رواية حكاية أرمله:
الفصل التالت:
تأليف داليا علي:
أم أميرة... الدكتور ده شكله محترم اوووي يابنتي
أميره باستغراب... سبحان الله ياماما انا فكرته بخيل وعايش يكنز في الفلوس بس ده فاتح كذا عياده وبيشتغل في كذا مستشفي والوحدة الصحيه هالك نفسه عشان الفلوس
ام أميره... متظلميش حد يابنتي الله وأعلم بظروفه بس اللي أقدر أقوله إنه محترم جداااااا وبيفهم في الاصول
أميرة... هنزل بكره أدور ع شغل ويارب القي عشان اديله فلوسه
مر نصف ساعه فعلا مكه اتحسنت وبقيت كويسه
أميرة... ماشاء الله وممتاز كمان الحمدالله بنتي بقيت كويسه
تاني يوم أميرة بتدور على شغل وبردو مش لقياه لحد ملقيت شغل اخيراً في مطعم مأكولات بحريه هي اللي مسئوله عن البيع وتجهيز الأوردرات بس بردو المبلغ قليل اوووووي مش هيجيب مصاريف مدرسة مكه حتي... حزنت لما سمعت المرتب بس مضطرة تقبل مفيش حل تاني
😅😅😅😅😅😅😢😢😢😢😢😢
عند وائل لسه مكلمتكش
وائل.... هتكلمني ياسعد
سعد.... بطل غرور بقي دي وليه ارشنه مش سهله دي وفقت تعيش من غير جواز بس متخصرش مليم هي واخواتها كلهم كبار وعواجيز كمان بس متجوزوش عشان مفكرين الدنيا كلها طمعانه فيهم وبخله جدااا مفهومش الا اخوهم اللي مات ده هو كان مختلف عنهم
وائل... بقولك هتتصل
سعد اما نشوف
وائل هتتصل وهتجوزها وهبيعها الي وراها وقدمها ومش هسيب حق اختي الي كسرو عينيها وزلوها واتهموها بالسرقه واتسجنت كل ده ليه عشان اخوهم اتجوزها هما لبسوها سرقه وسجنوها
سعد ده الي مات
وائل. اه ده احسنهم ولما روحتله وقلتله اللي حصل خرج أختي بس هي صممت على الطلاق عشان خافت منهم وهو مسبهاش وكان عملها مرتب وأدها مبلغ كبير وسبلها شقته الي كان متجوزها فيها الله يرحمه كان محترم
بس العقربه دي خلت أختي تتعالج نفسي. ودخلنها مصحه مش هسيب حق اختي
سعد... ماهي ممكن متتصلش
وائل... ههههههههه انت مشفتهاش كانت بتبصلي ازاي يابني دي واحده فضلها كام سنه وتدخل في الخمسين ومحدش بقي بيعبرها من كتر غرورها وسمعتهم وبخلهم انا بقي هحي جواها حاجات ماتت وعفنت وان ماخلتهم ع الحديده مبقاش انا
سعد اتمني ياصاحبي بس متنسنيش
وائل هههههه عيب عليك######################ياسين متجنب مامته عشان الحوار بينهم وصل لمرحلة صعبه هو مش قادر يواجه
بس باستمرار ييفكر في أميرة وكل مافونه يرن يفكر هي اللي بتتصل.... عدي يوم واتنين وعشر وعشرين... وأميرة متصلتش ولا راحتله،،، العياده اتفتحت ونجحت والناس بقيت ديما بتدعي لياسين وبقي مشهور في الحي الشعبي،،، دعوه الناس بتفرحه بصه الاطفال لياسين بتدوي جرح جوه اااهات كتيررر جوه بس مدريها تحت ابتسامه جذابه مبتفرقش وشه... كلام معسول وكله زوق لكل الناس،،، اللي يشوفه يقول ده معندهوش أحزان،،، الناس كلها بتحبه وتحب ابتسامته واسلوبه اكتر من بنت وست يحاولوا يقربوا منه او يكلمو... بس ياسين قلبه مقفول وكأنه استكفي من الدنيا شاب 34سنه دكتور شاطر مشهور في مكانته شكله جذاب ووسيم واستايل كإنه موديل برفانه الكل بيعشقه لحظه مايعدي في مكان او يقرب بيعرفه انه جاي من على بعد الناس بتعشق ابتسامته وبساطة تعامله مع اي حد قفل قلبه ونهي حياته وعايشها مجرد ايام منتظر لحظه وفاته وكانه من برا شئ ومن جوه شئ تاني خالص
