ليته حلم 💔

part 2

اولا الشخصيات بصورة مختصرة وحتعرفو كل شي عليهم من خلال الروايه :
سلام : 25 سنه
خواتها : سلوى 20 ، سعاد 19 ، سميه 15
عندها خو واحد : اسلام 22
هيا الكبيره فيهم
امها : فتحيه
بوها : سالم
خطيبها : اسامه 28 سنه
صديقتها وبنت عمها واقرب شخص ليها : آيات 25 سنه

هديما الشخصيات المهمه والباقي حتعرفوهم ✋

⭐ ملاحظه :

اي شي نكتبه بين قوسين "..." معناها الشخص قاله بين وبين نفسه ،،

________________

نبدو البارت :

خشت سلام لدارها بدون متكلم ولا تشوف اي حد ،،
حطت شنطتها عالسرير و وقفت قدام المرايه تشبح لروحها " خيرك ساكته ، خير ملامحك بارده وكأنك مش انتي يلي مريضه 💔 ، عرسك بعد شهر 😔"
ضحكت بوجع وشبحت لروحها مرة تانيه " عرسك يلي مشحا يصير منه 💔👌 "
قالت هالكلمات لنفسها وطول دمعتها سالت علي خدها 💧
غمضت عيونها بقوة ونزلو باقي الدموع ورفعت راسها فوق وبكل وجع : ياااارب 💔

حولت وشاحها وسمعت صوت تلفونها يرن ،،
طلعاته من الشنطه لقاته " أُسامتي ❤ "
اول ما قرت الاسم دموعها نزلو بغزارة 💧
دارت التلفون صامت و غيرت ملابسها وخشت سريرها تحاول ترقد بس كل عقلها فالمرض يلي طلع مرافقها سنتين من عمرها وهيا متعلمش انه يجري في دمها 💔

فالليل :

باب دار سلام يدق : سلام سلومه وينك اليوم
سلام راقده وتسمع في الصوت قعدت تفتح فعيونها بالشويه وتقول فخاطرها يارب يكون حلم 😔

#ليتهُ حُلمٌ ينتهي بإستيقاضي

#ليتهُ حُلمٌ ينتهي 👇

كمآ تنتهي الأحلام  عندمآ افتح عيناي 😔

انا اعلم انهُ ليس حُلم ولكن فقط يا ليتهُ 💔

~~~~~~~~~~

عدلت سلام تقعميزتها وساوت شعرها : خشي سميوة
خشتلها : وينك وينك اليوم مبنتيش هدا كله نوم
وهنا انتبهت سميه لعيون سلام المنفوخات : خير عيونك 🤔
سلام ابتسمت بوجع : لا شي غير كترت نوم
سميه بتطلع : تمام مالا هي بيش تطلعي نراجو فيك عالعشي
سلام صبت : تمام تو نجي
طلعت سميه وسلام ناضت طلعت للحمام غسلت وجهها هلبا وكل ما تغسل يختلطو دموعها بالميه وتعاود تغسل 💔
نشفت وجهها وطلعت بابتسامه مصتنعه علي وجهها وآه ما اصعب الابتسامه المصتنعه 👌
نشدت علي بوها وامها وبصرت وضحكت مع خوها وخواتها وتعشت معاهم وقلبها من داخل مكسور 💔
كل شويه تبدا تشبح فيهم يضحكو وتسرح وتقول غير كيف بنخبرهم بس 😔
فتحيه ام سلام : سلومه معش شريتي شي راه عرسك قرب مزال شهر بس
خواتها بفرح : الله الله بنحصلو عرس واخيرا 😍
وهيا كانت تسمع فيهم وقلبها بيتقطع 😔
فتحيه : سلام خيرك ساكته شن فيك اليوم مش علي بعضك
سلام ابتسمت : لا مفيا شي غير راسي يوجع فيا من النوم
فتحيه : باهي نوضي خودي بنادول
سلام " ياريت داي يعالجه البنادول يا اميمتي 💔 " : تمام هي تو انوض
ناضت من حداهم وخشت للمطبخ شربت اميه وطول لدارها وكانت تشبح لتلفونها من بعيد مش قادره تقرب منه 😔
قوت روحها وخداته لقت هلبا مكالمات من اسامه 📱
اتصلت بيه 📲
رد عليها اسامه : الو عيوني وينك اليوم معقوله هكي
سلام قلبها تقطع علي كميه الخوف يلي فصوت اسامه وانشغاله عليها : ايوا ، غير كنت مشغوله بس متخافش
اسامه : الحمد لله يارب ، والله قريب كلمت اسلام خوك
سلام دمعتها نزلت : متخافش مفيا شي 💔
اسامه : باه فشن مشغوله خبريني يلا
سلام بحزن : اسامتي نبي نتلاقى معاك غدوة
اسامه ضحك : مستاحشتيني
سلام ودموعها ينزلو : نبيك فموضوع مهم
اسامه انشغل : شن هوا الموضوع شغلتيني
سلام تبكي : غدوة نقولك ، هي تصبح علي خير 💔
وسكرت منه وقفلت تلفونها 🚫
غمت روحها واستسلمت للدموع ،،
بكت بوجع ، بكت بحرقه ، بكت بألم علي كل حلم رسماته ، علي كل ذكره بينها وبينا 😔
بكت لعند خداها النوم ✋

يوجد اوقات يصبح فيها النوم الوسيله الوحيده

لتخفيف اوجاعنا المرة التي لا نستطيع تحملها 💔

•°•°•°•°•°•°•°•°•

انتهى البارت ❤

مكانش طويل لان نبي دعم قوي ⭐

عطوني رايكم وحفزوني عالكتابه 👍

HanoodaHM🖋