أسكريبت
=انا هنتحر ، انا مش قادره اعيش اكتر من كده
الساعه 2 بليل كنت قودام النيل ، شريط حياتي بيمر قودام عنيا كل الحاجات الوحشه الي حصلتلي مرات ابويا ، وفاه والدي ، اخويا الي هاجر وسابني ، مقدرتش اكمل نطيت ، روحي بتنسحب مني ببطئ مؤلم وانا مش قادره اطلع انا مبعرفش اعوم ، حاولت اطلع لكن معرفتش وفقدت الوعي ، دي نهايتي
&&&&&&&
=يلهوووووي دي بنت
_متعرفوش مين دي
"لا دا احنا اول مره نشوفها هنا"
(دي جت منين دي)
_طيب اوعا خليني اشوفها ميته ولا عايشه
=مش انت دكتور انقذها ياخويا
ضغط علي مكان القلب وحاول ينعشني لحد ما كحيت جامد فتحت عنيا لقيت ناس كتير حواليا ، مين دول وانا ايه الي جابني هنا ، انا اخر حاجه فكرها اني نطيت في النيل
•تسلم ايدك يا دكتور أدم
ادم :انتي كويسه
_ايووه انا فين
"انتي منين يابنتي وايه الي جابك هنا"
_اناا...انااا
ادم :سيبها تفوق الأول يا حجه بركه ، تعالي معايا عيادتي قريبه من هنا
بركه:هتوديها عيادتك ازاي يابني ودي حد هيقدر يشيلها بالبطاطين الي عليها ، استنا
ومشيت خمس دقايق ورجعت معاها كرسي بعجل
بركه:شهل شويه عشان شكلها هتمطر
&&&&&&
وصلت عيادته الي كانت قريبه نوعا ما عملي كشف سريع واطمن علي كل حواسي بعدها قالي
=كلو تمام الحمدلله ، انما انتي ايه الي وصلك لحد هنا
_النصيب
رفع حاجبه وتقبل عدم ردي وراح للباب الي كان بيخبط ، لو كنت في وقت تاني غير دا كنت اعجبت بيه فضلت باصه له شويه لحد ما رجع من عند الباب ومعاه هدوم
=الحجه بركه كتر خيرها جابتلك الهدوم دي عشان تلبسيها
_شكرا
=الحمام من هنا
وشاورلي علي الحمام اتحركت وروحت ولما خلصت لقيت الحجه بركه واقفه مع الدكتور وقاعدين يتكلموا
ابتسمت بهدوء وبصلتي بحنان مفتقداه او معرفوش اساسا
_طالعه قمر في العبايات الريفي مع ان شكلك بنت اكابر ، الي انتي منين يابنتي
=انا لا بنت اكابر ولا حاجه
_لا اومال بنت اكابر ونص ، تعالي عايزاكي في موضوع
وخدتني من ايدي وخرجنا من باب تاني للعياده ولقيته بيت غالبا الدكتور عامل العياده في بيته
_بصي يابنتي مكدبش عليكي احنا مش عارفين نقعدك فين ، انا ولله لو عليا كنت قعدتك عندي بس ولادي ومراتتهم وعيالهم معايا في البيت
=خلاص ولا يهمك متقوليش كده انا اساسا همشي من هنا علي طول
_عيب برضو ودي تيجي ، انتي هتقعدي مع الدكتور ادم ، راجل بصحيح يموت ولا يبصلك بصه وحشه زينه شباب القريه ادم دا ، متخافيش منه هو كام يوم لحد ما ترجعي بيتك
=بيتي !!
_ايوه بيتك الي كنتي عايشه فيه
=انا...انا مليش بيت
_يووه اومال كنتي عايشه فين ؟
=......
_عيني عليكي يابنتي
وخدتني في حضنها ، عيطت كتيررر اول مره احس ان ليا حد اترمي في حضنه صوتي كان عالي لدرجه ان ادم سمع وفتح الباب علي طول من الخضه ليكون حصل حاجه
=مالكم في ايه
_مفيش ياواد وبعدين في حد يفتح علي النساوين كده من غير ما يخبط وانا الي كنت لسه بقول عليك زينه شباب القريه
=كده مبقتش زينه شبابها يعني
_لا خلاص رجعت في كلامي ، همشي انا بقا اشوف الي ورايا سلام عليكم
وعليكم السلام
=احمم اكيد الحجه بركه فهمتك الوضع تعالي اوريكي اوضتك
روحت معاه ووراني الأوضه كانت هاديه ومفيهاش اثاث وبسيطه جداا ودا الي خلاني احس بالراحه
ووراني المطبخ والحمام كل حاجه في البيت دا كانت هاديه ، دا حلمي الهدوء ريحه دخان الدفايه وكوبايه شاي سخنه والشال علي كتفي معقول هتتحقق
=انتي مسلمه ولا مسيحيه
_تفرق
=لا بس عشان لو مسلمه اصحيكي معايا عشان تصلي الفجر
_لا انا مسلمه الحمد لله
=الحمد لله
مرضتش اقوله اني مبصليش واني ناردا لما بركعها يمكن جه الوقت اني ارجع اعيد حساباتي تاني خصوصا بعد الغلطه الي ربنا انقذني منها وهي الأنتحار
