#غلطت_ودفعت_الثمن
#الكاتبه_ام_اليان
البـارت(9)
مروة// 👇👇👇👇
ركزت بسيف وهو شكد حلوو عن القرب خلي اوصفه الكم... حواجبه مو معقودة ولكن اكثاف (اثخان)
عيونه لونهن يسحر آسود كلش شعره هم اسود
جسمة معضل طوله 170 وزنه 72
جسمه مرتب يجنن لون بشرته حنطاوي 😍😍 من اجه لابس زي عربي الليـّۓ اني ادوخ بي
دشداشه سوده مخصره ع جسمه ولاف اليشماغ وشايل السبحه لونها بني ولحيه خفيفه وشواربه اطول وكثيفات
شكله هيبه امبين ابن شيوخ وهن عشيرته معروفه كلش
دايخه بي وما احس اله والنسوان اهل سيف بدوا يرحون. ويسلمون علينه طلعوا ورتبنه البيت وگعدوا اهلي وخالتي يتناقشون
گالوو خلي نسأل عنهم وفد كم يوم نرد الخبر مو بسرعه عيب
رحت بدلت ومسحت المكياج واجيت ويه خالتي وامي والبنات سولفنه وكذا صار المغرب صليت
ورحنه نسوي عشه واجتي خالتي
تمارة/ ولج مروة ونبي يجنن شكله هيبه يولي
مروة/ اي خاله شعبالج ضابط وابن شيوخ وهو اصلاً شيخ الشيوخ
تمارة/ ههههههه اكعدي راحه يمه لٱ تحمين علينه ترا حتى اهله محبوبين ومحترمين بأسلوبهم
مروة/ اي كلش خلي نتعرف اكثر ونشوفهم ع حقيقتهم ههههه
تمارة/ •اللّـہ̣̥ كريم اهم شي انتي كوني زينه وياهم اذا. صارت القسمه هم يصيرون مي ومن •اللّـہ̣̥ التوفيق حبيبتي خلي اتم الموافقه ونتفاهم ع كلشي
مروة/ ان شاء •اللّـہ̣̥ حبيبتي خاله
صبينه العشى واتعشينه واجه رجل خالتي وخواني وگعدنه كلنه ناكل وشربنه جاي وگعدنه نتعلل
همست لخالتي
مروة/ خاله صدك امي شلون گالت ابن خالتها رايدهاا؟؟
تمارة / اني گلت لامج گولي ابن خالتها رايدها حتى لٱ يگولون بسرعه انطونه المرة
مروة/ ثاريج مو هينه ياخاله
تمارة/ ههههه اي نعم
مروة/ سَـآعــهْْ 10:12 راحت خالتي وصلناهم للباب ورجعنه جوة فتت لغرفتي
راسلت سيف مروة/ هلا حبي شلونك
سيف/ هلوو حبيبي اريد اتصل اكو احد يمج
مروة/ لٱ. ماكو دزيتها وبسرعه اتصل
سيف/ هااا يروحي ولج شلون جمال اخ كلبي
مروة/ فدوة لكلبك انت الاحلى حبيبي تجننن طالع والله بكلشي مرگزت بگد مارگزت بيك
سيف/ اويلي هههه حياتي انتي اي شگالو اهلج ؟
