صعدت فوك لغرفتي
بلكوات نمت اليل
كله افكر بداهم كل هل حب يحبني
شلون راح ازوج واكدر اسعده
وأني ماحبه....
بلكوات يلا غفيت....
كعدت الصبح عل صوت امي...
ام محمد... يلا رفولتي ماماتي كوومي
هاا ماما شكو من صبح
ام محمد... ام أدهم اتكول لازم اروح لسوك
علمد انجهز التجهيزات الملابس والذهب
يلا گومي
ماشي ماشي كايمه...
كمت رحت للحمام غسلت وطلعت بدلت جبه
لان اكيد مراح يقبلون اطلع بل
بنطرون....
نزلت جووه صبحت عل كل
طبيت من يم غرفه أدهم
شفته واكف عل ميز ويحط عطرر
بسرعه نزلت جووه
ام أدهم... اي رفل هم يالله اروح نشتري ذهب
وملابس
اي خاله
بالمختصر طلعنه لسوك اشترينا انواع الملابس
اتراكسودات وكلبيات لان ماعدهم جوه
يلبسون اتراكسود بس للغرفه اوووف
ماعرف شلون راح اعيش وياهم
المهم اشترينا الذهب نازك وحلوو.....
طلعنه من سوك وخابرت خاله ام أدهم عل ادهم
يجي ياخذنااا.....
اجه بسياره ولبس مناضر ولشماخ ولعكال
بصراحه كولش نضيف.....
ماعرف ليش بس يفر بسبحته يمكن هاي
عاته....
خاله صعدت يمه واني وامي
ليوره...
أدهم.... الله بلخير تعبتو بسوك
خاله... الله بلخير وبلعافيه يايمه
لا يايمه لازم الواحد يتعب هذا
تجهيز عرس
چااا اذا ماتعب لشيخ الزلم المن اتعب
بأس يدهاا....
خله الجامه عليه...
ماهتميت ضليت من جامه اباوع...
وصناا للبيت بسرعه نزلت وصعدت للغرفه...
مرت ليام وروتين عادي وادهم عنده افصول
اهوايه وكعدات....
اجاا يو الحنه واني الخوف ياكل بيه اكل
رحت لصالون اني وامي
لبست بدله اجنن ماروني واني بيضه وتسريحه
نص ونص برم....
واجه ابن عمي اخذناااا لبست كبووس
وصناا للبيت
كعدت بل غرفه يم الديوان
بنات عمي كامن يركصن بس بنات عمي رشيد
حزنانات عل اختهن لماتت...
شغلو اغاني وزينب تركص وكوموني اركص....
ركصت علمودهم ماريد هم يحسون بضوجتي
لان حيل يحبوني...
امي حنتني وكامت تبجي....
واني بجيت...
ماشفت أدهم بره يحنو امسويله بديوان وبره
وعزايم انرس الشارع وديوان...
بعد ششيخ عشيره...
خلصت الحنه صعدت فوك ابدل
وكاعد للبلكونه اباوع اخر يوم الي وحدي
بعد اليوم أدهم راح يشاركني حياتي
ماعرف ليش خايفه منه...
يمكن لان عيشتهم تختلف لان بعد هسه
مو خطار عدهم راح اصير مرت ابنهم جنتهم
يـــتــبــع....❤️❤️❤️❤️
بليززز صوتوو عل قصه علمود انزل بارتات
احبكم 💓💓💓😘
