قصة كدوي على وحد الربعة الشيخات في دواور خميس زمامرة ....جا وحد رجل اعمال ملعق بوكو حبة ...كيقلب على بنت عمو و غيلقاها شيخة و هاد الملعق عندو ثلاتة الصحاب تهمااا بوكووو فلوووس ....ايوا غيتلاقاو هاد الشيخات مع صحاب الفلوس ايوااااا هاكاوا بدات الفراج...
💅الشيخة و ولد عمها 💅 👄oumaima mega👄 🌷121🌷 يلاه لوخرى غتجاوبها تقاست عليها بنتفة ناري اش دارت ليها نزلتها الارض و دارتها تحت منها و بدات كتريش فيها ليلى غير كتشالي بيديها و تغوت كلات ليها شعرها و لي بوديكار غير كيشوفو و البنات واقفين بعيد عليها و تهما كيتفرجو يعني من الاخر مامين لي يفكها و اصلا هي لي قلبت عليها من البارح و هي الدور عليها و لمشكل لوخرى عايقا بيها اول ساعة حاطت رجليها في الدوار ثائر سمع الغوات على برا و سكينة مكيناش خرج عريان من الفوق لابس غير سروال من لتحت ناري كيف خرج شي ح اجة طوب ديال طوب فحال شي مودل ناري كيف داير لبنات ديال الدوار مبقاوش كيتفرجو في المدابزة و لاو كيتفرجو فيه هو و حلو فمهم فيه هو مشا نيشان لعند سكينة لقاها محيحة على هاديك شاداها برجليها و كترفس فيها و كتعاير و لخرى كتغوت هو جا من موراها و حوطها بيديه على خصرها و هزها من فوقها ناري هي بدات كتركل ليه و تحيد في يديها سكينة : حيد حيد متشدنيش عليها والله يامها تتبان ليها الجدرة ديال الشعر حيد خنقتل الكلبة ...و كتركل ثائر : ههههه صافي باراكا سكينة : والله يامها تنبيتها و غير حيد و غا حيد غندير فيها خير و غندي لاجر غنخليها دير الاخوان عن اقتناع تام و حق الله غير خليني غير طلقني عليها ثائر مقدش يجاوبها كيموت بالضحك و هي و تقولي بغات تزكا من تركال حتى دخلها للدار و واحد من البوديكار مشى عند ليلى لي كتشوف في شعرها و كتبكي بوديكار هدر معاها بشوية : نوضي سيري من هنا ليلى سعرت عليه : مالك نتا غا حط عليا انايا (و هي تمسح خنونتها ) مزوج ؟؟؟ بوديكار هزها من دراعها و سيفطها قدام : غتجي لهنا غنتفاهم معاك مزيان تباركالله السحارة لخرى ...صحابو لي معاه كيضحكو ثائر : هههه وايلي دابا انا مزوج بعيشورية سكينة و مخرجة عينيها : تا اشمن عيشورية انا مكنضلم حد هي لي جبداتني هادوك انا لي نعرف جنسهم حيد غنرجع ليها .....و غادة تاني منيشة على الباب هو يرجعها تاني و عنقها من للور و خشا وجهو في عنقها ثائر : دابا انا مرتي قبيحة سكينة حيدت ليه يديها و دارت عندو : شوف انا راه درويشة بغات عيني ندوزهم ليها و لكن باش تركب عليا نركب على مها حسن ثائر : اااح علاش مكديريش هادشي فاش كنكونو في غلاسيون سكينة : الله يخلف عليك كدير كلشي....هو ضحك و نزل يبوسها في فمها هو يسمع خباط خباط الحاج خباط خباط خباط : واااهيااا سي ثوير ااه شدو لبوديكار من عنقو : اش كدير نتا هنا الحاج : جبت الفطور لعرسان جداد واهيااا المرا حطو لدراري ماياكلو شادين العسا بليل .....