حواديت عشق

اسكريبت3

-مريم صاحبتنا خطوبتها النهارده ولازم نروحلها
=تمام هعدي عليكي بعد ساعتين كده اكون اتغديت ولبست ،، مش عايزه اقف هه
باستني من خدي -اتفقنا ياقلبهاا
مبحبش الافراح والدوشه بصدع وبمل بس مرام عايزه تروح الفرح و كمان مريم صاحبتنا ف كان لازم اروح حتي لو ساعه بس ،، لبست ورنيت عليها
=يلا يازفته نا نازله اهو
-فسوه بس وهجيلك
=اما نشوف يابتاعة الفسوه سلام
نزلت وقفتني ف الشارع كالعادة ،،واحد جي يستظرف
-اي الحلو واقف لوحدو ليه
مديت شوية عشان بعدت عنو عشان لو لفيتلو هلطشو ،، منك لله يامرام عيله بارده لما تنزلي بس ،، لقيتو جاي تاني ،، الحيوان ده مش ناوي يغور بقا
-طب بما اني لوحدي وانتي لوحدك متيجي نجمع اللوحدتين مع بعض
انسان قذر انت اللي جبتو لنفسك ،، لسه بلف عشان اهزءو لقيت واحد جاي يجري من بعيد لابس شيك اوي ورافع شعرو والبرفيوم بتاعتو فوحت الدنيا جميله وهاديه حبيتها ،، متعصب جامد وعروقو بارزة -ملكش دعوة بيها دي اختي
-اختك بجد !! انا اسف يااستاذ علي
-يلا اتفضل من هنا ومتدايقهاش تاني
-انتي كويسه ياانسه ،، عملك حاجه الحيوان ده
=هه انا كويسه شكرا
لقيت مرام جايه تجري وهو لف ضهرو ومشي
-انتي فينك كل ده مش قولتي واقفه تحت البيت ،،
=....
-يابتت انتي متنحه كده ليه ومين الشاب المزز اللي كان واقف ده
=انتي تخرسي خالص بتقوفيني ف الشارع دايما واحد دايقني وده ساعدني ،، اسمو علي قمرمر اوي
-طب يلا ياختي عشان اتأخرنا
وصلنا القاعه ،، شكلها جميل اوي 
=مرام يلا نبارك ل مريم ،،
=الف مبروك يامريم ياحببتي عقبال الليله الكبيره
وبلف وشي عشان ابارك للعريس اتصدمت !!! هو !! احمد ده ولا انا متهيألي !!! ايوا هوا ،، لقيت مرام بتبصلي بصدمه وشدت ايدي ودخلنا الحمام انهارت
-اهدي ياهاجر اهدي
=اهدي ازاى ده بيخطب صاحبتي قدامي ،،
-وهو اشعرفو انك بتتنيلي تحبيه يلا نمشي عشان ماحدش ياخد بالو
اخدتني ومشينا ،، مكونتش شايفه قدامي بعيط بس وهيا بتهدي فيا ،، احمد معيد ف الجامعه بقالو سنتين بيدرسلي ومن وقت ماشفتو ونا وقعت فيه ،، لا مش وقعت دانا غرقت ،، وصلنا البيت وطلعت معايا
=راح مني يامرام
-مانتي عارفه انو مش بيحبك وكان لازم يحصل ده ف يوم
=كان عندي امل يحبني ،، انا بحبو مش هيلاقي حد يحبو قدي
-انتي تستاهلي احسن منو فوقي بقا
صرخت =مش عايزه احسن منو انا عايزاه هو ،، انا بحبو هو انا اولي بيه
بصتلي وبهدوء سحبتني لحضنها ،، انا كنت محتاجه الحضن ده جدا ،، فضلت اعيط اكتر من 3 ساعات وهيا ساكته مبتنطقش لحد مانمت علي كتفها سحبت نفسها بالراحه وغطتني وخرجت
-هاجر نامت ياطنط ،، ياريت حضرتك تتصلي بيا وتطمنيني عليها لما تقوم انا هفضل جنبها ومش هسيبها لحد ماتخرج من اللي هيا في
-ربنا يكرمك يابنتي مش عارفه اشكرك ازاى ،،
