" ليتهُ حُلم 💔 "
HanoodaHM🖊
~~~~~~~~~~~~~
نبدو المقدمه على بركة الله :
______________________________
قاعده في دارها ، راقده فسريرها ومتغطيه ببطانيتها ،
تسمع في صوت المطر ودموعها كانو اقوى من قطرات المطر 💔
كانت تبكي بقوة ومن اعماق اعماقها ،،،
سمعت صوت مشي قرب من باب الدار ، مسحت دموعهة بسرعه ودارت روحها راقده
انفتح الباب و انفتح ضي الدار
وصوت المشي قرب من سرير سلام وبعدها وقف
آيات وقفت علي سرير بنت عمها وهيا زعلانه عليها : سلام
سلام دايره روحها راقده وشاده دموعها بالسيف 😔
آيات قعمزت علي حاشية السرير وحطت يدها علي كتف سلام يلي مغطيه روحها بالبطانيه وبنبرة طاغي عليها الحزن : ربي يقوي عزمك يا سلام ويصبرك 😔
سلام سمعت هالجمله ودموعها سالن وشهقت شهقة خلت آيات تعرف ان سلام نايضه وتبكي
آيات حولت البطانيه من علي وجه سلام ولقت وجهها و الوساده غارقات بالدموع و عيونها حمر 💔
آيات انصدمت وطول ضمت سلام لحضنها : سلام خيرك ليش تبكي ليش مش قلنالك انسي
سلام تبكي بقوة : مش قادره ننساه واليوم عرسه يا آيات عارفه شن معناها هدي عارفه 😔💔
آيات دموعها نزلو وبنبرة حزن وانكسار : انتي يلي طلبتي منه هالشي وخليتيه يوعدك نسيتي او لا يا سلام 😔
سلام تبكي بحرقه : منسيتش واني عارفه ان اني يلي طلبت منه يتزوج لكن مش قادرة نتحمل قلبي بيتقطع والله 💔
آيات تبكي : وحدي الله واهدي ربي يهديك 😔
سلام تبكي بعبرتها وملتزمه الصمت 👌
نرجعو لقبل 6 شهور :
سلام فالمستشفى كيف استلمت تحاليلها وعرفت انها مصابه بمرض السرطان وليها مصابه بيه حوالي سنتين من غير ما تعلم 👌
قعمزت في حجرة الانتظار ساعه واتنين وتلاته وهيا مصدومه من الشي يلي سمعاته
منزلتلهاش ولا دمعه منطقتش ولا حرف غير انها مقعمزة فالحجرة مصدومه وخلاص 💔
الممرضه لاحظت الصدمه يلي علي سلام فمشتلها : لو سمحتي اختي انتي بخير
سلام مزالت فحالت الصدمه
الممرضه مرة تانيه : اختي انتي بخير
سلام انتبهت وشبحتلها بعمق : نعم
الممرضه : فيك حاجه اختي
سلام طبست راسها بوجع : لالا شكرا
ناضت سلام وهيا فكره ترفع وفكره تجيب في راسها 💔
كيف بتخبر بوها وامها وخواتها و خطيبها وحبيب قلبها اسامه 😔
طلعت سلام من المستشفى وخدت تاكسي وعطاته عنوان حوشهم وقعدت تشبح من الروشن وتفكر " معقوله اني مريضه ، معقوله اني بنموت ، معقوله حياتي يلي رسمتها مشحا نعيشها 😔 ، خيرك ساكته يا سلام ليش دموعك ما نزلوش ليش ابكي وفرغي 💔 "
قطع صوت تفكيرها صاحب التاكسي : اختي وصلنا
شبحتله سلام وفتحت شنطتها ومدلته فلوس من غير ما تعرف حتى كم الحساب ونزلت من غير ما تاخد الباقي وصاحب التاكسي ينادي فيها لين يأس وكمل طريقه 🤷♂️
وقفت سلام قدام باب حوشهم دقايق وبعدها طلعت المفتاح وخشت طول لدارها بدون متشوف ولا تكلم حد 💔
~~~~~~~~~~~
هدي مقدمة روايتي الجديدة 👌
اعطوني رايكم ومتنسوش ال⭐👍
لو عحبتكم ولقيت تفاعل حنكمل
ولو معجبتكمش وملقيتش تفاعل حنحدفها 🤷♀️
لذلك اعطوني رايكم ❤
وشكرا ✏
HanoodaHM
☆☆☆☆☆☆☆
أنت تقرأ
ليته حلم 💔
Fantasyقصة بنت عندها مرض السرطان وكان الخبر هدا صدمه ليها ، شوفو شن صار معاها من خلال الروايه 💔 نتمنى تنال اعجابكم 💥