جابت مرتو و بناتو و شي عيالات متعاونين معاهم المصمن و اتاي و الخبز و الزيت و العسل و الزبدة و حطوها لخرين البوديكار : اش هادشي الحاج : و غا طلق طلق و سير تاكل بصحتك حل هاد المرة ثائر الباب و مع ملابس والو من الفوق غطاو العيالات وجههم و لكن البنات دهم الله ثائر : اش كدير نتا هنا على الصباح الحاج و نقز عليه عنقو و لصق و ثائر باغي يحيدو : واهيا يي ثوير و مبارك جبنا ليك فطورك وااا دخلوه لييه و تا كيف دازت ليلتك لقيتي داكشي هو هاداك ثائر بعدو عليه : واش كضحك عليا الحاج : و تا اشمن ضحك و دخلو دخلو داكشي ....و دخلو العيالات و الحاج لاصق حدا ثائر هو مسح وجهو البوديكار : مسيو ....دار ليه ثائر بيدو باش غير يمشي و دخل و الحاج لاصقو وكون غير كان درية نشك فيه ههههه ماعلينا دخلو الفطور سكينة منعت ثائر ياكل اي حاجة و الحاج مع جاي مفطرش ضرب براد و نص تاع اتاي مع طرح مصمن و ممحيدش من حدا ثائر و كيدوي بزاااف و كيعاود و العيالات باركين ديرين بسكينة كيسولها و يهدرو معاها و هي بيناتهم حشمانة و مرة مرة كطلع عينيها في ثائر لا ياكل و كتشوف دوك البنات كيف حادينو زعمة راه سيد ولا مزوج جمعو عينيكم اااه قمر صبح عليها الحال هكاك ناعسة عوجة على الناموسية دخلت لفرملية عندها لقاتها مشقلبة القضية عاد نوضتها و داتها لطواليط وقادو ليها البيت و رجعو ليها الناموسية قمر : اتوما كيف درتو لهادي رجعتوها كاع نعست معوكفة الفرملية : غير خدمتي بتليكوموند يمكن قمر : عفاك ماشعلي ليا دوزام متبعة نريمان و ناجد كتبقا فيا البكرة ديال نيفين كتفكرني غا في نرجس وحق الله مع تاهيا زعرة فرملية : هه واخا لالة قمر : وقادي ليا عافاك تلفزة فرملية : واخا (صيبتها ليها وشربتها الدوا و جابت ليها الفطور ) سمحليا نسولك واخا ممنحقيش قمر : اودي غير سولي كون جينا على مامنحقيش نموتو غير بالفضول كندوي على راسي بعدا فرملية : ههه واخا ....و سكتت قمر : تي دوي ضرني راسي على سؤال فرملية : واش بينك و بين سي آدام شي حاجة قمر : فحالاش شي حاجة فرملية : زعمة اين غولاسيون قمر : لي هي ؟؟ فرملية : علاقة قمر : حب (دارت ليها براسها اه ) ههههه و صراحة هو كيبغيني ولكن مقادش يعتارف ههه (الثقة في النفس هه) فرملية : وياك هو خاطب قمر : و هدشي لاش مقادش على ود ديك الكلبة💅الشيخة و ولد عمها 💅 👄oumaima mega👄 🌷122🌷 فرملية : صراحة هو باين فيها متيبغيها موالو كانت في لولة غير صديقتو فاش يلاه جيت قمر : جلسي جلسي و عاودي ليا فرملية جلست تهيا مولفة بالجمايع : هانعاود ليك كي الخبيرة هادي ماسميتهاش ميريام سميتها مريم هي مسمية راسها ميريام دارهم مافحالهمش ساكنة مع باها عدم و مها كيعاودو عليها كانت جلاصة لحمام و خوها بيطالي و كانت كتقرا في الكوليج و تلاقات بآدام كان في العام الرابع ميدسين ديال فرنسا قمر : اشنهيا ميديسين فرملية : مدرسة الطب اصحبتي قمر : و اش جابو لمغرب ياك كان في فرنسا فرملية : ظايو يدوز لفاكونص اصحبتي صحابو كلهم هنايا مهيم انكمل ليك تلقا بيها ضربوها شي بنات و كتبكي كان في الاوطو ديالو شافها طيحة كتبكي غير نزل عندها شافت الطموبيل و الدري بكوص عرفت راسعا معامن دغيا هو بقات فيه جا يشوفها مالها بدات تشكي عليه و تبكي على دارهم و موعاناتها