Unicode
အေးချမ်လွန်းလှသည့် မနက်ခင်းလေးတစ်ခု ...
''သမီးတို့ရေ ကျောင်းနောက်ကျနေလိမ့်မယ် ဆင်းလာခဲ့ကြတော့လေ''
ထမင်းစားခန်းထဲမှ အိမ်ရှင်မပီသသောမိခင်တစ်ယောက်၏ခေါ်သံထွက်ပေါ်လာသည်။
ထိုခေါ်သံ၏နောက်တွင် အပေါ်ထပ်မှမျက်နှာစူပုတ်၍ဆင်းလာသော ငါးနှစ်အရွယ်ကလေးမလေးတစ်ဦး။
သူမ၏နောက်တွင်တော့ ကိုးနှစ်အရွယ်ကလေးမလေးက ပြောင်တီပြောင်စပ်နှင့်လိုက်ပါဆင်းလာသည်။သမီးနှစ်ယောက်ဆင်းလာပုံကိုကြည့်ရင်း
Mr.Mason Park နှင့် Mrs.Clare Park တို့သက်ပြင်းချမိသည်။သူတို့သမီးငယ်လေးဟာ တစ်စုံတစ်ခုကိုအလိုမကျနေပြီဆိုတာတန်း၍သိလိုက်၏။''Daddy...မမက Rosè ကိုဆရာဝန်မကြီးမဖြစ်နိုင်ဘူးတဲ့ ''
''ဟင်...ဟုတ်လား သမီးကြီးကဘာလို့အဲ့လိုပြောလိုက်တာလဲ''
သမီးငယ်ဖြစ်သူ Rosè ၏ အပြောကိုထောက်ပေးရင်း သမီးကြီးဖြစ်သူ Alice အား Mr.Park ကမေးလိုက်သည်။
Alice လည်း မိခင်ပြင်ပေးထားသော ထမင်းကြော်ကိုတစ်ဇွန်းခပ်စားလိုက်ပြီး
''Daddy ကလည်း Rosè လေးက ဆော့ရင်သူပဲအမြဲတမ်းဆရာဝန်လုပ်နေတာ။သူကဆရာဝန်လုပ်တော့ သမီးကပဲလူနာလုပ်နေရတာ....ကြာတော့ပျင်းလာပြီ Daddy ရဲ့။အဲ့ဒါကြောင့် သမီးလည်းတစ်ခါတစ်လေဆရာဝန်လုပ်ချင်လို့ သူ့ကိုဆရာဝန်မဖြစ်နိုင်ဘူးလို့ပြောလိုက်တာ''
Alice ၏စကားအဆုံးတွင် Rosè ကအလန့်တကြားထအော်သည်။
''No..!!!...မရဘူးနော်မမ Rosè ပဲအမြဲတမ်းဆရာဝန်လုပ်မှာ မမကလူနာပဲလုပ်''
''ဟားဟားဟား.... သမီးငယ်ကတော့အစွဲကြီးပါ့ကွာ ''
''အစွဲကြီးတာတွေနောက်ထားရှင်...သမီးတို့ကိုကျောင်းလိုက်ပို့တော့ ပြီးရင် ဟန်နီလည်းဆေးရုံသွားရဦးမှာလေ''
Mrs.Park ၏အပြောကို သားအဖသုံးယောက်ကတော့ Yes တစ်လုံးနှင့်တုံ့ပြန်ကာ တစ်နေ့တာတာဝန်များကိုလုပ်ဆောင်ရန် အိမ်မှထွက်ခွာသွားကြလေသည်။
Park မိသားစုလေး၏ မနက်ခင်းတေးသံသာလေးကတော့ Alice နှင့် Rosè တို့၏ စကားသံလေးများနှင့်ပင် ပြည့်စုံသွားရစမြဲ။
Mr.Park သည် Roseanne Family Hospital ၏ ဥက္ကဌဖြစ်သည့်အလျောက် သမီးနှစ်ယောက်အား သူ့ခြေရာကိုနင်းစေချင်သည်။ငယ်သေးပေမယ့်လည်း သူ့သမီးလေးများအတွက် မျှော်လင့်ချက်များစွာကိုရင်ဝယ်ပိုက်ထားသော ဖခင်တစ်ယောက်ဖြစ်လေသည်။
YOU ARE READING
Life Combine With Love
Fanfictionအချစ်ကိုပိုင်ဆိုင်ခဲ့သော်လည်း အတ္တတွေဖုံးလွှမ်းကာ အချစ်ကိုမပြောင်းလဲနိုင်ဘူးဟု ယုံကြည်ထားခဲ့သော သူမ Lalisa Manoban အချစ်ကိုမျှော်လင့်မိခဲ့သော်လည်း နှလုံးသားကိုအလေးမထားဘဲ မာနကိုသာ ချနင်းခြေမွခံခဲ့ရသော သူမ ...