ياحبيبي انا كويسه ربنا مايحرمني منك
سامي والد نور = حقك علياا انا غلطان اني مشغلتش النور ربنا مايوريني حاجه وحشه فيكي ابداا ياارب يلا حبيبتي روحي ارتاحي وكملي نومك عشان تصحي فايقه لكليتك ..
نور - حاضر يابابا تصبح علي خير
سامي = وانتي من اهل الخير وخرج
نور - الحمدلله ياارب و طفت النور وراحت في النووم .....
_______
اشرقت الشمس بنورها الدافئ
نور - فاقت من نومها علي نور الشمس في عيونها اامممم الواحد لسه منامش كويس والصبح طلع وفي كليه ونيله ااه ياربي مالو بس الي يتجوز ويرتاح مافي الاخر هنتنيل نقعد في البيت يلا توكلنا علي الله قامت نور وقالت اذكار الصباح وادت فرض ربهاا وجهزت نفسها وراحت علي اوضت ساندي...
ساندي = السلام عليكم ورحمة الله السلام عليكم ورحمة الله
نور - حرماا ياسوسو
ساندي = جمعا يارب ياقلب سوسو
نور - يارب ياحبي يكرمنا يلا بقي اجهزي عشان نفطر ونطلع عشان منتأخرش
ساندي = حمامه يانوري واكون جاهزه
نور - ماشي انا هستناكي تحت متتأخريش
ساندي = تمام ماشي ......
يوسف - كان مااشي وبيلبس في ساعتو ومش واخد بالوو خبط في نور
نور = اااه متفتح يايوسف وتبص قدامك
يوسف - ببرود سوري مخدتش بالي وسابها ونزل
نور = بديقه اووف اي داا ماالو بيكلمني ببرود كده ليه وانا عملتلو حاجه قال ضربني وبكي وسبقني واشتكي نور بتذكر الي حصل معاه هو واسر وخبط ايدها علي راسهاا اووبس نسيت هو زعلان من امبارح بس انا يزعل مني ليه ده كان متشاكل هو وااسر يووه بقاا انا ناقصه اما انزل واشوفه مالو
يوسف - وهو يجلس علي كرسي السفره صباح الخير يابابا صباح الخير ياعمي صباح الفل يامزز وهو باصص علي امه ومرات عمه...
الجميع رد الصباح
ابو يوسف = مززز؟؟ انت مش ملاحظ انك قليل ادب شوية انا محدش يقول لمراتي يامزه غيري يااولد فااهم
ابو نور - وانااا كذالك واخر مره اشوفك بتتغزل في مراتي
فاديه وامال = ههههههههههه
يوسف - بتضحكوو ده جزاتي اني بدلعكم يعني طاب اقفو في صفي وانت ياحاج انت وهو اسف حقكم علياا مخدتش بالي من وجودكم هههههه
نور = صبااح الورد علي النااس الورد
ساندي - صباحووووو
رد الجميع الصباح وجلسو يفطرو
ام نور = طممنيني عليكي حبيبتي انتي كويسه دلوقت
نور - متقلقيش علياا ياماما انا بخير والله
ابو نور = بص علي مراتو بحزن حبيبتي نوري ربناا يحفظك ياارب
فاديه وجوزهاا - امين يااارب
نور - حاولت تفتح كلام مع يوسف وسألتو بقلك يايوسف هو انت عليناا انهارده صح
يوسف = من غير ميبص عليها المفروض تكوني عارفه مين عليكم يلاا عن اذنكم انا اتأخرت
ساندي - بصت علي نور بحزن واخدت شنطتها يلاا يانور اتأخرناا
نور = بحزن علي عدم اهتمام يوسف بيها مااشي يلا بينا والقو التحيه علي والديهم ومشيو .....