فحالا هي سندريلا من تما و هي صاديقتو تاكل على ضهرو يوصلها يلبسها و هي كانت كتشكي بزاااف حياتو كتنكدها عليه بالشكا ناعلينا دوكطوغ وصل و دار لوبطال ديالو و كيقابل ليزوبيطال ديال باه لي في اوروبا هي صافي وصلات الباك سمعت بلي عتارفت ليه بالبكا و مقدش يرفضها لغد ليه قالت ليه جي خطبني راه طالعين في العام الخامس داير ليها دارها و طموبيل و كونط في البنكا و معيش دارهم على ضهرو و سمعتو عمرو قاسها يمكن عيات ما تحاول معاه باينا اصحبتي مكيبغيهاش و هي طالعة لسما قمر : الجيعانة لخرى والله لا كان ليها تعيشو في نكد هي لي طارت ليها و معيشة قوم على ضهرو فرملية : ايييه متخيليش فاش تيكون كيدوي معاها هدرتها كلها معاناة هي ديما كتعاني و غير تتخرج تتبدا الضحك و هو كتخليه هاز الهم قمر : الحمااارة لوخرى حوكلو مهموم فرملية : و نتي الالة فين تلاقيتي بيه قمر ضحكت و حشمت : انا تلاقيت بيه فاش كنا في عرس سي نايف خطيب ختي نرجس (ههههه واااايليي نتي تجاوزتي كاع توقعات ) فرملية : واش سي نايف الممثل (قمر بابتسامة و كطلع و تهبط وجهها بأه )ياك تفارق ميرنا غير هاد الايامااات (قمر باقا الطلع و تهبط في راسها مداخت موالو ) قمر : داكشي لاش سيفطتها ختي سكينة واخا قالتلينا صديقي حنا عارفين بلي هو عاجبها و سيفطناها توقف معاه في هاد الضروف و تاخدو حلالها فرملية : ااااه و انا نفهم و شكون سكينة قمر : خطيبت سيدي ثائيير فرملية بصدمة : بلاتي بلاتي هما صحاب بربعة ثائر و شهاب و آدام و نايف و ثائر خدا ختك نرجس قمر : ولاا سي ثائيير مع المعلمة سكينة فرملية : و نايف مع نرجس و نتي مع آدام قمر : انشاءالله من فمك لربي فرملية : و معندكمش وحدا اخرى لشهاب ديوني تانا ختكم عفاك قمر : لا باقا سمية و لكن باقا صغيرة و زيدون شكون هادا شيهااب منين غتعرفو هيا و تتكبر شوية بعدا ...... شهاب دوش لبس سروال و هز القميجة كيلبس فيها و هي تدخل لينا بعجعاجتها لينا : اش هادشي كنسمع ا شهاب شهاب باقي في نفس البوزيسيون و كيسد القميجة : شنو ؟؟ لينا : سمية بنت عم ثائر ياك شهاب حبس الصدان لدقيقة و رجع كمل : و من بعد لينا : انا راه مقادة على مشاكل مع ديك العائلة و نتا راه صاحبك و كتعرفو مزيان هو مدار لخير حتى في عائلتو عاد انا شوف ا شهاب ... شهاب : صافيي سمية غتبقا هنا لينا هزات عليه صبعها : شهاب شي نهار غنقول لثائر على وجودها و لكن معرفتش امتا فاش غتجيني الفرصة راه مغنترددش غنقولها ليه ...و خرجات هو ضرب الباب ديال الماريو تعصب صافي لبس حوايجو هبط لقاهم بجوجات جالسين جلس هو حدا سمية و هي تنوض لينا هو زير على القبضة ديدو بالعصاب العروقة بانو ليه هو يحس بيد حنينة تحطت على يديه طلع راسو فيها سمية : نتا معصب ياك هاك كولك هادي انا صايبتها ليك ...مسكينة مصيبة ليه دغيمة الخبز و فيه الفورماج و مداها ليه هو ابتاسم ليها ابتسامة خفيفة و عض من يديها الخبز و هي تضحك ليه حيت استاجب ليها و بدا كياكل من يدها وهو كيشوف فيها و هي بديك الابتسامة و هبطت راسها حشمت هو حط يدو على اليد لي حاطاها ليه فوق يدو و طلعها تال فمو و باسها و هدشي تحت اعين لينا لي مصدومة كانت رجعت باش تاخد تليفونها لينا :هادشي ميمكنش شهاب ماشي هاكا ...