موضوع مهم 👌💔

74 20 23

بواسطة Roqa__10

بقلم Roqa__10

هلاووو شلونكم ❤🌷

اليوم حابه اتكلم بموضوع حيل مهم ويمكن مواضيع مو موضوع 😹💔

#(رجاءاً اقروا البارت كله 😘🌷)

مااعرف شلون ابدي بالموضوع بس يلا المهم 😹💔

احم احم .. يعني دااشوف هواي بنات وشباب يحبون 😅
بهاي فتره المراهقه وحتى اعمارهم مصار 18 سنه واذا تعاركت هيه وحبيبه 😒👐 تروح تحاول تنتحر
"بعضهم" مينتحرون صدك بس هيج لعب
جهال يحبون يسون دراما وكذا 🌚💔

يعني بعدكم عمركم صغير ابد مو مال هاي السوالف
هسه لازم انتو عدكم اهم شيء دراستكم "وشهاده "
مو حايرين بالحب وهاي السوالف التعبانه وتالي
تروحون تنتحرون علمود واحد ميسوه وميستحق
واني متاكده الي تحبوه هم شيء اكيد مراهق وهم
مثلكم مشاعره مثابته ومتخربطه لان هيه فتره
مراهقه (واوو شهل المعلومه 😒المهم غلسوا😹)..

وبعدين انتِ البنيه خاصةً
متخافين على سمعتج والناس تموت على السوالف
والمشاكل ويجوز هذا الولد الي تحبي 😒 كايل
لاصدقاءه وسمعتج راح تصير بالكاع

.. وتالي لمنتكبرين راح تضل هاي السمعه وياج وراح تتندمين
على هاي الفتره الي سويتي بيها هيج وحتى راح
تضحكين على نفسج تكولين معقوله اني جنت هيج
ف ياعمري اهتمي بدراستج ورفعي راس اهلج مو
خطيه همه يتعبون عليج ويربون وبعدين تجي
عدها علاقات وسوالف تعبانه وهمه اهلج
غير واثقين منج ومنطيج حريه وتلفون ليش
تستغلين هذا الشيء؟؟

وبعدين تروح الثقه وتروح
سمعتج وتنزلين من نظر اهلج شستفاديتي بلا
كوليلي؟

.. تقربي لربج وعوفي هاي السوالف التعبانه
وحب وانتحار ومدري شنو

.. واني بنظري ابددد ماكو حب بهاي فتره المراهقه يجوز هذا مجرد اعجاب فقط وحتى مرات
مو اعجاب لا يجوز شافت صديقاتها يحبن كالت لعد
اني ليش مو مثلهن وتروح تدورله واحد وتوهم
روحه انو تحبه لج عيني حبيبتي هذا مو حب
والقران الكريم

.. ترا لاحكه على هاي السوالف الحب
والخرابيط 😒وراح تملين منهن حتى وتتمنين ترجعين تعيشين بيت اهلج معززه مكرمه وبس نايمه وتاكلين 😹😹

.. لو صدك هاي التسوي حركات وتضحك واللبس
مااعرف شلونه حتى تعجب الولد ترا ياعمري اذا
شفتي الولد يباوعلج مو عبالج يحبج لو معجب بيج
لا يگلبي هذا بداخله ديكول شكد رخيصه هاي
وتسوي هيج وراح يحجي على اهلج هم وعلى
تربيتهم.. بس كوليلي تقبلين احد يجيب طاري اهلج
بالموزين وذولي اهلج التعبوا والي ربوا وسهروا
عليج انتِ هيج تجازيهم ☹️

.. لو الي تكول اني ظروفي خلتني هيج اسوي اوكي
اني وياج ظروف وماعندج احد تشكيله واجه هذا
ابن الناس ضحك عليج وصدكتي...يعني بدل هذا كله
مو تكولين ماعندي احد زين ربج وين راح؟ مو الله
موجود اشكيله وادعي وصلي واقري قران وشوفي
حياتج شلون راح تصير 😊🖤

مو ترحين تنتحرين والله ظروفي اني بعد مااتحمل
هاي الحياه والظروف استغفر الله ربي يعني انتِ
ظروف متحملتي ولاصبرتي شلون راح تتحملين ناررر
جهنم هاا؟😑

انتِ اذا تمرضتي لو صار بيج شيء تضلين تبجين
وتكولين شنو هاي مااتحمل الالم لعد نار جهنم
شلوووون؟؟

فكري بيه قبل متفكرين بالانتحار
وفكري بأي شيء قبل لتسوي لان هذا الشيء يجوز
راح يضرج انتِ واهلج 🌚💔
شكد حلوو لمن تهتمين بدراستج ولمن تكبرين اهلج
يفتخرون بيج كدام الناس فكري بيه من هسه شيء
حلووو مو؟ حتى انتِ راح ترتاحين لمن تشوفين اهلج
شلون فرحانين بيج 😊🌷

وهسه مو كل ساعه والثانيه اذا تعاركتي ويه اهلج لو
ويه مدري منو رحتي بسرعه جبتي الموس واسوي
بايدي 😒 ترا محد راح يخسر غيرج كبل لجهنم
لاحساب ولاشيء 😹

اتقربوا لربكم وادعوا واقروا قران لمن تضوجون
متصدكون شلون راح تحسون براحه عجيبه ❤ مو
تروحون تسمعون اغاني اذا سمعتوا همومكم راح
تصير اكثر ترا مراح تقل وحتى راسكم راح
يوجعكم(هاي اني كتلكم بعد 😹😹💔)

وبالختام اسفه ادري طولت هواي ولغيت هواي😖🤦‍♀️

وغلسوا اذا لكيتوا سحكه لو كلام عايدته مرتين 😹😹👌💔

بس المهم اتقربوا لربكم هاي كم مره كلت 😹وادعوا

وادعولي وياكم 😿😢💔

ترا ضليت نص ساعه امسح واكتب مااعرف شلون ادخل بالموضوع بس يلا الحمدالله عدت على خير 😸😹

يلا بااااي ❤🌸