هل لا تزالين يتيمة ..؟
تحتضنين وسادتكِ
لتعوضي غيابه المفرط وربما الغير مقصود ؟
أم لم تدركي بعد أن ذاكرة الحضن
أشدُ وطأةٌ من أي شيء آخر 💜
#البارت الثاني
#قصة حرب ونار
#الكاتبة فصليه القدر
شفت ايد ضلت اجر بيه شلعت السماعه من اذاني وباوعت شفت حررب الوجه مايتفسر اريد احجي مايطيني مجال شالني وذبني يم رجلين بدريه رفعت راسي شفتهه تضحك ضحكه استهزاء ع حقاره ،،
وره اشويه كامت تبجي دموع تماسيح. وتكله ابن عمي تالي وكتي تجي وحده بكد بتي اتكلي اتنامين يم زلم
اني رفعت راسي وباوعت بصدمه. جرني حرب من ايدي حيل وكفني اريد اكله ولله محاجيه هجي ماشوف غير بس راشدي طير صفحتي ولزمني من اديه الاثنين وضل يهز بيه
يكلي ولج ياهيه ام الزلم،، ولج اااحححجي منووو ولج اشكبرج وتتجاوزين، ، ضليت اباوع ع وجهه من يصير عصبي مثل الوحش
اريد احجي مايطيني فرصه
ضل يضرب بيه راشديات ويحجي بكل صوته الخشن والعالي وكال اتنزلين عليه اتبوسين ايده وراسه وطلبين السمااح منه ماعدي مرره تتجاوز ع الي اكبر منه جرني حيل من ايدي وذبني يم رجله،، وكعت ع اركبي،،، احس خدي وج ناار بس ولادمعه نزلت مني.
رفعت راسي شفته واكفه وع وجهه علامات النصر والفرح، ،
باوعت الحرب واكف وعيونه بكصته من العصبيه، ،
اشوف الحجيه واكفه ع درج وبيده عوجيتهه
مرت عمي وعمتي واكفات ومتفاجئات لان اول مره يضربني كدامهن شفت براء لازمه المكناسه واكفه يم الحجيه وتباوع بصدمه، ، باوعت ماهمه الزلم البقيه اريد احجي يم زلمه يفهم قبل مايحكم ماكوو، لان محد يجرئ منهم ويناقشه لو يخلصني احد منه يضل يصيح ويضرب كل اليوكف كدامه، لان مايتفاهم عصبي
حطيت اديه بل. كاع وكمت عدلت شعري، ، كتله اتفضل شيخ شتامر اني اسوي، ، باوعلي كال بوسي ايده وراسه وعتذري منه، ، باوعت اله بعيون عتب
بمعناه جاي اذلني كدامه وهيه الحجته الكل كله ماحجيته اني ولاكلمه منه وهيه حجت العكس وقشمرتك بدموعه الجذاابه احجي بكلبي وحس الحراره شعلت راسي شعل، ، باوعت بعيونه وكتله اعتذر منج خااااله، ،
شفته عقجت حواجبه ضاجت قربت عليه بسته وشاورته كتله اصبري راح اخلي ابنفسه يعرف الحقيقه وراويج نااار منيه بعدت عنه
وبست ايده وبعدين مسحت حلكي
كتلهم عيييييع ايده مالحه وصخه
شفته خززرني ورفع حواجبه باوعتله وضحكت بستهزاء ومشيت صعدت لفوك، ،باوعتلي الحجيه وعيونه تضحك، ،
مرات بعز قهري واني احجي كلمات خاارج السالفه وبنص مشاكل احجيهن لاارديا
صعدت فوك وركعت باب غرفتي حيييل احس الشباك انهز من ركعتي، ، وكلبي واج نااار من وره بدريه الحقيره يضربني كدامه ضليت امشي بغرفتي وحاطه ايدي ع خصري افتر وفكر اشلون كلبت عقله وهاني كدامهن هينه يبدريه ولله لراويج منو ناار لحتئ اخليج اتحسبين احساب من تجن لينه انتي وخالتج
حسنه بصيطه الجن، ،،
لزمت تلفوني وخابرت طيبه، ،،
نار،،، لووو شلونج خيه
طيبه، ،، هلو بيج بعد اختج بس ليش صوتج يرجف
نار،، مابيه شي انتي شلونج ابنج
طيبه،،، زينين بس احجي ولج اشبيج ليش اترجفين منو ويااج
نارر،،، اخذ نفس طويل وزفرته تعبت طيبه حيييل تعبت
طيبه،، اششش منو وياج منو. اذاج
نارر،، حررب ياطيبه كدامهم ضربني وهاني وانه محاجيه شي. سولفت الطيبه ع كل الي صار
طيبه،، خيه حك المضلوم لابد مايطلع يوم وحرب بنفسه يعرف وانتي دائما هجي اصرفي كدامه
نار،،، طيبه جااي احس بنار مشتعله جوااي احس اريد احرك روحي مجاي اتحمل ولج شنو ذنبي فهميني. ليش هجي جاي يصير وياي ليش زوجتوني واحد بكد ابووي
