جلسات طبيب نفسى

الحلقه الاولى

_يا دكتور احمد المريضه رجعت لفقدان النطق تانى
دكتور احمد:ايه اللى حصل
‏الممرضه:معرفش فجأه صرخت بعدها اغم عليها بصحيها وبسألها مبتردش
‏دكتور احمد:طيب انا هاروحلها
‏=صباح الخير
‏دكتور احمد:صباح النور يا زين اى اخبارك فى تانى يوم شغل ليك
‏زين:تمام لفيت على معظم الغرف لكن مسكونى الحاله اللى فى الغرفه205
‏دكتور احمد:مش معقول من تانى يوم ليك هتمسك الحاله دى
‏زين بضحك:للدرجاتى الحاله صعبه
‏الدكتور احمد:جدا ده انا غلبت معاها
‏زين:انت اللى كنت ماسكها
‏احمد:اه
‏زين:أنا قرأت الملف بتاع الحاله بس مفهوش حاجه مهمه غير أنها هنا من سنه
‏احمد :تعالى نروح اوريك الاوضه وهقولك واحنا ماشيين
‏زين:يلا
‏احمد بيدى الورق اللى معاه للممرضه وبياخد زين ويمشى
‏احمد:الحاله دى بقالها سنه من يوم ما جت وهى مبتتكلمش بتصرخ بس والمره الوحيده اللى اتكلمت قالت إن اسمها وتين ورجعت تصرخ وماتتكلمش تانى وفى. اتنين بييجوا يزروها مامتها وواحده صاحبتها يتهرب من حياتها بالنوم بتنام كتير ومبتحبش تسمع حد بس من كلامى مع مامتها وصاحبتها عرفت انها كانت اجتماعيه ومرحه جدا
‏زين:طب ايه اللى وصلها لكده
‏احمد:محدش يعرف وانا معرفتش اعرف
‏زين:شوقتنى أن اشوفها
‏احمد :وهى دى الاوضه
‏زين بيبص على الاوضه من الزجاج بيلاقى بنت بملامح هاديه  بيضاء وشعرها ذهبى طويل مفروش جمبها على السرير وضامه رجليها وحاضنه نفسها بأيديها ولابسه فستان ابيض
‏زين لنفسه:ياربى ملاك قاعد على السرير
‏بيخبط ويدخل الاوضه فهى بترفع عينيها الزرقاء علشان تشوفوا وزين بيص لعينيها بانبهار
‏زين:ازيك
‏وتين مبتردش
‏زين:انا اسمى زين ممكن نكون اصحاب
‏وتين هزت راسها بمعنى لا
‏زين:لا ليه طيب
‏وتين بصتله بدموع ومردتش
‏زين:طب على فكره هتشوفينى كتير فالاحسن نكون صحاب
‏وتين حطت ايديها على ودنها دليل انها مش عايزه تسمعه
‏زين:انا مش هقولك انى الدكتور بتاعك لا علشان انتى كويسه ومش محتاجانى فى حاجه ده انا اللى محتاجك
‏وتين شالت ايديها من على ودنها وبصتله باستغراب
‏زين قلع البالطو الابيض
‏زين:قلعت البالطو لانى مش هكون دكتورك انتى كويسه وانا اللى محتاجك فأنتى المفروض اللى تكونى دكتورتى
‏وتين بصتله بحيره وعملت اشاره بأيديها كأنها بتقولوا انت مجنون
‏زين بضحك:طب مش عيب تقوليلى مجنون وانا اكبر منك
‏وتين بصتله ومردتش
‏زين:انا بقى ياستى مش لاقى حد يسمعنى وانا عايز احكيلك وانتى هتسمعينى
‏وتين أشارت بدماغها بمعنى لا
‏زين بضحك:على فكره انتى رخمه كل حاجه لا
‏وتين سابته ونامت على السرير
‏زين:انتى فاكره انى كده همشى مثلا انا ارخم منك على فكره
‏وتين فضلت دقيقه مبتكلمش ومضياله ضهرها وفجأه قامت وبصتله وفضلت تعيط
‏زين لنفسه:كده طريقه كلامى تشبه لحد كان بيكلمها كده
‏زين : العياط حلو وبيريح بس مش هيفيد العياط زى المسكن يا وتين ومش ضعف على فكره كلنا بنعيط
‏وتين مسحت دموعها وبصتله علشان يكمل كلامه
‏زين:انا هكلمك عن نفسى انا اسمى زين وعندى 29سنه معنديش اخوات عندى أصحاب بس مش كتير دكتور طبعا انتى عارفه وهكملك بكره
‏وتين بصتله واشارت بمعنى ميجيش بكره
‏زين بضحك:لا هاجى ومش بمزاجك وبعدين احنا اتفقنا انك هتسمعينى
‏وتين هزت راسها بمعنى لا
‏زين :لا هتسمعينى
‏وسابها ومشى
‏وتين نامت
‏تانى يوم
‏زين للممرضه:هى صاحيه
‏الممرضه:لا من ساعت ما سبتها امبارح وهى نايمه
‏زين:هى مبتاكلش
‏الممرضه :لا احنا بنعتمد فى غذائها على المحاليل
‏زين:طيب
‏بيدخل عندها الاوضه بيلاقيها نايمه فبيفتح الشباك والنور بيدخلها فبتصحى
‏زين:كل ده نوم محدش عارف يصحيكى
‏وتين بتبصله وبتعيط
‏زين :طب بتعيطى ليه
‏وتين شاورتله انها عايزه تنام
‏زين:طب خلاص هتكلم معاكى وبعدين هسيبك تنامى
‏وتين بصتله ومردتش
‏زين:هكملك حكايتى
‏فضل زين كل يوم يدخلها الاوضه ويحكيلها عن نفسه ويقولها مشاكل عنده ويرد عليها كأنها هى اللى بتكلمه وفضل كده 6 شهور وهى مبتتكلمش وفجأه مامته تعبت وقرر ياخد اجازه اسبوع من المستشفى.
