#رواية_انت_مصدر_الامان
طبعا اول رواية نكتبها نبي رايكم فيها
للكاتبة مرام حمد
#المقدمة
• بطلتنا اسمها هديل موليد 1996 بنوتة احليوة وشخصية اعيون عسليات واكبار وعندها غمازات يقتلنا شعرها طويل لعند خصرها لونه قهوي عندها جادبية قوية اي شخص ايشوفها مستحيل ما ايحبها نص شباب الكلية امكبدين عليها بس هي ماعطتهمش مجال عندها كبرياء مستحيل تتنزال عنه تخصصها هندسة عندها ثلاته صديقات اسماء ونسرين وندى
عيلة هديل
بوها عبدالرحمان عمره 58 طيب وعنده هديل الدنيا كلها مستحيل ايقولها لا. امها عايشة عمرها 52 تزوجت عبدالرحمان علاقة حب هو ويها لي حد الان حبهم يكبر كل يوم. خوتها بسام موليد 87 متزوج بسمه م91 سمحه ديما بي مشاكلهم حرجانه عند هلها مره طيبه مره مسمومه اتحب مصلحتها بس نسيت انقولكم اتغار من هديل وهنادي في كل شي عندها ولد عمره سنه اسمه عبدالرحمان امدلعينه عبدو امسميه ع بوه
خوها التاني معز م 90 شخصيه طويل وعند غمازات وجمال ونقشة ع الشقر عنده عضلات و لحية مرسومه رسم كل بنات العيلة طايحات فيه ايحبنه بس هو مشكلة مايتقش في البنات ويكرهن
معتز 93 طايش وايحب البنات ماهنكش بنت ما كلمها. طويل نقشة ع الاسود هو الوحيد الي يفرق عن خوته يشبه باته
واختها هنادي موليد 99 اخر العنقود السانها طويل
مشكلجيه تقرا ثالته تانوي تشبه اختها بس هي شعرها قصير ع الاسود واعيونها سود واكبار وغمازات اتحب اختها
عيلة عمها عبدالله. مرته فاطمه طيبه واتحب الخير
عندهم اربعه شباب وثلاته بنات
سند موليد 89 طويل نقشة ع الاسود عضلات عصبي واعر يكره صوت العالي ما ايحب اطلوع البنات واجد بس في نفس الوقت احنين وطيب
مؤيد. موليد 91 و ايمن موليد 93 انور موليد 95
شهد موليد 97 و هند 99 صديقت هنادي امقربه تقرا امعاها في نفس الفصل
هدى موليد 2001
عبد المهيمن. خو عبدالله وعبدالرحمان الصغير مرته عزيزه مسمومه ماتحب عايشة ولا فاطمه تفتن في العيلة واتفرق فيهم
راجلها مسكين قيسه ديرتله حاجه مايتكلم ولا ايجي شورها الكلمه ليها في الحوش
عندها ولد وبنتين
امير موليد 92مشكلجي منحرف معروف في العيلة ديما امبهدلهم بي مشاكله كله من تحت راس امه
اميره موليد 96 مغروره متكبرا واتحب سند من هي صغيره
نور 98بنوته طيبة وعلي نياتها الوحيده الي في حوشهم مختلفه في تفكيرها واسلوبها واخلاقها
عمتها ناديه
عندها ولدين وثلاته بنات
معتصم م 89 عصبي واعر ماعندش جو امع العيله
منتصر 93 هدراز ديما قاعد في حوش خواله
ندى بنت طيوبه واخلاق عسل موليد 96
شذى موليد 99 تقرا امع هنادي
نجاح موليد 2001
عارفه طولت عليكم واجد ان شاءالله حفظتو ما اتلخبطوش في اسامي ولا العيلة
نبدو في قصتنا
يوم جديد على ابطالنا
في حوش عبدالرحمان
ماما(عايشة) نوضي هنو وقت ع المدرسه صبي
هنادي: ماما خليني نرقد مانبيش نمشي طفي الضي وصكري وراك الباب
ماما: نوضي ولا اتشوفي شي مايعجبك اليل تسهري ع النت والصبح ماتبيش تمشي لي المدرسة
توا انخبر خوك حتى التليفون يرفعه منك انتي شهاده تحسابيها ساهله
هنادي: وووووك. تبيها من لاخير عندي امتحان الرياضيات اليوم وانا ماقرتاش
ماما: 👏👏👏قعدت اتصفق حلوه حتى هذي وين هايمه انتي وليش ماقرتيش ولا النت واخد عقلك
اني: خيرا اصواتكم عاليه شن فيه خبروني
هنادي: اني عليا امتحان ماقرتاش ماما قاتلي امشي لي المدرسه
ماما:هيا امعصبه صبي امشي لي مدرستك قبل ما انغبرها عليك اليوم
هنادي: باهي 😣
اني: هنو خلاص اسمعي كلام ماما وامشي يمكن ايجيك ساهل باهي تمام
هنادي: 😂😂اين ساهل ابلة الرياضيات المسمومه
اني: صبي صبي حتى انا تاخرت ع الكلية