طيبه،،، قسمتج هااي يا نار لاسوين هجي ولله حررب دره مال الله بس لان وفاه مرته لسه متاثر عليه وانتي اتعرفين اشلون يحبه وستقتل عليه يالله ازوجه وبعدين ماتت من رادت اجيب
نار،، واني شنو ذنبي هاا شنو ذنببببي فهميني
اني محتاجه حنان اهتمام محتاجه احد يمي ليش احس نفسي وحيده هنا محد وياي غير بس الحجيه ولج استحي احجي وياا استحي اكله اطيني، ، اروح لصالون او لسوك حالي من حال براء او عمتي اشوفهن يطلعن واني محبسوه اموت قهر متت يااطيبه شنو ذنبي بعدني عمري 17 سنه حتئ ماكدر اسوي شي دراستي عفته
طيبه،،، اتحملي نارر مابقه شي وخلصج مناك اني احجي ويه رجلي واشوفه حتئ اخلصج مناك وجيبج يمي
نارر،،، استعجلي طيبه ساعديني بعد ماتحمل اضل هنا يمهم،
طيبه ،،، ماشي خيه اتحملي هاي الفتره واني اشوف شصرف وكلج ،،،يله مع سلامه
نار،،، مع السلامه
،،،،،،طيبه،،،،،
اني طيبه عمري 25 سنه اكبر من نار ب 8سنوات
اني ازوجت عگب ما ابوي حرگ امي واخوي وختي الثالثه اسمه شراره. حركهم بليله بيه عاصفه والدنياا تمطر وترعد. جنت اني ونار عد بيت خالي بغداد. وجانه الخبر جانت نار عمره 12سنه واني 20 سنه من صار الحادث
رجعنه بليل وخفنه خاف انسوي حادث ابسبب المطر والرعيد والعاصفه رحنه البيتنه شفت البيت واج ناررر. رغم الدنيا ازخ مطر وبارده ثلج ،،
طلعو الجثث امي واخوي واختي اباوع بصدمه عليهم والشرطه طوقت البيت وماخذين ابوي وابوي ع وجهه علامات الحقد والانتقاام اباوع ع نارر اتباوع لبووي متفاجئه وتباوع لنار وتباوع لهلي الي صايرين فحم اسود شفت نار واكعه بل كاع من الصدمه ماتحركت اني ضليت بس اباوع ع اهلي. ومنا نار، ، عشت بدوامه ماغرف اوصفهه شنو من صذمه قويه، ، راحو اله جوارينه شالوه وخذوه للمستشفئ خالي راح ويه اهلي لطب العدلي وضليت اني اباوع البيتنه والاطفائيه. جاي اطفي بي كلشي احترك بي الماضي والحاضر، ،،، وابوي من حد الحادث لحد هذا اليوم مانعرف عنه شي اذا مات او عدل ومانعرف وين صفه بي الدهر، ،،،
اما نار من كعدت من الصدمه جانت فاقده ذاكرته وماتذكرر اااي شي اخذته اني البيت رجلي لان جنت مزوجه بغداد وعتنيت بيه ورجعت نار مثل الطفله بل كوه اتعودت عليه وكل ماتسئلني عن اهلي اجر حسره واكله اهلي ماتو بحادث ماحبيت اكله ابوي الي حركهم وشنو سبب حركه الهم ضلت اسئله اهواي براسي اسئل ابوي ليش سوه هيج مع انو جان ابووي علي دييين كارثه بحيث بااع ذهب امي وكيعانه كلهن الي بل عماره، ،، المهم
وضلت نار يمي ومرت السنين ويوم من الايام جنت رايحه للكاضم اني وياه ورجلي وابني سوينه ثواب لهلي وخذناه للامام الكاضم هناك انوزعه، ، هيه لبست عبايه مال راس وجانت بيييضه مثل الثلج وعيونه رصاصي مثل النايمات وحلكه عباره عن طوبه ازغير ودائري منفوخ وحواجبه مثل السيف سود والشعر النهايه ضهره. مثل. ليل وناعم وسررح حيييل اما الجسم الوحيد الي بسبب اله مشاكل
عده صدر وروك هذني الاثنين كل مانطلع يذبون كلام اله وهيه تستحي والخدود يصيرن طماطه. خصره منحوت، ،، ماكلكم جميلللله بشكل مو لان اختي لا ولله بس هاي موصفاته. وكل هذا
تحجي شي مثل الجهال بنص مشاكل لو سوء فهم
وهيه بعينه الدمعه ياما اتكول جوعانه لو اووي لوو اشبيك. واذا شافت واحد يبجي تبجي وياا وبعز قهره وبواجيه تضحك ومايضل بكلبه اي شي ابسرعه تنسه وساامح ابسرعه وحاجته رخيصه حيييل اذا تراجيه الذهب كالو عليهن حلوات تطيهن بس فاهيه حييل ماتهتم ودوم اتكول تعبانه حتئ اذا كعدت من النوم
جانت كل ماتكعد من النوم تجي بحضني تنام اضل العب بشعره وسولف وياه ،، المهم.
