الفصل الخامس
#######
انثى الثعبان 🐍
بقلم عــلــ√ــو
الفصل الخامس
صكر : بعد ما طلعت رونق وصديقتها سوسن بقت يمي اختي نغم والثاني ندى هذني اخواتي بعدهن اطفال وما شافن غير الظيم لا شافن ابوي ولا دفو حظنة اتذكر هواي جنت افرح من جان يرجع من وظيفتة وهو جايبلنا حلويات لو شي من الدكان حيل اشتاقيتلة لو جان موجود هم هيج يصير بيجن يبعد عمري اخياتي وصفاء البعدة طفل وشاف تابوت ابوي ليش يربي هيج يصير يا الله الك الحمد بكل شي ظلن ندي و نغم يلعبن واريد وحدة تنتبه لروحها بس وسفة بعدهن جهال ندى عمرها 8و نغم اكبر منها بسنة عمرها 9سنوات امي دوم تعتني بيهن وتكلي اذا صار شي الها اني اعتني بيهن من بعدها شوي واجة يمي صفاء حظني ويبجي مع كل اوجاعي احظنت وكتلة حبيبي لا تخاف صير زلمة هو ادري بيه يعتبرني اقوة منة وبمكان ابوي بس لازم يتقوة
صفاء : صكر اريد ماما
صكر صفاء يحجي ويبجي... .. حبيبي شبيدي عليها
صفاء 😭
صكر بقة يبجي لحد ما نام بحظني غطيتة بطانيتي وبقيتة بحظني
#####
سوسن : يلا روقة نروح خوالج هسا لو بالاول ندرس ونروح بعدين... رونق صافنة... ها روقة شكلتي
رونق : هاا شنو شكلتي
سوسن : شبيج روقة عمري دا اسالج وين تردين نروح بالاول لبيت خوالج لو عندي ندرس بالاول
رونق : هاا ما اعرف
سوسن : اووف كسرت خاطري وجها اصفر و بس اصفن ومبينة حيل خايفة... عمري روقة تعاي انروح ندرس وبلكت اختي غيداا موجودة حتة نسالها شنسوي هي تعرف كثر منة ويجوز نسال ماما... من ذكرت ماما صارت تدمع رونق اذتني حيل اتمني بساع نوصل للبيت
رونق : سوسن فدوة اريد ارجع للبيت
سوسن حبيبتي شترجعين وصلنا ما بقة شي مابقة غير شارع شارعين
رونق : لا اريد ارجع لماما
سوسن اي هسا نوصل للبيت و انشوف حل نطلع امج بيه
رونق جا يلة وين ما وصلناا
سوسن : حبيبتي وصلنا وبقت بس تدمع وترجف من القهر البيها حيل اذتني لحد ما وصلنا البيت والحمد لله لكيت غيداء موجودة وبنت خالو ريم موجودة ريم تلكت رونق ورونق انفجرت بالبجي امي ع صوت البجي اجت وحظنت رونق وطمنتها وفهمتني غيداء
غيداء : سوس حياتي هذا الحجي راح يسوي مشاكل لمها بالزايد ويجوز يضيع صبر ام رونق والتعب مال سنينها الفاتت لازم نطلعها بدون مشاكل
سوسن لعد شلون غدو
غيداء : رونق عدج عمات عم ثاني
سوسن ردت رونق ع غيداء ويها تبجي