-ده واجبي ياطنط هاجر اكتر من اختي ،، يلا عن اذن حضرتك الوقت اتأخر ولازم امشي
عدي اسبوعين وانا علي نفس الحاله اقوم اعيط وانام النهارده قومت اصلي يمكن ارتاح شويه فضلت اعيط لحد ماانمت من التعب
فتحت عيني لقيت ماما بتلعب ف شعري ابتسمت وغمضت دموعي نزلت لقيتها شدتني
-ممكن كفايه بقا قومي هننزل نتمشي ع البحر شويه
=مش عايزة ياامي انا كويسه
-بقول قومي يلا
لبسنا ونزلنا نتمشي ،، ماما عارفه اني بحب البحر جدا وبحب اقعد احكيلو لوحدي
-هطلع الشقه احضر الاكل وانتي متتأخريش
=حاضر ياماما
طلعت وسابتني انا والبحر ،، حقيقي بيننا عشق والله ،، انا بتكلم معاه واعيطلو واهدي ،، كل مااتخنق بروح افضفضلو بحس اني مرتاحه قعدت ع الارض اعيط جامد وابص للسما واقول يارب واكمل عياط لقيت حد بيخبط علي كتفي
-مش كفايه عياط بقا
الصوت ده مش غريب عليا ،، ماديتوش اهتمام ومسحت دموعي ولفيت وشي وجايه امشي لقيتو مسك الشال بتاعي ،، اتعصبت ولفيت
=انت مين سمحلك تمسك ال...
ببص لقيتو علي !! الولد اللي ساعدني لما اتعاكست ف الشارع ،، بلعت ريقي
=استاذ علي !! بعد اذنك
بس من كتر العياط حسيت اني دوخت ومكونتش شايفه قدامي
-حضرتك كويسه ،، اسندك !!
لسه هرد محسيتش ب نفسي ،، فتحت عيني لقيت ماما وعلي واقفين قدامي وفي كانيولا ف ايدي
حاولت اتعدل لقيتو قرب عليا
-اساعدك
مستناش ارد عليه وسندني وحط المخده ورا ضهري
=هو اي اللي حصل
-ابدا اغمي عليكي وحاولت افوقك ماعرفتش ،، شويه ولقيت مامتك جايه تجري قلقت عليكي عشان الوقت اتأخر جبناكي هنا وطلبنا الدكتور وهو ركبلك الكانيولا وحطلك مهدء في المحلول وقال متزعلش تاني ولو زعلت نديها علي قفاها عشان تسمع الكلام
ابتسمت =شكرا
-شكرا بعد اي بقا انا اتفزعت عليكي جدا وشلتك واتصلت ب الدكتور وف الاخر تقولي شكرا !! انا ماشي ياست
مسكت ايدو =طب اشكرك ازاى
-يبقي ليا شكر عندك بقا وهاخدو بعدين
مفهمتش بس ابتسمت وسيبت ايدو لما لقيت ماما قفلت الباب ورا الدكتور و جايه تجري تحضنني
-حمدلله علي سلامتك
ابتسمت وبوست دماغها
-احنا مش عارفين نشكر حضرتك ازاى يااستاذ
-علي اي ياامي انا عملت واجبي عن اذنكو
=رايح فين خليك اتغدي معانا
بصيتلو-عندي شغل ياصغنن لازم امشي ولاهترفد
=خلي بالك من نفسك
ابتسم-حاضر
ماما وصلتو للباب ومشي لقيتها رجعالي وبتغمزلي
-مين الشاب العسل ده يابت
=احم ماعرفوش والله ياماما بيجيلي منين ،، دي تاني مره يساعدني فيها ،، ماعرفش عنو غير ان اسمو علي
-والله في الخير ،، طب هقوم اجيب الاكل عشان نتغدي
مبطلتش تفكير وبقيت اكلم نفسي عليه كمان ومعنديش اى تفسير للموضوع غير انى اتهطلت ،، علي ملاك بينزلي من السما و كل مااحتاجه بيساعدني
بتت فوقي انتي لسه خارجه من مصيبه اتهدي كده ،، بس هو يتحب الصراحه ،، ابتسمت لما سمعت ماما بتقول لمرام تدخل قمت جري وحضنتها
