مؤلم ان تكون محاطاً بكمية من الناس وتشعر انك وحييد....
تتهادي بنا الحياة الي ارصفة اللا شئ...
حيث تشعر بأن لا فائدة من وجودك...
رغم الضوضاء والصخب في المدينة الكبيرة..... إلا اني لا اسمع شيئا مما يدور حولي.....
رأسي يألمني حد الخوف...
*الفراغ يقتلني*......
ايمان: شهوده حبيبي يلا قومي ي تقيله كفااايه نوم والله😘😘
انا:امي عليك الله خليني انوم والله بصحي هسه بس شويه 😓😓
ايمان:شويه شنو يلا ي قلبي كفايه والله😚😚
انا:حاااضر اهو قمته😓
يلا دقيقه نسيت اعرفكم علي نفسي😁😹😹انا شهد عمري 19بقرا تقنيه معلومات(It) مجنونه لدرجه😹😹م بحب الهدوء نهائي بعشق الضجه 😹انا عندي اخت وحده 😘شجن قلبوشتي ودي اكبر مني ب سنتين بتقرا مختبرات😘يلا انا وشجن م لينا غير بعض اي حاجه بتحصل ل وحده فينا بنحكيها ل بعض ♥
نرجع ل موضوعنا😁
يلا انا لبسته وطبعا ك العاده شجن صحت قبلي ولبست واتخارجت جامعتها انا م شغاله بموضوع الميكب دا كتير يعني م عندي ل زول شي 😹
واحلي حاجه فيني م بكتر معاك الكلام بضرب طوالي وانفاعليه 😑😑
يلا طبعا شكله ف المواصلات مع الكمساري بفتح يومي كل مره ب شكله😹😹
المهم مشيت الجامعه ف ولد كدا اسمه ايهم عامل لي وجع وش😓ياخ بكره كدا لله ف لله 😹م بطيقه نهائي بس هو لبانه 😑وطبعا احلي شله ف العالم(احسان ،موده،اذكار)ياخ ديل بخففو علي تعب الجامعه ومشاكلي واي حاجه زي الدواء يختوه ف الجرح بطيب 😚
يلا اول م دخلته لاقيت الوهمان داك😓ومعطني ب قصص حياته الممله ديك😓😑وطبعا انا م برد ليه بس مشغله راسي هزاز😹😹م عندي ليه اخلاق ياخ هايف ووهمان😹😹المهم بعد م خلص اساذنته منه ودخلته للبنات ومعطوني ليك بالونسه والاخبار لحد م زيتي طلع😹😹خلصته محاضراتي وطالعه لحد م وقفني مؤمن😑😑
يلا مؤمن دا عباره حاجه كدا غريبه عجيبه جات مزحلقه من الجنه 😹لالا م مزحلقه دي راكبه طياره عديل😹😹هو ولد كدا مزززززه لمن غلط الجامعه كلها منبرشه فيه ياخ دا اي بت تتمني تتكلم معاه بس ♥المشكله انه مشخت ليهم كلهم😹😹بتملم بيني وبين قلبي هسه دا كمان عايز شنو مني ي ربي😴ياخ الليله انا م ناقصه لي وجع راس😑
———————
أليس ظلم أن أتنفس من دون صوتک !أليس من حقي كـ عاشقة أن يكون صوتک رئة ثالثة أتنفس بها♥
مؤمن:شهد ممكن ثواني😊
انا:اتفضل😁
مؤمن:ممكن نشرب قهوه اذا ممكن😊
انا:معليش م بشرب قهوه انا🙂(م هذا القصف😹😹💔)
مؤمن:طيب نتغدا سوا😓
انا:والله م عندي زمن بتاخر خليها يوم تاني😑😑
مؤمن :م مشكله ي شهوده😓
انا:يلا عن اذنك😊
ياخ الولد شماني ب الله واحد😹😹 _ف زول قال ليه يتخافف😹💔ولا دا وقت قهوه كان م عولاق بس😹😹) المهم رجعته البيت وحكيت طبعا ل شجن يومي كان كيف😚😚وشاكلتني عشان اختصرته مؤمن😢شفته البت دي قليله ادب صح😢انا زاتي قلت كدا😓لكن بيني وبينكم بتخليني اعمل الغلط ب ضمير مرتاح😌😹😹😹
طبعا ايمانو جهزته الغدا وانا جعااااانه موووت بس كبستني كبسه زباله وانا باكل ف اندومي😹😹اتخيله عمري 19وبخاف من امي ف اكل الاندومي ياخ الاندومي دي عندنا زي المخدرات😹😹بس الله لينا😢😢
اتغديت وطلعته غرفتي جاتني شجن شايله تلفوني وبتتبسم اتخلعته قلت دي مالها كمان😓م تكون خرشتها من هسه😹💔
شجن:تلفونك بضرب ي الثمحه😉
انا:دا منو ياخ العايز يخرب المزاج😴
شجن:والله م عارفه احتمال دا حبيب القلب😉
انا: انتي هبله ي بت يلا قدي من هنا🔪🙂
شجن :طيب طيب م تنفعلي هسه بطق ليك عرق😹😚
انا:يلا من هنا😑😑
طبعا دا كله والتلفون بضرب😹😹الدم البقري😹😹
انا:الووو
الرقم:الوو كيفك ي شهد😘
انا:تمام بس م عرفتك والله😅
الرقم:انا مؤمن😁
انا:اه تمام 😃
المهم دردشنا كدا وبعدها اي زول قفل تلفونه ونام 😴
صحيت الصباح نفس الروتين مع امي وشكله الصباح اليوميه😹😹
ايمان:ياخ هسه اختك شحن دي بتصحي بدري ليه وانتي تنومي ل زي الوقت دا اصلا هي احسن منك😡
انا:ليه كدا ي امي الزول اذا حاول ينسي تذكروه😃
المهم مشيت الجامعه وماف مواصلات وقافله معاي لمن غلط حكيت للبنات ب الوهمان التاني طلع لي دا كمان 😴😴طبعا م مصدقين انه اتكلم معاي مكالمه وكمان قال تنغدا سوا😹😹😹
بعد خلصته رجعته البيت ب زهج كدا مبالغه 😑وبس عايزه زول يتكلم معاي عشان اكشطه كف اخليه ينسي اسمه😑😑😑بس ماف زول قال لي حجه😹😹😹
يتبع،،،،،،
