الجزء الاول:
بقلمي الكاتبة: Eaman
بصدريّ صوبينَ ألوجع ؛
- وأضحكَ وأغنيَ ")
وجج يلا كوميي ميس صارت ب 7وانتي نايمة بعد متلحكين
ميس : اهووو مبية حيل بعد وكت
وج كومي ترى ما اوصلج والله
ميس :ايي شوية خلي تكوم ليال واكوم وياها
زهراء :ولجن كومن تعبتني راح اروح للمطبخ اذا ما كمتن ونبي اعوفجن وامشي ولا اوصلجن
ميس وليال : اي كمنة
زهراء : عفية بنياتي
يمة زهراء علكيفج لا تركضين نفسج انكطع
زهراء:اي يمة شسوي ذني بناتج ولا يحركن ارواحتهن معتمدات علية كلشي ما يشتغلن
وهاي ميس عود سادس مدري شلون تنجح عمي اكص ايدي اذا طلعت معدل
ام ايهم :يمة هاي ميسة اني اعلمها خلي يجي اخوها واكلة عليها اخلي يلوي اذاناتها
زهراء :لا يمة لا تكليلة خطية يضربها اني اعرف شلون اتصرف وياها واخليها اجر عدل
يلا بسرعة تريكن وبدلن وانتي ميس اشربي حليب علمود تتقوين
ميس :اي حشرب
وراحن ميس وليال يبدلن علمود اوصلهن لن تخاف تروح للمدرسة مع انو قريبة عليها واني هم اخاف عليها لن ميس حلوة وتجذب والولد يتحرشون بيها
واوصل ليال لجامعتها ادوم كلية صيدلة واني طب احنة كلحنة شطار على بابا الله يرحمة
يلا حبيبات بسرعة اجتي ميس
ميس :يلا زهراء بسرعة علمود ما اتاخر
زهراء:لعد ليال وينها
ميس :دادور على جواريبها اختلطن ويا الملابس
يلا وج ليال تاخرنة
ليال :ايي اجيت شبيجن اصيحن
اي ياعيني عندي بحث وهذا الاستاذ عكرة يدقق على كلشي وينتبه موتني
ميس : اووف الله يساعدج هية الطبية تشيب صعبة
زهراء :اي والله
يلا ميسة طبي راح انروح انتبهي فكي عقلج مو تضلين ثولة
ميس :ايي ايي
وك يلا باي
ميس :باي
وراحن اخواتي ودخلت للمدرسة ورحت لصفي ولكيت صديقتي الي احبها هواية
ميس :وجج نوررر حبي شلونج وبوستها
نور : الحمدالله
ميس :اكلج شعدنة هذا الدرس
نور :عدنة انكليزي
ميس اها خوش اني حفضت الاسئلة الي انطتنة ياهن كلهن يلا امشي خلينة نراجع
نور:اي يلا
في مكان اخر الساعة ب 9 صباحا ...
شبيك ولك اثول ليش متشتغل عدل
العامل :استاذ والله امي مريضة امس ومكدرت انام
علي :اهاا خطية سلامتها يلا روح للبيت اليوم اجازة
العامل :الله ينطيك العافية يارب
علي :يلا روح
وجان يدخل ابو علي :السلام عليكم
علي:وعليكم السلام هلا بوية نور المكان
ابو علي :بوجوك وليدي
علي :بوية امس اجتي البضاعة مال الملابس ورتبناهن
ابو علي:صدك شلونهن خوش بضاعة خو ما مدمرات من التحميل مثل كل مرة
علي:لا بوية زينات هل مرة وخوش مديلات
ابوعلي :بوية اريد منك شغيلة
علي :كول بوية تأمر
ابو علي : اريدك تروح لبيت عمك ابو ايهم تروح تعزمهم وتشوفهم محتاجين شي
علي:اي بوية اني دوم اخابر ايهم ومرتضى واسال عليهم