وصلو البنات علي كليتهم
ساندي - نور لسه المحاضرات مبدأتش تعالي نقعد في الكافيه
نور = لا ياسوسو انا هروح اشوف يوسف واحاول اصالحو عشان الي حصل بينو وبين اسر
ساندي - دق قلبها بمجرد سماع اسم محبوبهاا م م مااشي روحي وانا هستناكي هناا
نور = راحت علي مكتب يوسف وجات تدخل لقيت مجموعة بنات عندو بيتكلمو ويضحكو مع بعض حست بالغضب والغيره وخبطت ع الباب
يوسف - توقف عن الضحك لما شافهاا وبعدم اهتمام في حاجه يا انسه نور؟؟!!
نور = بغيظ من اسلوبه ايوه كنت عاوزه حضرتك في حاجه ممكن ولا حضرتك مشغول!!
يوسف - ماشي يابنات اتفضلو انتو وكل الاسئله بتاعتكم انا هجاوبها في المحاضره عشان تفيدكم انتو وزمايلكم
البنات = شكراا يادكتور يوسف عن اذنك ومشيو
نور - بعصبيه انت جاي تدرس الطلبه ولا جاي تتمسخرر وتضحك مع البنات!
يوسف = ببرود وطي صوتك وثانيا انا مش صغير عشان حد ينصحني ولو مش عاوزه حاجه اتفضلي المحاضره خمس دقايق وهتبدأ وانتي عارفاني مبحبش حد يدخل بعدي اي حد مهما كان ..
نور - احست بكثوف وخجل من كلامو وشعرت بنغظه. وجع في قلبها من كلام حبيبها القاسي
انا اسفه يادكتور عطلت حضرتك انا كنت جايه اعتزرلك علي الي
امبارح وحبيت اصالحك وشكرا علي اسلوبك عن اذنك
يوسف = حس نفسو قسي عليهاا وزعل علي زعلها ولام نفسو علي كلامو محدث نفسو قال جيت اكحلها عميتهاا يادي النيله مهي كانت جايه تصالحني وكنت اتصالحت وخلصت انا مش قادر مكلمهاش واحكيلهاا ياااربي بدل مكنت هتصالح هضطر اني اصالحها هي جاتني خيبه وضحك في نفسه
ساندي - بخضه مالك يانور بتعيطي ليه اي حصل؟
نور = بشهقه ودمووع االحيوان اخوكي ده رايحه اصالحو واعتزرلو يكسفني لا وكمان لقيتو بيتمسخر مع البنات قليل ادب
ساندي - نوور
نور = اسكتي انتي كمان الاستاذ الدكتور المحترم المفروض عارف ربنا وبيصلي والمفروض يغض بصرره عن البنات بس هو لا عمال يضحك وفاتح مكتبو للمسهوكين
ساندي - بخووف نوووور بس يخرب بيتك بصي و
نور = قطعتها انااا يكثفني ويحرجني ويخليني اعيط اما وريتو الحيوان قليل الادب بتاع البنااات
ساندي - ربنا يرحمك ياحبيبتي كنتي شريره والله بصي وراكي كده
نور = بتبص وراهاا واتخضت بصوت عاالي لقيت يوسف وراهاا وحاطط ايديه في جيبو ورافع حاجبو
يوسف - هاا واي كماان كملي
نور = بخوف وارتباك هااا ااانااا ااناا
يوسف - انتي اي هاا
ساندي = يوسف بص انت الغلطان عشان هي راحت تصالحك وانت الي زعلتها
يوسف - محددش خد رأيك ياكلب البحرر انتي واتفضلي روحي علي المحاضره لحد ماجي
نور = بخوف ساااندي استني ه هااجي معاكي وجات تمشي
يوسف استني انتي عاوزك وانتي ياساندي يلاا مش هكرر كلامي تاني
ساندي - بقلة حيله وخوف علي نور حااضر بس بالله عليك متزعلها تاني ومشيت
