زواج مصالح❤

❤part:8❤

هبة كانت سرحانه لانين اتصل تليفونها برقم غريب

.......غر نرجعو اشويه للماضي
هبة اتخرجت من تقنيه و بديت تخدم في مستشفى عام اتعرفت على دكتور و كان يبي يفتح موضوع الزواج اعليها بس ماشاء الله نورة ماتنبلش في فمها فولة 😂😂
نورة: بري ياكلبة وضحتله حالتها الاجتماعيه بس😂
موما: عارفاتك اتقيمي في القدر😂

هبة: ان شاء الله خير ...الوو
سيراج: أيوا دكتورة هبة
هبة باستغراب و كأنها تعرفه الصوت: منو؟؟
سيراج: اني الدكتور سيراج معرفتينيش
هبة: من وين تعرف رقمي
سيراج: من ملفك طبعا
هبة: املا رده لمكانه ...و سكرت اعليه

هبة ماتبيش اتخلي شيء في خاطرها كلمت نورة و طلعو يشرو و يبضعو
نورة: تعرفي هبة
هبة لاهيه تاكل و اتسوق: هااا
نورة: ولاعتي بجي يخطبني ياحليلي
هبة: ايااه زعما عقله في راسه 😂😂
نورة:ضروري تعلق ...و كملو تبضيع و هبة ماخلت شن إشرت بتقيم روحها عاد
نورة:حقا وين بتجلي وين بتباتي
هبة: قاعده انخمم بنقعد في السيارة و خلاص
نورة: هبلتي املا
هبة: مرات نرقد قدام الجامع وين تندري😂😂
نورة: ماركك الزفت غر هيا
هبة: والله مانعرف بذات الليله عاد
نورة: ايه هيا باتي عندي
هبة:والله امك عندي احساس بتلزني
نورة: مادوريهاش فوتاها غر هيااااا

روحت هبة مع نورة و كانو يحكو على الخطوبة يلي بديروها و هارون جاب امه تاني يوم و مشيت الامور

......تسريــــــع الأحـــــــدات
هبة كانت اتروح مع نورة الايامات الاوله و يامن ياحنه عايش العسل مع ياسمين و سافر باها أما هبة روحت للحوش يامن مش ضروري انقول حوشها

أما نورة ياحنه دارت حفلة خطوبه كبيرة و طلعت تهبل و هبة ياحليلي كلهم يتكلمو اعليها
      هذي يلي واخذها ولد خالتها و ماتبيشي وله.......ايه قالو راجلها تزوج اعليها .....ايه ريتي طيح سعدهم التريس ...رايحه قنينه ياكبدي وعلاش....جداها ياحنه جديه ان شاء الله ...و هلبا دوة غيرها
هبة كانت تسمع و ساكته و في عالم تاني ...
القيت انه دوة الناس صح كيف هيا بجمالها هذا واخذه يامن رغمنه هو طرف لاكن مش معبرها ...و كملت الحفله و حدادو موعد العرس بعد شهرين و نورة اخذيت إجازة و كل يوم الدور هيا و هبة توتي للبتاتها .....
...........

هبة:وووه افيييه شن ها الصنه اععععع ...حيي صرصور ووووه .. هذو شني ..خيره صنت الحوش اتقول مصاروة وووه ياعيطها مزاق تاكل و تلوح اععععععيه ....هذا شن يقولوله ...والله ماني ضامه حاجه ...و طلعت
كان حوش يامن اعععععععع ليه شهرين متزوج حوشه اعععع ماعلينا
.......غر نحكو على يامن و زواجه التاني
ياسمين كانت لاها مصلحه يوم يلي كذبت على يامن انها مخطوبه لانها ماكانتش تكذب كانت مخطوبه بس خاطيبها خط فاها لانها كلبة فلوس كانت اكبر عاهرة القيت يامن متزوج و اموره تمام بتوليله لانها ماعندهاش غيره يحبها ..
.....يامن سافر و هو و مرته ل تركيا
يامن خش لشقته يلي في الهوتيل ..
يامن: خيرة هكي الشقه صنتها ...كان متعود على صنت الروائح و العطائر و القشريات..
مـــومــا: حسيت بروحي تحمست هلبا😂😂
ياسمين: حبيبي خيرك قاعده عروسه اني
يامن: عروسه امك نعيمه تعرفاها غدوا الطيارة بنروحو
ياسمين: خيرك بيبي ماليناش الا اسبوعين
مــومــا: جابتلي القداد😵😵
يامن:، وهلبا فيك تشبحي فيهم ..و طلع
ياسمين: ياعطيك مرض تحسابني مكبدة اعليك
يامن ماروحش بكل لانين جي موعد الطيارة

