القدر المحتوم بقلم الكاتبة ريم محمد (مكتملة)💚

ﺃّﻟَﻘُﺪٍﺭ ﺃّﻟَﻤًﺤًﺘٌـﻮٌﻡً(53)

#ﺃّﻟَﻘُﺪٍﺭ ﺃّﻟَﻤًﺤًﺘٌـﻮٌﻡً(53)
ندي هيما::

هيما :رن عليا وليد يوصي فيا علي مروه

ندي::طروح الراجل هذا يبي يوريك راني نرعش عليها ونخاف

هيما::مش عارف والله وقال طيارته السبت

ندي::اه علي هكي بس ران

هيما::لا يسأل لو نعرف مطعم فاتح في بنغازي كويس

ندي::هههههههههه مش قتلك طروح كلا هوا معناها ملبز حاجه

هيما: زعمك والله انا حمار نحسابه يوصي  فيا ويسال يبي يطلعها

ندي::شن رايك نعزموهم

هيما::وين بتعزميهم ياشاطره

ندي::هنا حوش أمك اصلا خويله أمس تفكر تعزمهم

هيما ؛:فكره والله بس خليها بعد يروح هوا من السفر

بنطلع نكسد برا باهي

ندي::طلعني معاك مليت

هيما::وين تطلعي خليك مدده علي ظهرك

ندي::مليت صوتهم يسهف بنطلع
هيما::تصكير راس هيا بشويه

طلعنا قعمزنا برا

هيما::خطرها احتمال  نمشي البيضاء يومين هذين عندي أوراق نبي نديرهن

جمال::خودني معاك حتي انا بنقدم علي جواز

ندي::جواز الأزرق الله حتي انا نبي شيلوني معاكم نعدو كلنا نديرو

جمال::هههههه مراتك تحسابها كافي تطلب قهوة وتستني في التكييف
تي انت بالذات بمنظرك هذا متقدري بكككككل علي الوقفه

ندي::لا عادي انا نتحمّل طبعي قتالي

هيما::انت عارفه المكان غادي شن شكله ههههههه

اول حاجه مسافه وانت اكثر حد جبان من الطريق والمرتفعات قالت قتاليه ههههههه

ثاني حاجه غادي ياحلوه طوابير من الفجر وشمس وهرجه ودعاك
وانت تبي تكمليها تسقمي في وشاحك ههههههه

يدفنك يابطه تجي عرم علي وجك

ندي::معش تقولها الكلمه هذي

هيما::عنجد معش نقولها توا هذي شنو

جمال::بططططططه

امه::خلاص عليش توتر فيها

ندي؛:خليه ياخويله جمل مش شايف عوج. رقبته كرشته رايحه كيف الدلاع

سلوي::خروف خروف مش جمل

ندي::خروف وجمل وجميع الدواب

جمال ::حي علي امه وانت ساكت تي هذي غلطت فيك يادابه

هيما::خليها منها لله انا أرقي من اني نحكي مع فرخه كيفها

ندي::ياطيب