هي بقات كتوكلو بيديها هو هادئ و كيستاجب ليها لاول مرة في حياتو غيكون هاكا مع شي و حدة هو يحط يدو على حنكها شهاب : راه درت ليك انسكريبسيون في واحد سونطر ديال الحوامل سمية : ؟؟؟ شهاب : معرفتش كيف غنشرح ليك بفف مهيم غنجي و غنديك واخا ...دارت ليه واخا براسها باسها في فمها ومسح ليها على راسها و ناض خرج و هي تجي لينا عندها لينا : انا غنديك لهاد سونطر مالكغي توسا كنبقا انا جداتو و شهاب معندوش الوقت في خطرة و غنلقا ليك دوكتورة نسائية في اللوبيطال دآدام لي تبعي معاها طخيطمون يلاه رتاحي شوية غنمشي نقبط غونديفو ....و مشات سمية : بالعما مفهمت حاجة من هادشي (حطت يديها على كرشها ) كون ولد واخا واقفة على ولد دغيا💅الشيخة و ولد عمها 💅 👄oumaima mega👄 🌷123🌷 نايف جالس متكي على الفوطوي و نرجس لابسة تريكوه و جالسة حداه و كيتفرجو في تلفازة و هي شادة من حنكها نرجس : ويلي ويلي .....كيتفرجو في البارح اش وقع بيناتهم مسجلاهم كميىا المراقبة داكشي بحدافيرو منين سكرت حتى وصل هو وياها لفراش و ناض عليها مكملش هو يقطع بتليكوموند تلفازة و دار يشوف فيها بابتسامة و هي باقا ديرا يديها على حنكها و دورات راسها عندو نرجس : غير سمحليا اسي ناييف والله ما درتها بلعاني انا بغيت نجرب زدقنا في هادشي غير سمحليا و شتي نتا ولد الناس واللهيلا جاتك الفرصة و ما ضيعيتينيش لهلا يخطيك نايف : كنحس براسي فحالا خوك نرجس : واللهيلا عزيز عليا و متسالني حلوف نايف : عزيز عليك ؟؟؟(ضحك باستهزاء هو ينوض لعندها و شد ليها من حنكها و قرب ليها ) انا مدرت معاك والو البارح حيت بغيتك بكااامل وعيك ( و كيطلع صبعو مع يديها ) نرجس فهمتو و بغات تقلب الموضوع و ناضت بعدت : هههه ليوما مغتخدمش نايف : سي و غنديك معايا نرجس بفرحة : لخدمتك ؟؟ نايف : اااه حيت فيما كنخليك بوحدك كديري المشاكيل نرجس : انا غنمشي نوجد ...و طارت لبيت... نايف ضحك هي مشات ضبرات في ديك الغلاقة على لبسة قصيرة بلومارين و البيض و سباط طالون كحل و طربوش بالكحل و صويك و دارت المكياج ضروري و الشعر مطلوف و خرجات كتلوى على نايف تهو لا يقل عنها وسامة هو شاف فيها دار ليها السكانير عليها عجباتو نايف : يلاه زيدي قدامي ...زادت قدامو و كتلوى لا إراديا مشيت الشيخات هادي تهو ماشي من نوع لي غيصبار و غيحرم راسو حط يدو على المسعودة و دوو صباعو على الفرقة هي تزعت و كتهبط في الكسوى : اويلي اسي نايف ايي اناريي....فلتت منو وولات غادا و تجري قدامو مكيوصلهاش باش ميقيسهاش جلسو في كافي فطرو انوسمبل و خرجو ركبو في ليموزين ديالو كوم ان ارتيست و طلعها حداه و حاضيا معاه كيبغي يقيسها كتزلك ليه هو يجرها من خصرها حداه نايف : ههه شنو دابا بغيتينا اللعب المش و الفار نرجس : مانكدب عليك نقادا لا على مش لا على فار نايف : ههه دونك فهمتيني نرجس : اش بغيتي عدي انا غا هبيلة و حق الله و منعرف ندير تاحاجة انا نصلح لزواج ايه لحاجة اخرى لا منعرفش نايف : ممم فهمت دابا نتي باغا تزوجي بيا نرجس ولات حمراا : اويلييي لااا ماشي هاكداك اويليي ....