‏عند وتين
‏اتعودت أنه يدخل ويتكلم وانا أسمعه هو مريح اوى بس لو كان موجود فى عالم غير العالم ده انا عايزه اتكلم معاه عايزه اشكيله بس مش قادره خايفه يطلع هو كمان زيهم البشر مؤذيين.
‏عدى يومين وهو مجاش.
‏هو مجاش ليه اكيد زهق منى وسابنى زى الباقى ما سابونى .
‏عدى الاسبوع وبعدين جه.
‏زين فتح الستاره علشان يصحيها
‏وتين صحيت على ضوء الشمس فلاقته قدامها بصتله وبعدها عيطت.
‏زين:بتعيطى ليه كل ده علشان رجعت يعنى امشى؟
‏وتين هزت راسها بمعنى لا
‏زين بضحك:اول مره تقولى لا على حاجه عدله
‏وتين بصتله وابتسمت
‏زين بضحك:ضحكت يبقى قلبها مال
‏وتين افتكرت الجمله دى وبعدها عيطت
‏زين:كلامى بيشبه لكلام حد انتى تعرفيه صح؟
‏وتين هزت راسها بمعنى اه
‏زين:طب ممكن اعرف مين ؟
‏وتين مردتش
‏زين :خلاص مش عايز اعرف بس يلا علشان ننزل الجنينه.
‏كنت هقوم علشان زهقت من قعدتى فى الاوضه وعلى السرير لوحدى بس افتكرت أن الناس بره مؤذيين فرجعت على السرير تانى وعيطت
‏زين:انتى مش عايزه تتطلعى بره الاوضه
‏وتين هزت راسها بمعنى لا
‏زين:ليه
‏وتين مردتش
‏زين:مش هتبطلى هروب
‏وتين بصتله باستغراب
‏زين: عدم كلامك ده هروب
‏وتين بصتله ومردتش
‏زين :طيب انا خارج
‏زين لسه هيفتح الباب لكن سمع صوتها
‏وتين بدموع:مش هروب انا نفسى اتكلم بس محدش سمعنى
‏زين تاه فى نبره صوتها نبرتها دافيه صوتها رقيق
‏زين:اتكلمى
‏وتين:هما وحشين اوى يا زين وحشين البشر بره حدود اوضتى مليانين كدب وخداع ونفاق وميعرفوش حاجه عن الحب
‏زين:ليه النظره دى مش كل البشر زى بعض
‏بصوت حزين قالت:كلهم كده انا مشبهلهمش صدقنى
زين:مش معنى كده انك تهربى بعدم الكلام
‏وتين سكتت وبعدين سرحت وقالت:_مشكلتى يا زين انى لسه بحبهم ولو رجعوا هسامحهم والله مع انى عارفه انهم هيوجعونى
‏زين:هما مين
‏وتين:مش عايزه افتكر
‏زين :اتكلمى
‏وتين:مش هتفهمنى
‏زين :قولى اى حاجه انتى عايزاها مترتبيش الكلام قولى وانا هفهم
‏وتين بصوت مخنوق من العياط:عارف يا زين كنت كويسه قبل ما يدخل حياتى طب ليه كده وقالى أنه بيحبنى وهو محبنيش استفاد ايه لما كسر قلبى عارف مش المشكله انى حبيته لا علشان نسيته ومعدش على بالى بس لما شوفته حبيته من تانى وغرقت فى تفاصيله وكأنه مرض كل ما اخف منه يرجعلى
‏زين:مواجهتهوش؟
‏وتين:واجهته
‏زين :قالك ايه
‏وتين:قالى انتى متتحبيش
‏زين باستنكار :متتحبيش!
‏ولنفسه قال:ده انا حبيتك من اول مره شوفتك غرقت فى بحر الحزن اللى فى عينيكى ازاى متتحبيش
‏وتين:هو عنده حق انا فعلا متحبش حتى انا مبقتش بحبنى
‏زين:انتى تتحبى وهو اللى غلط
‏وتين:مش معقول كلهم غلط كلهم سابونى ومشيوا كلهم أجمعوا انى متحبش
‏زين:انتى  المفروض يكون عندك ثقه فى نفسك مش اى كلمه تصدقيها
‏وتين بصتله ومردتش
‏زين:وتين
‏وتين شاورت بمعنى انها مش عارفه تتكلم
‏زين:انتى بتفقدى النطق بس مش بمزاجك صح
‏وتين شاورت بمعنى اه
  وسابته ونامت علشان تهرب من العالم القاسى لعالم فى خيالها
  ‏زين طفى النور وخرج
  ‏الدكتور احمد:وصلت لايه
  ‏زين:هى اتكلمت لكن بتفقد النطق بس مش بمزاجها
  ‏احمد:قصدك أن عقلها  مش عايزها تتكلم علشان ميعدش الذكريات فبيمنع لسانها أنه ينطق
  ‏زين:بالظبط
  ‏احمد:برافوا عليك انك وصلت للمعلومه دى المهم انك متيأسش وكمل معاها للآخر
  ‏زين :مش هيأس ومش هسيبها غير لما تخرج من هنا أن شاء الله
  ‏زين لنفسه:بعالجها وانا اللى أصبحت مريض بيها
  ‏*جلسات طبيب نفسى*
  ‏*وتين*
  ‏*يتبع*
  ‏*رأيكوا اكملها ولا لا*
‏