زهر الخايبة (بالدارجة المغربية كاملة )

الاجزاء الخامس عشر

🌙رمضان كريم 🌙
🏺زهر الخايبة 🏺
🌟oumaima mega 🌟
🕯76🕯
فضيلة جرات عويشة من يديها و جلست حليمة و جلست حداها حكيمة تشوف فيها و تلمس فيها و عينيها دمعو : بنيتي سعدك زين و كصتك زينة تبارك الله على بنيتي
حليمة تبسم : توحشتك اميي بزااف
حكيمة تدوز يديها على شعرها : كيف دايرا ابنيتي مع دارك و راجلك و عكوزتك لالة كلثوم
حليمة : لاااباس اميي كيشتي راها تسلم عليك
حكيمة قربت ليها : و سيي عماار غادي معاك مزيان ؟
حليمة دور في عينيها : ءءءء؟! ايه ايه مزيان والله
في البيت فضيلة دخلت عليهم جارا معاها فوتيحة لعند عويشة لي سايرا تندب
عويشة تدوي بشوية و جاها لاكرييز : وااش شتوو حلييمة هاويلييي حلييمة الخايبة كيولااات ....و بدات تعض في الفوطة تبرد غدايدها
فتيحة : لاش منوضيني لاش خليوني سخفانة خليوني نمشي نتزااار في قبة مولاي عبد الله من وراها نتعرض لبحر يديني معاه
فضيلة : ششششششش مالكم بغلاات سكتوو اش عندكم متغيرو بالندبة و الجدبة
عويشة بدات تاكل حناكها : انا مابغيتش نتجوج بهادا بغيت نتجوج بلي خداتو حليمة شو كي ولاات هنننن بغييت نمووت انا
فضيلة طرطقت فيهم عينيها : حيدي علينا من هاد الهدرة شفتوها اش لابسة و اش دايرا اجيو نقوليكم اش نديرو ......
حكيمة : هاد صكعات فقصوني نوض ندير ليك كويسة اتاي بان ليا مغيصيبو والو
حليمة : متعدبيش راسك امي جلسي غير حدايا نشبع فيك
حكيمة : ههه نصايب كويس و نجي نجلس عدك ....ناضت وقفت مشات عاد خرجو لالياتي كيشوفو فيها
حليمة شافت في عويشة : عويشة توحشتك مبروك مدرتي ....عيشة تهيا نزلت عدها تبوس و تسلم و تضحك ضحكة الصفرة و جلسو حداها دوروها و حدة في ليمن و وحدة في ليسر و وحدة من ديك الجيه و يتلمسو فيها و في حوايجها و حليمة والله كتبغيهم في قلبها يقطرو ليها من العين حيت خواتتها
فضيلة : هادشي زيين عدك كي درتي تا زيانيتي
عويشة : وراه باينة الفلوس
فضيلة طرطق فيها عينيها : دابا منين نتي وليتي هوكاا انا كيف غنوليي حسن منك يااك
حليمة تقرصت تمن ضحكة علاين تهجرها : ءءءء؟ ااااه
فتيحة نقزت على سنسلة : هاد سنسلة زوينة عطيها ليا
حليمة شافت فيها : ءءءءء؟
عويشة : ياك نتي لباس عليك دابا و عدك بزااف
فضيلة تقلب في الحوايج : تانا عجبوني هاد الحويج لي لابسة
حليمة تشوف في الحويج : هو كون كان عندي باش نمشي نعطيييهم ليك
عويشة تجبد في عينها : اويلي حتى هادي هضرة تقولي حنا نعطيوك حويج اجي معانا لبيتنا ...ناضت معاهم بقلبها كبير داخلة تعطيهم حويجها لحاصول هاد البنت حاجتها ماشي ديالها ...مجات فين حكيمة خرجات تحط الصينية ...حتى خرجو حليمة من لبيت مكشطة في راس مالها جلابة بالية و سندالة الميكة و دبالج في يديها و خاتم عرسها اما كلشي باح باقا غير الساك في يدها
حكيمة : هاويلي اش درتو لدرية ....هما تساخرو اللور يخافو من مهم و حليمة تقدمت عليهم : لا امي غير خليهم عنديي بزاف منهم
حكيمة : اويلي و عداك ناسبك يخاصمو عليك
حليمة : لا لا ميي كلثوم ضريفة ... حكيمة ملقات متزيد عليها صافي جلسو يشربو اتاي و يضحكو كل وحدة واش خدات ها سنسلة ها الزواهك ها البراصلي ها الحويج ...حتى وصلات وقيتها سلمات عليهم و عطات لمها شي باركة و خرجوها قدام العينين يحنزو واخا غير بسندالة الميكة و جلابة بالية كتبان فيها زينة و شخصية و الشعر مكريبي طلعت في الطموبيل دير ليهم باي باي و تضحك