قرب ليها باش يبوسها دارت براسها طاحت ليها شي حاجة و نزلت تقلب عليها نايف : بففف دابا غتبداي تعدبيني معاك نرجس منين نزلت ماطلعت و قلبها كيضرب : الله يا ميمتي الله عادا غيخسرني و غيسفطني فحالاتي و غنوحل اميمتي اش غندير ....... سكينة و ثائر غيودعو الدوار صافي الله يجعل البركة جلسو بزاف و سمية ماشي هنا دونك علاش غيبقاو سكينة لابسة جلابة بيضة و صباط طالون بيض و ديرا زيف مخرجة الكصة و ديرا نضاضر كحلين و ثائر هاداك بلامل ندوي عليه ديما الكلاص وواقف قدام الحاج الحاج : والله يديك على خاير اسي ثوير و يديك في النجا و يجيبك في النجا و يجسو زورونا راه حنا هلك و حبابك ثائر حط يدو فوق كتف الحاج : سمع بغيتك تكون راجل معايا غضبر ليا على شي قنت هناااا غنبني فيها واحد المنتجع و بغيتك تكون راد البال معاه (الحاج تفيكسا على الضحكة من هول الصدمة و الفرحة لما مات ليهم حيت سيد تكوانسا ) و نلقا *بي غلطة صغيرة بربي تيجي هاد دوار فوق راسك واخا يلاه تهلا ....باقي الراجل اعلى حالتو ياربي غيرجع فمو ثائر مشا لطموبيل كانت سوكا ديجا جالسة تما هو طلع حداها و ديمارا لوطو و خرج من دوار و شد الطريق و من موراه حراسو سكينة : احح مسخينش بالدوار ثائر : غنبني منتجع ليك هنا تبقاي تجي ليه سكينة : اشنهو عادا منتجع ثائر : منتجع كيف غنشرحو لبك مبغينش نقولو ليك بالفرونسي بزز تالقيت سميتو بالعربية ...و عي تعنق ليه دراعو سكينة : مهما كان ربي يخلي ليا زماني و تاج راسي ثائر ابتسم ليها شوية و هي تنفض سكينة : ليوما الخميييس ؟؟؟ ثائر : وي و من بعد سكينة : اويلي على من بعد غيعمر سوق الخميس اناري دور دور ثائر : اينا سوق واش من نيتك سكينة : و تا دور وتا لما مشيتي لسوق حياتك ضيعة و تااادور لسوووق ثائر : لااء سكينة بدات تلوى : عفاك احبيبي هادا طلبي منك الله يرحم بيها الوليدين انا كندير ليك كلشي لي تبغي كتمينطني و كنمص ليك هاداك و مكنخلي مندير .. ثائر : صافيي انا غندور فين جا هاد ااسوق بعدا سكينة : تبع غاطكسيات البويض ...و كل امرو للله و دار تابع واحد الطاكسي و هي غطير بالفرحة و لكن اش غيدير واحد فحال ثائر في هاد السوق مهيم تال البارت جاي و نوصفو ليكم كيدير هاد السوق باش لبغيتو تمشيو لو نصيبو عارفينو هههه كنشجع السياحة لتم👄oumaima mega👄 🌷124🌷 وصل ثائر لباب ديال سوق بلاصة طاكسيات و الكرارس و الروينة و الغوات تما و كين غير هز ولادك و مرتك محجبة و جيبها لهاد السوق ثائر غير كيدور راسو في ارجاء المنطقة و الغيس تما و الشموشات هو غير مخدم الكليما في الاوطو الصهد بزااف كاع ثائر : متقوليش ليا غنزلو هنا ....مهدرتش معاه لقاها هبطات من الطموبيل كاع لي كانو تما ديرين كيشوفو بالسيف الطموبيل آخر ماكين و عاد لي كاردكور من موراهم و خارجا من الطموبيل قوقة فحال سكينة كيف هابطة من طموبيل و خرجات دير التنفس شحال حال هادي مجاتش لهنا ثائر مع الخرجة ديالو عفط على غيسة مشا الصباط ثائر : اووو شات وات ديس فاك دارت عندو سكينة : حبيبي مالك ثائر : والو .....