-سلامتك ياجميل اتصلت باامك اتطمن عليكي حكيتلي اللي حصل ،، وانا طالعه لقيت الواد اللي ساعدك يوم الخطوبه نازل ،، قولت هو ده اللي ساعدك تاني ،، حكايتو غريبه والله ،، ظهر فجأة ف حياتك
ابتسمت=جاي ف وقت غلط خالص
-بقولك اي بقا تنسي احمد وزفت الموضوع انتهي ،، هو مش ف دماغو شوفي نفسك وطنشيه بقا ،، عارفه انو صعب عليكي بس لازم تحاولي وانا جنبك وطنط
سكتت غمزتلي وكملت -والاستاذ العسول جنبك كمان
خبطتها بالمخده =بتت اتلمي
-ايواا بغير
=بغير اي اتنيلي بس
-هو اسمو اي صحيح
=علي او ملاكي عادي مش فارقة كتير
-السناره غمزت باين
ابتسمت وسكتت ،، عدي اسبوعين كل يوم مرام تييجي ونهزر ونضحك عايزه تخرجني من اللي انا فيه وف يوم كنت بنشر الغسيل لقيت علي واقف بيبصلي غمزلي وابتسم ومشي ،، حسيت انى فرحت بشوفتو ،، كان فى حاجه جوايا بتجذبنى ليه بس كنت دايما بصدها بخوف
-هاجر في عريس جايلك
=عريس مين بس ياماما دلوقتي
-استاذ علي يابنتي قال انو عايز يقعد معاكي
مانكرش ان قلبي ابتسم بس مينفعش دلوقتي
=علي !!
-قال انو جاي النهارده
علي انسان كويس جدا واهم حاجه فيه انى لما بحتاجلو بلاقيه من غير مااقولو اني محتجالو ،، دايما ف ضهري وبيسندني اينعم مااتقابلناش غير مرتين بس انا لما بشوفو بتطمن ،، قومت لبست ولقيت الباب بيخبط
-اتفضل يااستاذ علي يابني
=شكرا ياامي
-هناديلك هاجر ،، خرجت ماما ودخلت انا قعدت
-مبتنزليش ليه
رفعت راسي ،، ده مراقبني بقا=مليش نفس
-ولما اكون عايز اشوفك اعمل اي ،، اقف تحت البلكونه كل يوم واستني سعدتك علي ماتحني وتخرجي ،، مانا مش روميو عشان اعمل كده
ابتسمت وبصيت ف الارض
-بقالي كتير بشوفك وامشي وراكي عشان اتطمن عليكي مكونتش عايزك تشوفيني بس لما كنت بحسك محتاجاني بجري عليكي اصلي بخاف عليكي جدا بقالي كتير بدعي بيكي ،، عارف انك بتحبي بس ...
=كنت ،، دلوقتي مفيش
ابتسم-مفقدتش الامل وفضلت ادعي بيكي ،،
رجعت بصيت ف الارض
-عارف ان الوقت مينفعش بس انا عايزك تفكري كويس وانا مش مستعجل ع الرد ،،
ابتسمت =ربنا يقدم اللي فيه الخير ،، عن اذنك ،، خرجت ،، استخرت وحسيت اني مرتاحه بس مرديتش ،، خايفه اظلمو او اكون اتسرعت ،، دعيت لو ليا خير فيه ربنا يبعتلي علامه ويساعدني ،، قررت انزل اروح البحر ،، لبست ونزلت
-حححاااااسبببببيييييي
لقيتني ف حضنو بصيتلو ف سابني علي طول
-اسف
كنت بنهج ف مرديتش
-اهدي ،، طب مش تخلي بالك افرضي قلبي وجعني دلوقتي لما انتي عارفه ان الطريق سريع مبتنتبهيش ليه
ابتسمت وبصيتلو=موافقه
-وحياة امك
ضحكت جامد=وحياة امي
-طب هاتي الشكر بتاعي بقا
رفعت حاجبي=شكر !
-ايوا ،، فاكره لما اغمي عليكي وقولتلك هاخد شكري بعدين
=اااه افتكرت ،، عايز اي
غمزلى -هنعدي الشارع واقولك حاسبي تاني كإنى بنقذك وكده
بصيت ف الارض=بعد كتب الكتاب
-ع البركه

#شغابيط_جوجو