.....وصلو لليبيا و روح طوول لحوشه
يامن في خاطرة: اكيده هبة روحت و ضماته و وتتلي حوايجي أصلا هيا وين كانت اتباتي الاسبوعين يلي فاتو ......
خش يامن و اول ما خش يقابلة قبيلة صراصير...اعععع
يامن شذ ياسمين من ايدها: بتروح نلقا الحوش نظيف و الغذي واتي و حوايجي نظيفات فاهمه..و طلع
يامن: أيوا ولاعه
هارون: هاا بوعجيله كملت دبل نص  دينك و خليتني
يامن: ت مش وقتك ولاعه اتعالى سيارتي بعتها
هارون: صار فلست بيك
يامن: ولاااعه فيسع
ركب يامن مع هارون
هارون: ماتقوليش خيرك
يامن: ت اسكت شينك حصله حصلت فاها
هارون: من اعمالك الخيريه يلي الدير فاها😂
يامن: ولاعه مش وقتك بكل
هارون: هاا اسكتت
يامن: تعرف اني ماعادش شفتها ليا شهر حتى لما وليت للحوش مافيشي
هارون: مسيكينه هحت شن بدير باها😂😂
يامن: ولاااعه
هارون: ت في الحفظ و الصون وورقة طلاقك او توصلك😂😂
يامن: تعرفها وين
اتفق هارون مع نورة باش بخلو يامن و هبة يتكلمو
هارون: أيوا حبي
نورة: نعم ولاعتي
هارون: شن صار
نورة: كل شيء تمام
هارون طلع ب يامن للاستراحه بزوقه
طبعا بزوقه هجاجوه ولى ل وين مكان😂😂
نورة: هبة تعرفي خاطري نشم هواء ربي
هبة: و شمي من شاذك
نورة: هيا نطلعو نمشو للبحر
هبة:ايه عادي اصلا مضايقه
نورة: تمت العملية الاولى بنحاج😂
هبة: شن قلتي
نورة: لا شيء سلامتك😂😂

كان هارون مقعمز على حاشيت السيارة السيارة و قدامه يامن عاطيه بالظهر لانين جيت هبة و نورة
كانت الدنيا كلها ظلام نزلت هبة و نورة ولعت السيارة و طلعت و كلمت هارون ركب و سيب يامن مع هبة
هبة: لما نقتلك يانورة
يامن:هبببة😨😨
هبة: شن جيبك اهني انت ...لما نقتلك يانورة
يامن: غر بنحكي امعاك اشويه وفهميني وين كنتي اتباتي
هبة: ماعندي شن بنحكي امعاك سيبتني و اني كنت بحاجتك كنت كل يوم نسمع فيك شن نظرتك ليا قدام مرتك شن اتقوللها اعليا و اني قلت وجهي ماعادش اتشوفه لاكن. تو اتشوف نورة
يامن: اني اسف والله اسف
هبة: حول من عليا ...و بديت تبكي ...انت شفت روحك شن ديرت فيا انت تعرف شن ديرت كسرتني كل يوم انقول امتى بنموووت خليتني في حيرة كل شيء صار واني مالياش ذنب انت .....اخخ
يامن: غر اسمعيني
هبة: مانبيش نمسع شيء ياسر ماسمعت واخذيت بكلامكم ياااسر انسيت روحك شن قتلي انسيت
ايه ايه قتلي انك وحده خامرة و عاهرة قتلي انه انتي ماتمسش في النجاسه ايه
يامن: خلااااااااص كله نادم اعليه خلااااص راني انمووت
هبة: حس شن كنت انحس ايه قتلي انه انتي مش بنت بوك انتي وحده عاهرة  بنت عاهرة و ايه وقتلي انه جداك بس جابراتك و انيي انبي بحسيتش ب شعوري ماحسيتش انك كسرتني 😭😭😭
يامن اسكت ماعادش اعرف شنو يرد
هبة طلعت تجري
يامن: اصبري هبةة اقعدي
هبة: حول من اعليا اعييت منها العيش هذي اعييت منها
يامن: اقفييي ......يتبع

عارفتها قصييييييرة صبرو روحكم باها و اعطوني رايكم و توقعاتكم
وان شاء الله مرات بتكون عشرة بارتات بس لاني اعييت نبي نرقد 😂😂😂
ماتخاذوش مني مرات اتكون 12 البارت
و احلى مافي الموضوع كلمت يتبع تهبل😂😂😂