جلسات طبيب نفسى

الحلقه الثالثه

زين بيدخل بيلاقيها نايمه بيبص عليها ويقول لنفسه:ازاى الملاك دى متتحبش ازاى يكونوا قاسيين عليها كده
بيفتح النور
وتين بتفتح عينيها بضيق
زين:قبل ما تهزقينى احنا هننزل الجنينه وهناكل هناك كمان
وتين بصتله وبعدين ضحكت
زين تاه فى ضحكتها :ده ايه القمر ده
وتين شاورتله بمعنى أنه يسكت
زين:طب يلا الممرضه هتدخل تشيل المحاليل وهتنزلى معايا
وتين شاورتله بمعنى لا
زين:متخافيش هكون معاكى
وتين استسلمت ووافقت
دخلت الممرضه ووتين لبست فستان وردى جميل وفردت شعرها الذهبى الطويل وخرجت لزين.
زين انبهر بجاملها وهى جت ومسكت ايده وهو بص لايديها اللى محاوطه ايده بخوف وبعدين سرح فى جمال عينيها وفاق على صوتها الرقيق
وتين بدموع:انا خايفه يا زين
زين بابتسامه :من ايه
وتين:مش عارفه
زين :خايفه منى
وتين:لا يا زين انت شخص جميل بس انت جتلى فى وقت غلط
زين:وقت غلط ازاى
وتين: وقت انا كارهه الناس فيه وقت انا كارهه حتى نفسى ابصلها عارف يا زين هما خلونى اكره انى ابص فى المرايا خلونى اشوف نفسى وحشه مع انهم هما اللى سابونى مش انا هو انا للدرجاتى متحبش؟
زين:قولتلك انك تتحبى انتى ليه شايفه الجزء الوحش من الناس ليه مشوفتيش الجزء الحلو
وتين بدموع:علشان كل اللى فى حياتى وحشين
زين:طب هما وحشين ليه انتى واخده فكره عن نفسك انك وحشه
وتين: هما مش هيسبونى من فراغ
وصلوا الحديقه وقعدوا
زين:كلى
وتين:لا مش عايزه
زين:مش هتفضلى عايشه على المحاليل يعنى
وتين بدموع:ارجوك مش عايزه
زين :طب اشربى العصير
وتين :حاضر
سكتوا شويه ووتين سرحت وبعدين بصتله وقالت:انا بس كنت محتاجه حد جنبى يازين ليه كلهم مشيوا معقول من كل الناس اللى فى العالم دى ملاقيش حد يحبنى؟
زين:طب وليه متقوليش إن كان فى حد بيحبك وانتى سبتيه ومشيتى
وتين:انا لو لقيت حد واحد بس بيحبنى هتبت فيه لكن انا اصلا متحبش
زين لنفسه:انا اهو عشقتك ازاى بتقولى على نفسك متتحبيش وانا حبيتك من اول مره شوفت فيها عينيكى
وتين:زين
زين :نعم
وتين وقفت ومسكت فستانها وقالت:هو انا حلوه
زين بص لشعرها اللى محاوطها وعينيها اللى بلون البحر وقال:قمر
وتين:طب يعنى هو ليه محبنيش أو ليه كدب عليا أنه بيحبنى يعنى استفاد ايه لما كسر قلبى انا بس كنت عايزه اعرف هو متعبش من التمثيل حتى بعد ما سابنى مثل دور الغلبان وان انا اللى جايه عليه كان ممكن يقولى أنه محبنيش مش لازم يطلعنى انا اللى وحشه فى الاخر
زين: هو كان لازم يعمل كده علشان بيهرب من نفسه ومن ضميره
وتين:طب انا ذنبى ايه
زين:ملناش ذنب يا وتين الحب صعب واحنا لازم نستحمل مش من اول مشكله نقع
وتين بصتله وقالت :عارف يا زين كان كل مره يسيبنى ويغيب وبعدين يرجع تانى ويتأسف وانا اسامحه بسهوله بس المره دى غيابه طال وانا لسه مستنياه علشان يتأسف طب حتى يرجع وانا اللى هتأسف بس يرجع
زين اتنهد بحزن وقال:وانتى عندك امل أنه هيرجع
وتين بدموع:انا عارفه أنه محبنيش بس يرجعلى حتى لو محبنيش انا موافقه
زين :للدرجاتى
وتين شاورت بمعنى أنها مش عارفه تتكلم
زين:تحب نطلع فوق
وتين هزت راسها بمعنى اه
طلعوا الاوضه وهى نامت على السرير
زين :هتنامى من دلوقتى
وتين هزت راسها بمعنى أه
زين:طيب سلام
زين طفى النور وخرج من عندها وهو حزين الدكتور أحمد شافه
احمد:مالك يا زين
زين:كويس
احمد:لا فى حاجه هى وتين كويسه
زين:اه هى كويسه
احمد :طب حالتها بتتحسن
زين بشرود:حالتها واقفه ومش بتتحسن هى مستنياه يعود
احمد:هو مين
وتين:اللى هى حبته هو صدمها وهى مش قادره تفوق من الصدمه وعايشه جوه أحلامها على امل أنه يعود
احمد:لمعه عينك وانت بتتكلم عنها مبتقولش انها مجرد مريضه
زين بحزن:حبيتها وبقيت انا اللى مريض بيها
*وتين*