وصلنه للكاضم خلينه الغراض يم معتز وابني ورحت اني ونار زرنه وخلصنه وجينه كعدنه وراح معتز ومهند اخذه وياا يزوره خلصو كعدنه كلنه وجتي عائله هم كعدت يمنه بس هاي العائله الي انتو اتعرفوه عائله حررب صبحيه ومرت ابو الحرب ومرت عمه واخو سلام ومرت سلام براء وبنات عمه اثنين حسنه وبدريه حسنه اصير اخت مرت ابو الحرب
ام بدريه اصير بت اخت مرت ابو حرب الجبيره. ،،، وهوه الجبير اجه كعد يمهن فرشن فرااش اشكبررره وشعرضه، ،،
كعدت نار مقابيل. حررب وحطت عبايته ع امتونه وحركاته مثل الاطفال تلعب بمهند،
كل مارفع راسي اشوف حررب عينه عليه وسارح بيه وبيده الجكاره الحجيه باوعتله وباعت ع مكان الي هوه يباوع علي وشافت اختي نار وشهكت بمكانه، ،،
اني من يمي جريت صلوات وضليت انشر لختي خفت عليه
بعدين طلعت الاكل وسوينه لفات اني ونار وجاب معتز عصاير وماي سوينه لفات كباب شوي وعصاير. حطيتهن بصينيه سفري وكلت النار كومي وزعي الهاي العائله اليمنه(قصدي اعيالهه حاليا)
كامت ذبت عبايته وجانت لابسه ثوب اسوود من يم الصدر الحد الخصر. ضيك ويجي من جوه اكلوش كبس ولابسه شال ماروني وحذاء ماروني وحاطه كحل خفيف من شافهه ضلت اعيونه عليهه وصلت يمهم اتوزع عليهم واليسئله اتكلهم بثواب اهلي وهمه يترحمولهم وصلت الحرب دنكت علي عطره وعطره انسجمن سووه وضلت بس اعيونهم سووه اسولف هوه ضل صافن عليه وهيه ضلت اتباوع علي اشلون انبهر بيه
اما الحجيه ضلت اجر صلوات وترجع لوره وحتئ مرت ابو جرت صلوات لان جانت تضحك برائه. بقه بس سلام ماطته لان خلصت الفات
من يمه وصااحت كالت يااا ولج طيبه بقه بس هذا الوليد ماطيته خطيه وعيونه دمعت راد تبجي علي لان ماخذ
الكل ضحك عليه وع فطاريته اجتي يمي اخذت الفه ودته اله وكالت بعد ماعيده لان اني ماعرف هيه سوت اني بس وزعت وتحجي وياا بفطاريه ومدنكه علي
بس حرب لازم العصير بيده ويباعله بطرف عينه. كالهه سلام مصار شي لاتبجين راح ابجي وياج براء من يمهه ضحكت وجتي يم نار باسته كالته امني حتئ اذا ماحصل اطي حصتي وجي اني اكل وياج هههه هيه ضحكت وكيفت. اما حرب ضل يباوع صفح ويكفخ جكاير ويرجع لوره، ،
لان شكله رجولي وعصبي وشفته ابتسم ابتسامه ازغيره ارسمت علئ شفايفه المنحوتات بشواربه الاثخان ولحيته المرسومه وسماره الطاغي ومطلعه هيبه وقار ابين الزلم وجسمه الرجولي ضخم وصاحب اجتاف اعراض ولبسه كله زي عربي وغتره. همه صاحبين معارض سيارات وابو عده محلين صياغه مال ذهب وفضه ابو ابين فتره والثانيه مسافر لتركيا يمول مناك سيارات.