لبسنا وفطرنا بست راس بابا وطلعنا رفعنا معتز
معتز: انتي يا امطرشقه خيرك
اني : واكله هزايب ع الصبح فوتها خير
معتز: شن امال ماعندكش السان 😂😂
هنادي: معتز بالله اطلع من راسي
اني ومعتز 😂😂😂😂 اليوم شورا بدير كارته في المدرسه الاحسن نسكتو خير
وصلنا معتز كل وحده فينا
ندى: صباحو حبي
اني:صباح العسل غلاتي
جت نسرين وهناء صباحو
ندى: هيا وقت ع المحاضره
نسرين: اوف منحباش دمه التقيل
هناء: صدقتي
اني : شن رايكن نحظرو نص المحاضره خير ما ايسجلنا غياب وحده فيكن ادير روحها مريضه ونطلعو من المحاضره نطلعو انهيجو في الكلية 😎
ندى : 😍من وين اتجيبي الفكار هذين بس هدوله
نسرين وهناء و تم هيا
في نفس الكلية
وسام شاب جمال واناقه وغني نص بنات الكلية ايحبنه
وسام امع اصحابه
عمر: اوووووو طرف شوف وسام
وسام: وين
عمر: وراك ياراجل
وسام: العب 😍😍😍😍
علي: والله البنت هذي ماقدرش حد في الكلية ايطيحها راسها يابس
وسام: وانا ايبس منها واتشوف كيف انخليها اتحبني
عمر: لا يابرو ماتقدرش
وسام: اتعاند
علي و عمر : تاخد منا 10الاف لو اقدرت عليها لو خسرت انت اتجيب 20الف
علي وعمر وسام : اتفقنا خليكم قد كلمتكم ياما اتاعندو وانا الي نربح انا وسام ولد افلان لو ماتعرفنيش
قعدو يضحكو 😂😂
عند هنادي
اول ما خشت لي المدرسه سلمت علي صاحباتها
طبعا هند وهنادي ايقعمزو في نفس الكرسي وراهم شذى وايمان صحابتهن. فاتت الحصه اولى عليهم انجليزي. والتانية الرياضيات خشت بي ضحكتها الشريرا طلعو اورق كل وحده في عينها في ورقتها
هنادي ايغشلها البنات وابلة تشبح هنادي اتغش من ايمان حولت هنادي لي كرسي اول. المهم تم الامتحان هنادي حلت كل امتحان وغشاته فاتن الحصص جت الاستراحه
طلعن البنات خدن فطور وهن ايهدرزن في وحده اسمها وصال صايره قصه بينها وبين هنادي
وصال:جت جيهتم قعدت اتلقح ع هنادي
اتنوض هنادي رافعه المشروب
هنادي: شن قلتي عاودي ياماما
وصال: الي اسمعتيه
هنادي اتصب المشروب الببسي ع وصال دبشها كله مشروب
وصال وجهها وله الالون الالون والبنات كلهن يضحكن عليها
وصال: اتشوفي يا هنادي والله اندمك عليها
هنادي: الي في ايديك ديره 😂😂😂😂
وصال بضحكة خبت : تمام انشوفو الايام بينا
هنادي : انشوفو
هند: صحه ليك تستاهل الله
شذى: ريتي وجها كيف وله
ايمان و هنادي وهند 😂😂😂😂 اي مسكينه قريب تبكي
رن الجرس
عند سند في الشركة طبعا سند يشتغل امع بوه في الشركة
سند: محمد نبيك اتجيبلي نسخة ع الملفات والنسخه الصلية ابعتها لي بوى في الحوش
محمد: تمام استاذ سند
سند: نادي ع فرح واتجيب امع قهوتي
محمد: تمام استاذ
طلع محمد وصكر وراه الباب
ونزل لي استعلامات كلم فرح
فرح هي اتساوي في روحها هذاك الميك اب ع وجها
اطقطق ع الباب
سند: تفضل
فرح بصوت هادي: صباح الخير حبي
سند: صباح النور هو حامق
فرح : 😞 خيرة حبيبي اليوم
فرح حطت القهوة ع الطاوله
سند: وين امس مشغول نص اليل
فرح 😨😨😨: والله حبيبي اختي تعاركت امع راجلها قعدت تشكيلي
سند زي الي مش امصدقها 😕: ديما اختك امع راجلها اتعارك ماتمشيش عليا انا
فرح بدت بدموع التامسيح 😢: الله متعاركه امع راجلها ايخون فيها
علاش به اتحط عليا تبي انكلمها لك اسالها وتبكي
سند نقطة ضعفه شخص يبكي قدامه
قدم خطوتين خلاص حبيبتي صدقتك
فرح : مسحت ادموعها انحبك
سند: وانا انموت فيك
عند هديل
طلعنا من المحاضره
نسرين: يابنات انا جعت هيا ناكلو
هديل :تمام هيا
ندى: هديل دورك تمشي اليوم
هديل:به
مشت هديل وخدت
جت طاله
هديل :...............
وسام:.........
#يتبع
لو عجبتكم ديرو متابعه وانشوف رايكم في الرواية انكملها او لا