نور = بدمووع وشهق اانا مكنتش اقصد اقول كده بس انت زعلتني وكثفتني يايوسف ونسيت اني صديقتك وبنت عمك
يوسف - واقف زي مهو ولكن قلبو وجعو لما شاف دموعهاا واراد لو يستطيع ان يمسحهم ليهاا
نور = يووسف انت ساكت ليه يلا لو عاوز تخانقني وتزعق تااني وفضلت تبكي وتمسح دموعها زي الاطفال الصغيره
يوسف - بضحك علي منظرها بزمتك ده شكل واحد في تالته كليه ده شكل طفله عندها تلات سنين ولوي فمه باستهزاء
نور = بزعل للمره التانيه بكلاامو بصت ع الارض ومردتش عليه واستمرت في العيااط
يوسف - في نفسه اي الي بهببو ده انا جاي اصالحهاا ولا ازعلهاا اكترر محدث نور لوزتي متزعليش مني حقك علياا دموعك غاليه غلياا اوي ومش متحمل اشوفهاا
نور = رفعت وشها وعيونها كلها دموع وبتمسح فيهم بطريقه مضحكه ااانت قلتلي يالوزتي يعني مش زعلان مني صح
يوسف - بفرحه لسعادتهاا صح الصح يالوزتي واتمني متكونيش زعلانه مني عشان طريقتي والبناات وغمزلهاا
نور = بتذكرر وقد غضبت جداا حسابنااا بعدين لما نروح ليناا بيت يلمنااا
يوسف - بضحكه رجوليه جذابه هههههههه هو انتي مراتي وهتحسبيني ولا اي
نور = سرحت في ضحكته وفي كلمة مراتي ودعت من جوا قلبها انو يجمعها بيه
يوسف - سرحتي في اي يابت وبعدين هو انتي بتغيري عليااا يالوزتي وغمزلهاا تاني
نور = وقد احمرت خدودها من الخجل وتلبكت في الكلام هااا وااانااا هغير عليك ليه اانا بس مش عاوزاك تعمل حاجه حرام يلاا بقاا احنا اتأخرناا علي المحاضره وطلعت تجري هاربه من عيونه ..
يوسف ضحك علي منظرهاا وحس بفررحه شديده جواه لما شافها مبسوطه واستغرب شعوره ولكن تجاهلو ومشي علي المحاضره بتاعتوو
_________
اسر - صباح الخير ياحبايبي
الاب والام = صباح النور.
ام اسر = وحشتني قعدت وسطيناا ياحبيبي ربنا مايبعدك عنا ابداا
اسر - قبل ادين والدتو ياارب تسلميلي ياست الكل
الاب = ااه يختي حبيب قلبك رجعلك وانا هتركن علي الرف صح اسر خد هدومك وامشي تاني انت بتيجي وتاكل الجو كلو
ام اسر - ههههههههههه واناا اقدر بردو يا ابو اسر دنتا الحب الحب وغمزتلو
الاب = بلوبيف بلوبيف ههههههه
اسر - طيب اي يعصافير الحب اقوم واسبيكم راعوو شعور السنااجل مش كده ههههههه
الاب = بجديه لسه يا اسر مقررتش تعملك بيت وتجوز ياحبيبي انت مش ناقصك حاجه لا تعليم ولا مركز وكمان حالتك الماديه كويسه جداا مستني اي؟!!
اسر- احم والله يابابا كنت حابب افتح معاك الموضوع ده انا اختارت بنت محترمه وجميله اوي وكمان نعرفهاا وحابب اتقدملها في اسرع وقت لو معندكش ماانع
الاب = بفرحه كبيره لااا طبعاا ياحبيبي معنديش نروح انهارده لو حابب بس مين هي البنت؟!!
اسر - ساندي بنت عم نور بنت خالتي امال ..
الام = بس ده مش هيحصل واناا مش موااافقه .......
يتبعع 🙈🙈❤
بقلمي #Ghada_Rashad