كيمشي لجيهتها و كيشوف في داك المرض لي لصق لو في صباطو و البنادم غير حاضينهم شي قال راه من عائلة المليك شي قاليك راه العميد جاي الخميس زمامرة كل واحد واش قال و بلي هاديك مرت سي الوالي اودي مخلاو ماقالو الكاردكور انتاشرو في ارجاء المكان سكينة : كون خليتهم غيرتاحو ليل كامل و هما شادين العسة ثائر : خدمتهم هاديك دابا شفتي هاد السوق يلاه ...و هي تشدو من دراعو سكينة : اويلي لااا تعالى ندخلو ليييه نتا راك جبتينا غير بلاصة طاكسيات تعالى تعالى ....شداليه من دراعو و غادي هو وياها هو راه فوق النفس و لكن مكيبغي يخسر ليها والو في اخر يامو ولا يدير لخاطر هههه ماعلينا دخلو تما كان تما الخزاين القياطن و لي باش نغطيين الفوق و الغبرة و الشمش و الغواات هو داير نضاضر و كيشوف من حولو اول مرة يجي لهاد البلايص هاكا ديرين و كيعفط على الغيس و غادي و سكينة في غاية السعادة و لي داز كيطلع فيهم عينيه سكينة : غنمشيو عند الجزارة ناخدو لحيمااات نشويوهم ثائر : يلاه نديك بلاصة نقية سكينة : اتا مكين مابنن من لحم السوق زيد زيد تشوف ....دخلو لبلاصة لي فيها الكزارة كين غير القتلة تما الرجال قلدة و لابسين طابليات بيضين و عامرين دم و كيمضيو الماس و معلقين الحوالة معريين قدامهم طبييل عامر مخاخ و كبدة وقفات عند واحد في طرف سكينة : شحال هاد الكبيدة هو طلع فيهم عينو تزعزع عرفهم شخصيات مهمة عينو لمعو و ثائر غير كيشوف في هادشي و دير بيه الغبرة ثائر بحدة : سكينة هادشي مسخ سكينة : اسكت ااه لحم السوق فيه البراكة هادي راه الكرامة ديال الله تااا شحاال الكبدة الكزار : ربعالاف الكيلو سكينة : هاي هاي هاي ياكما يسحابلك حنا مركانتيين قلتي نضربهم تينقزو زيد زيد ا ثائيير ....مشات عند الثاني ثائر تبعها بالثقالة باقي صابر معاها وقفت عند الثاني سكينة : شحال الكفشة ....تعاود نفس سيناريو تانيي سكينة : واش يحسابلك حنا نازلين من طيارا راه حنا غير ولاد البلاد ثائر : سكينة براكاااا ...دارت عندو تجوبو بان ليها طلعت ليه القردة و قندش سكينة : صافي صافي ناخدو من عند هادا ....خدات كيلو كوطليط كيلو كفتة و ميلونج كبدة مخ و ربعة كيلو لحم سكينة : و عدك تكون نعجة تطحن لينا مصارنا الجزار : وايلي الالة الله يقطعني على ولادي تاهاد سكينة : و جمع جمع الحساب الجزار : خمسطاش الف سكينة : اويلي على ثائر بحدة : سكيناااا سكينة : صافي صافي جمعو لينا ....جمعهم ليها جبد ثائر خلصو و بغا يعيط على بوديكار يهزوه و هي وتكول يهزو شي حد غتهزو نتا حقا هادي هي حلاوتها نعل الشيطان و هزو مشات خدات البصلة و مطيشة ثائر : واش حنا معندناش هادشي سكينة : اوش اوش هادشي راه ديال البليدة ....تفقص بالمزيان دوراتو السوق كامل على رجليه و هاز في يدو و طالع ليه الدم و هي ناخدو الخبز ناخدو الخدرة و شافها فرحانة مبغاش يقطعها عليها سكينة : ههه دابا سالينا ثائر : اووف و اخيرا سكينة : يلاه نتغداو دابا ثائر : بيان نمشيو فحالنا سكينة : يلاه راه لقيطان ديال الشوا شوف ليك الدخاخن ثائر : واش من نيتك غنتغداو هنا سكينة : و علاش واخدين عيطة كبد و ولاسص باش نشويوهم زيد زيد نقلبو على ولد العريان هو لي كيشوي مزيان ....