انا والمجنونه

انا والمجنونه الكاتبه بتول مهدي٧

سما طلعت ويه خوالي من غير ما اودع جدو وعمي وبنات عمي وعبدالله الي حاول يقنعني ابقى لكن ابد اني ما انسى كلشي منهم اهاناتهم وعزلهم اليه ويعيروني بأمي
عبدالله سما هيج كارهتنه حتى متردين تودعينه قبل لترحين
سما والله كولو لنفسكم انتو مبقيتو محنه تجاهكم بكلبي
عبدالله والله يا سما ما اعرف شكولج بس فدوة اخر طلب
سما كول شنو
ج
عبدالله رقمي سجلي بتليفونج وابقي تواصلي وياي
سما اوك انطيني رقمك وابقى اتواصل بس وياك لا امك ولا خواتك ولا حتى عمي وجدي طلعت منهم كلمه طيبه والله اذا عليك انته هم ينذكرن منك زينات
عبدالله ههههه تسلمين بت عمي الورده ديري بالج على نفسج واي شي يصير وياج تلكيني كدامج
سما تسلم عبدالله متقصر
طلعت صح اكو حزن بداخلي لان شفت عبدالله هواي ترجاني ابقى بس مبقيت صعبه اقبل بالذل اكثر
انطلقنه ويه خوالي بالطريق
علي خالو سما انتي شنو ادرسين تشتغلين
سما ادرس واشتغل
علي اي شنو ادرسين وتشتغلين
سما ادرس اعلام واشتغل بأذاعه
علي حلو كملتي اجراءات نقلج لبغداد من شغلج وجامعتج
سما لا خالو بعدني
علي اني اكملهن الج تدللين
ثامر اني اعرفج بنفسي بنت عمتو الحلوة اني ثامر صيدلاني عمري ٢٤ واذا تردين عوفي الاذاعه وتعالي يمي بالصيدليه 😉
سامر انجب ملطلط شنو هالحركات مالتك ترى مو بدينه
ثامر بت عمتي بس اعيونهه تقرة الف غزل وثانيا صارت منه وبينه فأنته معليك معقد
سامر لك تنجب وتبطل لطلطه لا اشمرك هنا وارجع وحدك
سما محجيت شي بس مبين ثامر خفيف وسامر عكس اخو ثكيل
سامر سما انتي براحتج تردين تكعدين ابيت عمو علي وحده بالبيت ومحد ساكن ويا او يمنه عدنه اخت بكدج اسمهه امنه هم ٢٠ سنه عمرهه مثلج بس تدرس فنون جميله
سما الله كريم
علي لا يمكم ولا يم احد يمي تبقى وانته ثامر دير وجهك وبطل لطلطه فهمت
ثامر اشبيك عمو حتى سامر طلع تربيتك من كد ما السانه زفر
علي لككككك عليمن بس نوصل اشوفك اللسان الزفر على اصوله
سما الطريق كله مناكر جنهم ديك وخالو احمد ولا فك حلكه بكلمه بس اتصال وتليفونه موكف
احمد الطريق كله تتصل ام سامر بيه ومتريد سما يمنه
ام سامر الووو احمد شبيك متكولي مو فهمتك من البيت لا اجيبهه شسالفه اني بتي موغفه على كلبي جايبلي بت اختك الي عشكتلهه واحد وازوجته غصبا عليكم
احمد بالبيت نتفاهم
ام سامر بت اختك متدخل بيتي
احمد اللهم طولج يا روح بعد لا تتصلين بت الكلب دكافي السانج الزمي لا اوصل انعل والديج
سما وصلنه بغداد اجننن اول مرة اشوفهه ورحنه لبيت خالو احمد لكن
يتبع......