اما سلام وبهاء هذوله الي اصغر من حرب كل فتره والثانيه بل امارات مناك يصيغون ذهب ويدزون حاويات للحجي الجبير الي سلم المهمه البيت والمسئوليه الحرب
حرب عمره بل اربعين شكله هيبه اما بهاء ازغر من حرب بسنتين وسلام ازغر منهم يعني عمر سلام 35 وبهاء39 يعني حرب عمره 41
وعده اخوات اثنين مزوجات سعديه وفرح ماخذات ولد عمهن ،، وسعديه عده اثنين ولد وفرح ابنيه ولد ازغار
اجتي الحجيه يمي وخطبت نار مني ورفضته
لان كتلهم اختي ازغيره مو حمل زواج، ،،
رجعنه للبيت وبل طريق شفت سياره سوده لاحكتنه بس ماصورت حررب. مررت شهر وندكت الباب شفت الحجيه ومرت ابوو وزلم جاين ع نار بعد رفضهم 4 مرات وسئلنه عليهم وافقنه
بس حرب مايضهر حبه النار لان يخاف عليه. ولان كل مايشوف نار يذكر مرته الي ماتت ويبتعد عنه مطي النفسه فرصه بس يخاف ع نار ويحبه حب فووك الخيال مو كالي وانما تصرفاته ادل ع هل شي بس مايبين الاحد حبه
اتعرفون ولد الجنوب اذا حبوو يحبون بخبال، ، ومايبينون لحد اله لمن يتاكدون من الطرف الثاني
بس نار ماتعرف شي كتله اخلصج منه بس متعرف شنو راح يصير
بس نار عده عثره بطريقه وهيه بدريه المسمومه حاطه عينه ع حررب.
ونار من ثوله تبجي ولسه ماتحب حررب ولا حرب رف كلبه عليه اله بعد مر 3 اشهر ع زواجه بلش يغار عليه ويحبه بس مايبن الهه هل شي اله لمن يتاكد انو هيه اتحبه وتبادله نفس الشعور
لان يعرف بيه ماتحبه وزوجه حتئ اسد مكان مرته
بس الحجيه ضلت وياه وتعلم بيه وهوه لسه ماخذه وبعتهي ابنيه حال كل ابنيه مامزوجه
يخاف يتقرب اله لان بعده مامستعد. ،،
ناررر،، نزلت لجوه سمعت بدريه ومرت عمي اتكله بدريه خوش سويت بيه خليته اتبوس اديه
وبعد وبعد اله اهججه من هل بيت واخذ حرب الي
ومرت عمي اتكله بيج حض خلي حرب يزوجج وانتي صيري الامره الناهيه هناا وسوكي عليه وانتي صيرلي الملكه
وبدريه كعدت ع ميز اشون اتهججني منا وحاطه ايده ع حلكه
رحت ويه براء نضفت البيت وعفت الحدايق مانضفهن، ،،باوعت للبيت ماشفت حرب بي وعمي مسافر وبهاء وسلام بل شغل
اجتي مرت ابو حررب وكالت كومي كملي شغلج بل حدايق ليش عفتي
حطيت الوصله من ايدي وكتله اعذريني عمه دنيا الضهر ماطلع
كالت شنو دنيا الضهر جاا تبقه الزباله تارسه الحدايق كوميي كومي نضفي ورجلج ع راسج شفت من الشباك حرب اجه عليت صوتي وكتله اعذريني حبيبي حرب مايقبل اطلع ودنيا الضهر يخاف عليه
باوعتله الحرب وسع اعيونه وبينه الصدمه بوجهه من حجيت هجي. بس سويت روحي ماشفته، ،
صاحت بدريه يله ولج الصفيره مافاد وياج الكتل قبل اشويه من كتلج وهسه جاي اتكولين حبيبي مايقبل امشي كدامي لا راويج انجوم الضهر شلونهن
نار، ،، يحجن ودايرات وجوهن عليا ومطيات ضهرهن الحرب. سمع كل كلامهن وصااااح صوت طفرهن من مكانهن
يتببببببع 😳😳
