ليتني لم أكن

البارت الاول

السلام عليكم ..

وياكم الكاتبه ايه محمد بقُصه جديده اتمنى تعجبكم ♥️✨

الجزء الاول ..

٧:٠١ صباحاً

سددي الستائر والله منمت زين البارحه ..

لا حبيبتي كومي المجمع ينتظرح واليوم عندج بضاعه

ماما مابيه اروح اتصلي على مياده هيه تستلمهه

شلون ياحبيبتي كومي ميصير انتي المديره ومياده موضفه هاي مسؤوليه

امري لله حكوم

انتظرج رح احضر الريوك

ماشي ماما ....

مثل عادتي كُل يوم امي تكعدني قبل منبه فوني وعلى نفس الكلام المجمع ينتظرج
ما اريد ازعلها مني اكعد رغم اني اعشق شي اسمه نوم ..

كعدت دخلت للحمام غسلت وجهي صحصحت
ما طولت نزلت تريكت وي امي مثل كُل يوم معدنه احد ثالث ويانه ب البيت ..

شبعتي

اي امي

روحي بدلي بنتي حتتاخرين وهسه موعدها للعامله حتجي

تجين للمجمع اليوم !

اي بنتي رح اجي

ماشي حبيبتي حروح ابدل

دخلت لغرفتي ونفس حيرتي كل يوم شلبس!
شلبس ! هذا كلااااام كل بنت قبل لا تطلع لمكان
مقابيلي غرفه ملابس كامله
انواع الملابس والاحذيه والجنط والاكسسوارات وبالاضافه كلهم من مجمعي صاحبه مجمع للازياء الرجاليه والنسائيه ..

هواي صبرت وهواي ضحيت لحتى اكدر اكون بمكاني هذا

بعد معانا اختاريت ملابس
بنطرون قماش نيلي وقميص مشجر الوان وشال وحذاء ابيض وجنطه واكسسوارات

ابدل وبعده النعس بعيوني سهرت على مسلسل ومنمت الا خلصتها

يلا امي رح اطلع

ماشي بنتي روحي ديري بالج من تسوقين واشربي قهوه هسه من تطلعين

اوامر ثانيه حبيبتي

مايأمر عليج ضالم يروحي انتي

اخذت سيارتي وتوجهت لكوفي قريبه من مجمعي

جانت اوراق المجمعع واحتياجاتهم ب السياره اخذتهم وحبيت انزل ب الكوفي

دخلت وطلبت قهوه فتحت الاوراق ضليت اشوف شنو المحتاجي بالرغم انو حتجي بضاعتي اليوم

اجاني اتصال من مياده

صباح الخير ست

صباح النور حبيبتي

شلونج ست

الحمدلله انتي شلونج

يخير ست