و غادا زيدا لجيهت لدوك القياطن هو كيحاول يتمالك اعصابو راه حطم رقم قياسي دخل معاها لداك البلاصة كين فيلم آخر ديرين طنجرات كباار عامرين زيت و كيقليو فيه الرايا و كيحطوها في الكيسان ديال بلاستيك و فوق منها كامون و ملحة و الحار و حقا داكشي كيعيف متخيلوش تعابير ديال ثائر كيف كيشوف في داكشي سكينة لقات ولد العريان سلمات عليه مع الدورة ديال ثائر و جا حداها جبد ليها يديها من يدو و دارها وسط يدو و زير هي ولات غير تقول اي اي ولد العريان غير كيشوف فيه و نظرات لي كيسيفط ليه زعزعوه الشخصية هزاتو مشا طاير وجد ليهم طبلة و حيد طريكوه كيمسح ليهم بيه ثائر قرب لودن سكينة : المرة الجايا غتمدي يدك لشي ز*ل غنطردكها ليك ...هي ترفعت مع زير ليها على يديها ولد العريان : تفضل تفضل اسيدي ....مشا الداهم لاحسن طابلة عندهم مايلا رجليها مامقادينش ديرين ليها قلع مقطع الكراسة المخير فيهم مشقوق💅الشيخة و ولد عمها 💅 👄oumaima mega👄 🌷125🌷 و تاتوالى الصدمات عند ثائر سكينة شافتو غي تيشوف و كاع لي جالسين كيتفرجو فيهم جاوهم فحال شي فيلم حيد هو نضاضر و مسح وجهو سكينة : غي جلس هنا لبغيتي نجلسو في الارض لا بغيتي راه كين الحصاير ....دور راسو لقا شي وحدين جالسين في الارض و رجليهم موسخين طلق منها و مشا جلس في الكرسي كان غيطيحو لمرة لولى حيت الكرسي مفروش ناض و شير بيه جابو ليه واحد اخر جلس فيه عادي هاد المرة و كلشي خايف منو اييه على المضهر اش كيدير في بنادم هي جلست حداه و حطات يديها فوق يدو باش يتهدن سكينة : حبيبي تهدن عفاك ثائر : جيبي هاد المرض خالينا نمشيو ....هي دارت عندهم و عاضة فمها صافي طلعت ليه دارت ليهم بعينيها يجيبو براد موايان هو غير جالس طالعا ليه .....نايف و نرجس وصلو لموقع تصوير في واحد العمارة كبيرة كلها زاج و فيها بزاف ديال الكميرات و الكراسة و ادوات تصوير و بزاف دالناس في داك الموقع خرج نايف من ليموزين هو لول مد يدو يخرج نرجس شافت في يدو مبغاتش تمدها خرجت الراسها اهم حاجة ميقيسهاش نرجس : ههه خرجت ههه ....هو رجع يدو و وزير عليها نايف : يلاه زيدي ...غير زاد قدامها و هي من موراه جات عندو وحدة هازا واحد الورقة عامرة اكتابة و كتهدر معاه و نرجس كدور في عينيها على الناس دار عندها نايف : جلسي لهيه و مديري والو نرجس : فين ؟؟؟....هو دار هدر مع لخرى بلونجلي هي عطاتو سناريو و مشات عندها بابتسامة داتها معاها لوحد البلاصة جلستها مقابلة مع موقع تصوير نايف مشا غبرر عليها و كلشي كيجري فيها و هي غير جالسة مكمدة و كتشوف كلشي مشغول نرجس : تشهيت شي جرية معاهم والله اوووف فينهو سي ناييف اوووف كيف غندير ليه نااري ناوي على خزيت هادا اش داني نجي لعندو اميمتي (هو يبان ليها نايف خارج بواحد البدلة كحلة انيقة و داير نضاضر في عينيه فحال داكشي دالإيف بي آي ) هادا سي ناييف ؟؟ ركب في وحد طيارة صغيرة وصلاتو لفوق العمارة و واحد الهليكوبطير الفوق كتصور فيه و حداه وحد خيتي قرطاسة ممثلة معروفة لابسا دوبياس و فوق منها واحد الجيلي المخرج جالس لتحت و كيهدر مع نايف من واحد لابراي في ودنو و شاشة كبيرة قدامو كيتفرج فيها و نايف لفوق في العمارة كينين شي مناسقين لفوق كيقادو لنايف واحد الحبل في كرشو رهييف مكيبانش و شاد ديك الممثلة في يدو حيدت لافيسط و تهيا مدورين عليها حبل نرجس حلت فمها في تلفازة و كتشوف الفوق كاين نايف و كيبان في تلفازة هو يعطيه اشارة باش يبداو تصوير كلشي سكت و كيشوف و نرجس غير حالا فمها هو يشد ديك الممثلة لي بين يدو و دار بيناتهم حوار بلونكلي هما يجيو وحدين من موراه كيجريو و كيغوتو نرجس ناضت وقفت هو شد ديك الممثلة لي في يدو و بدا كيبوس فيها في فمها و هي كتجاوب معاه و قربو الكميرا ليهم نرجس حلات فمها و عينيها نرجس : ولد لحرااااام ....فاش قربو ليه دوك لي كيجريو تلاح من الفوووق و باقي كيبوسها و هي تنوض نرجس تحيح مع مشافتش الخيط نرجس : وهياااا نارييي وا عتقوووووه و غيموووووت .....و لخرين زعمة كيدربوه بالفرادة و كيجيو في الجاج و كيتهرس نرجس : واهياااا العالييييي وا عتقووووووووه و غيقتلوووه المخرج بلونجلي : اش هاد الصداع كااات ( دار عندها ) شكون نتي ....و هي تشنق عليه نرجس : و عتقووو و جيبو البابية و عتقوووه و ناري مي قرب يوصل لارض هاهيا تيارة جات عتقو تيارة تيارة ....و كتنقز جات لهيليكب طير هي لي حبسات لقطة و هزاتو و نزلاتو لتحت غير هبط هو و ديك الممثلة و هي تجي لعندو عنقاتو و عينيها الدموووع و كترعد نرجس : هيء هيء بغيتي تنتاحر نتا وديك المسخة و هاد الكفرة بالله كيتفرجو المخرج : واش هي معاك ؟؟؟؟ دارت عندو : سكووووت بالكلب لاخر كتفرج فيه نايف : نرجس نرجس تهدني اييه نتا ...عيط لواحد من لي بوديكار لي معاه نايف : ديها لطموبيل نرجس : لا وتكوول رجلي برجلك المخرج : خسرات لينا للقطة دابا دااازت هاد الفترة خاصنا نتسناو تالغدا نايف : نرجس سيري جلسي في طموبيل انا غنجي عندك نرجس : هو لي حرشك عليا الشارف لاخر ياك نايف تعصب هو يغوت عليها : نرررجس صافييي سيرييي نرجس شداتها البكية : كتغوت عليا حيت خفت عليك سير سير بوس هاديك المسخة سيير هيء هيء ...و مشات مع داك البوديكار هو دوز على وجهو المخرج : دابا اش غنديرو نايف : قلب على مي تنتا المخرج : غنضطرو نسبقو للقطة الاخرة ولكن غنتسناو حتى تغرب شمس ....نايف اصلا مداها في حد مشا جلس في وحد القنت تما هو يجي عندو داك البوديكار : مسيو الانسة كتبكي بزااااف نايف ضرب الطبلة برجليه و ناض نايف : مكين تصوير ليومت المخرج : لا مستر نايف لا خاصنا نديرو اطلاق لفيلم مستر ...مداها في حد مشا لطموبيل لقاها مجموعة على رجليها و حاطة راسها و صوت البكا فيها هو يحط يدو على راسها .....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قمر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سمية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
