ليتني لم أكن

البارت الخامس

الكاتبه ايه محمد ✨♥️

اجرت غرفه بسيطه لليله وحده ارتاح بيها
خليت جنطتي وغراضي دخلت للحمام سبحت
وردت انام مكدرت حاولت انام
ضليت كاعده ليوم الثاني الصبح ..

جان جو حلو وبارد طلعت من الفندق شي ب ٨ الصبح لبست بلوزه طويله شوي لون زيتوني وشال اوف وايت وبنطرون ابيض
تريكت بمطعم شعبي
وقهوه وضليت افتر ب شوارع تركيا
رحت لكُل المحلات والاماكن ولـ ايلوا ..

ماحسيت ع الوقت الا وهيه دا تغرب

دخلت لمحل اكسسوارات اخذت اكسسوارات حرت بين شاخذ واخذ
واخذتهن كلهن 😂
واخذت هدايا للعمال الي بمجمعي كل سفره اخذلهم
وهديه لوالدتي اكيد

صارت شي بـ ٨ ب الليل
رجعت للفندق وحجزت بعد وقت زمني ..

بعد شي ساعه لموعد طيارتي ارجع لعمان ..

تحضرت ورحت للمطار انتظرت موعد الطياره

بعد ســاعات رجعت لعمان رجعت لأمي لاهلي لشغلي
اني مو اول مره اروح لتركيا بس اووول مره احس نفسي مو مطمأنه ما مأمنه

دخلت للبيت الفجر ..

البيت جان هادئ حيل وامي نايمه
محبيت اكعدها

رحت لغرفتي غيرت ملابسي ونمت ...

٩:٢٣صباحـاً

فزيت من النوم على مكالمه من مياده

صباح الخير ست
صباح النور

رجعتي ست ؟

اي حبيبتي
الحمدلله على سلامتج
الله يسلمج

اليوم تجين للمجمع؟
اي رح اجي

ماشي ست ننتظرج ..

سديت الاتصال ما اجى ببالي انام
رحت للمطبخ جانت امي دا تسوي ريوك

صباح الخير ماما

صباح النور حبيبتي
الحمدلله على السلامه

الله يسلمج

شنو تدرين بيه اجيت ؟

اي حبيبتي دخلت لغرفتج جنتي نايمه محبيت اكعدج
بيش الساعه اجيتي

والله اجيت الفجر
ونمت

يلا اكعدي وسولفيلي شسويتي مسويتي

يا امي السفر ملللل
لان انتي مو وياي

ليش مو بيبيتج موجوده هناك

يا امي هيه شنو بيبيتي سائله عليه !
واصلا ما طولت يمهه هواي

مره الثانيه من نروح نزورهه عيب حبيبتي

الله كريم مامه

خلصنه اكل ورحت ابدل علمود اروح للمجمع ..