بلوه حياتي

😍6

ماكو واهس النشر 😭البارت 6.                                               
هلاوووو

ريم :اكلج هبوشه شراح نسوي هسه

هبه: مراح نسوي شي لازم نظل بالبيت منطلع وهم اكو حرس وكاميرات يعني امان

ريم: اهاااا يي خوش لعد اني اروح انظف

هبه: اوك واني راح اطبخ

جندي: سيدي راح يجي ملازم اول علي الاكبر وياك بالواجب
الباشا: علي احمد مو
جندي :نعم سيدي هو
الباشا: يا هلا بي صديقي هذا

ملازم علي: السلام عليكم
الباشا: وعليكم السلام ورحمه الله وبركاته ياهلا والله ابو الاكبر شلونك شخبارك البقيه بحياتك سمعت كالو الوالده متوفيه من زمان بس والله اعذرني مااعرف بيتك

حياتك الباقيه باشا شخبارك شلونك
والله الحمدالله تمام

صدك مبروك ع الزواج بالرفاه والبنين
تسلم حبيبي يوم اللك

ونتا حاضر باشا

(علي الاكبر اله صله كلش قويه بهبه )
في مكان اخر
،،،اي نتا تجي الساعه 2 بليل اليوم
،،،حاضر مدام بس اريد الدفعه كامله
،،،،اي تدلل

علي الاكبر
سلام اني علي الاكبر ينادولي ابو الاكبر ملازم اول بال. ...(ضابط)ويه الباشا هو نقيب ركن واني ملازم اول يعني اثنينه ضباط عمري 26 سنه احب امي واحترمهه كلش بس للاسف توفت بمرض سرطان الثدي
ابويه احبه بس لان قليل كلش يجي علينه اضوج اعرف بي مزوج امي مكالت شنو السبب وليش ساكته عليه اله من قبل لا تموت كالت احترموا مرت ابوك لان كلش حبابه وهي نظلمت يم اهل زوجها بسبب غياب ابوكم عنها
نرجع شويه للماضي

احمد :افففف هسه وين اروح الدنيا بارده (نزل من العسكريه لبغداد الكراده )

عصام ;ها خويه شبيك خيرك صاير شي

لا خويه بس ماعندي مكان اروحله وماكو تكسي يوصلني لمحافظتي هسه

خويه شالقصه تعال يمنه هنا بيتنه مفتوح عين غطه وعين فراش

رجع عصام للبيت ولكه بيتهم هوسه صاير دخل هو واحمد وجانت المشكله
علمود نجاة بنيه حبابه تشتغل بالمصرف متعرضله واحد (معتدي عليها للاسف )
موظفه ما متزوجه
ويردون يكتلوهه الصراحه احمد كلش غيور ع عرضه وميحب هيج اشياء وشاف البنيه شلون تبجي منظر يبجي الصخر واخوانها واهلها يردون يذبحوها مثل ما يذبحون الخروف هاي عاداتهم
احمد: لا عموووو اوكف متنحل هيج والله

ولك عوفني خلي امحي هل عار وطت راسي
راسك دومه مرفوع مدام نتا عراقي وعايش بالعراق

عصام خويه لا تدخل دخلت للبيت علمود ترتاح وباجر تروح لهلك

لا مستحيل لازم ادافع عنها هي ماالها علاقه ليش متحاسبون الي سوه هذا الشي ليش كله ع البنيه المره ضعيفه البنيه متكدر تدافع عن نفسها واذا مكدرت راح تضعف وتكعد تبجي ايش تذبحوها والي سوه عملته دايح بالشوارع اذا ذبحتوها راح يظل النذل العار بالشارع ويعتدي ع بنات اكثر واكثر
ليش هيج
ولك وطت راسي بين الناس الوادم شراح تكول علينه