سـಿـوآلفـಿـ آمـಿـونهہ

• ‏كِـتمٛان اݪـِشـﯢق حزن آخـر .🖤🌻،

هہلووو
رمـزيآآت،،آشـعآر💛

شجاني وما حضنتك قبل متروح
عفتني وغيبتك صارت طوويله
شجاني وما كلتلك الله وياك
وبقيت اتانيك ليله بأثر ليله
رحت بس من رحت خلصت الدموع
وشلت الروح بيدي فرد شيله
ونسيت الابتسامه وفرحت العيد
لان ضحكاتي بغيبتك صارت قليله
بعد هم عيني تفرح يوم ملكاك
لو جمعتنه صارت مستحيله

وحتئ
من منعوني منك
چنت ابوگ الروح غفله
ومن تنام الناس اجيك 💔

والله وخلصت العشرة
وماخلولي شي لاعزاز
على جذع النخل ماينكتب ذكرى !
خل يرحون
على المامش يأذوني  لو ادري بگفاهم خيط اتحمل وجع لابره
•

خاف حسبالك اجيت اعتب عليك
اني صار سنين عفت اعتابـــــي
ادري.. تغدر.. ادري تتركني وتروح
وذني كلهن خالهن بحســـــابي
اني صاحبت المشاكــل من وراك
وانت.. مدري شصاحــبت بغيابي
رووح.. باجر مو بعـيد.. الله كريــم
والله باجر ترجـــع.. ؟ تدگ بابـــي

‏‪أحدهم قال لي : “عَيناكِ جميلتان و حزينتان، عَيناكِ رصيفُ وداعٍ مُبلَّل.”🖤

صار سنين صابر والكلب موجوع
اضحك بالجذب وبرؤحي احزاني
اكول تهون ولازم كل مصيبه تهون
اشؤ عند المصايب ثبت عنواني
عشت عمري غريب بس اداؤي جرؤح
ولا اذكر بشر فد يؤم داواني
شسولفلك وشكلك عالجرة بدنياي
خلص كل الحجي وما خلصت احزاني

انه جروحي اصبحت مثل البراكين
كل ما يهدئ واحد ينفجر ثاني 💔
.................
اتمنى تعجبكم ❤️