From "karibal" to "minamahal" (A Cebuano Literature)

From "karibal" to "minamahal"

"Ouch! Can you watch where you are going? Ga kiat lang. Dili ta mag tinanga sa sunod bi para dili ta makasala," pangasaba nako sa lalaking nakabangga sa akong likod hinungdan para mangahulog akong dala nga duha ka libro.

May gane wala ra nahulog akong glasses kay mahal ra ba kaayo akong nabayran ani ug wala na ko'y budget ikailis kay dugay pa among sweldo sa fast food nga akong gitrabahuan.

"I'm sorry," pulong niya samtang gipamunit akoang mga libro.

Kamalas ba nako karon adlawa oy. Sukad pa jud ko ganiha gisapot kay tungod wala ko nakatambong sa gradwasyon sa akong crush. Naatol man gud nga finals namo sa Political Sciene maong dili jud ko pwede mo absent. Nagdali gani ko ug answer para makaapas pa ko apan sa akong pagdali wala nako basaha ang instructions maong nibalik ko sa pag tubag niini. Samutan pa jud akong sapot sa katanga aning tawhana. Plano pa unta nako siyang paulanan ug mga yawyaw pero sa dihang nagkaatubangay naming duha mura ko ug naamang. Gwapo siya pero wala ko naamang tungod sa iyang nawong, wala lang gyud ko nagdahom nga siya diay ang nakabangga nako.

"Sorry, jud kaayo. Gadali man gud ko kay late nako sa akong klase. Nidalikyat ra ko ug gawas gud para mo tan-aw sa graduation ni Kian." pulong pa niya.

Kaila ko aning lakiha. Siya si Kenjie. Ang ka-charchar sa akoang bayot nga crush nga si Kian. Kaswerte gyud aning mayaha oy kamaayong dapugon kay bisan dili pa ingon ka dugay silang nagkaila sa akoang crush MU na sila. Pero ako intawon upat ka tuig nang nangandoy anang butanga pero ni-graduate nalang siya ako nganga gihapon. Akong gikuha ang mga libro ug walay pulong nga nilakaw. Amaw man guro tong tawhana unsay paki nako kung gikan siya sa gradwasyon ni Kian? Share niya lang? Nganong kinahanglan pa gyud na niyang ipanabi, unsa pasuya? Ka-triggered ha! Nagpadayon nalang ko paglakaw padulong sa among room.

"Oh Starr asa ka gikan? Mura gyud ug gikan sa gyera imong nawong," pulong pa sa akoang klasmet nga si Hailey pagsulod nako sa room.

"Nagkabangga mi sa akong karibal sa hallway. Ang makalagot pa jud kay gipanabi pa niya nga gikan siya sa graduation ni Kian. Like what do I care?" pulong nako nga may pinasulirap pa sa mata.

"Wala ka kabantay?"

"Kabantay sa asa?"

"Permi lang mo magtagbo ni Kenjie. Di ba last week, ni-share ka nga nikaon si Kenjie sa imong gitrabahuan tapos the other day sad ingon ka nga nakit-an nimo siya sa comlab. And remember katong nagpa-xerox ta gawas sa gate 2, naa sad sila para magpa-xerox."

"Unya?"

"Basin siya ang imong destiny ayiiee~!" gikilig nga komento ni Hailey.

"Paghilom oy! Si Kian ra ako! Kana si Kenjie sus pilay pusta iyaha ra nang binuangan si Kian mylabs. Awa lage na siya!" ingon ko.

"Kalma lang gud. Maypa imong i-chat si Kian ug congratulations. Ayaw na problemaha nga wala ka kaadto sa iyahang graduation. Mao japun dili nimo kayang buhaton nga i-congratulate siya sa personal. Sakto?"

Ako nalang gituyukan sa mata si Hailey kay tinuod man iyang gisulti. Nahunong among tabi dihang nisulod na among maestra. Pero wala nisulod sa akong utok ang iyang gi-discuss maong nagselpon nalang ko diri sa akong lingkuranan nga nahimutang sa luyong bahin sa among room. Gi-open nako ang facebook ni Kian para mang-stalk ug nasakitan ko sa akong nakita. Nag-post ug picture si Kian nga silang duha ra ni Kenjie. Ug ang usa sa mga picture kay gasuot si Kenjie sa toga ni Kian samtang sweet kaayo silang duha. Atay lamia ihilak oy! Kaamaw sad nako! Dah stalk pa more! Unsa man guy naa aning Kenjie nga wala nako?!

Dawat man unta nako iyang pagkabayot pero akong gugma kanus-a man intawon niya dawaton? O angay na ba gyud kaha kong mag move on kay walay padulngan ning akong pagbati? Sige man ko ug ingon nga mag move on nako pero mo balik gihapon ko sa pagpakatanga. Tungod sa akong ka-bitter ning react ko ug angry. Gusto nako siyang i-greet pero nagduhaduha ko kay kahibaw kong wala siya nanginahanglan sa akoang greetings. Pero bahala na. Akong gi-share ang post ni Kian ug nag type ko ug caption.