أيار مشت المدرسه و نهت علاقتها بمحمد وسيرين وبدو الامتحانات تبعهم
ايلين مشت ل أيار باش يقرو جميع لانهم متعودين ديما هكي
ايلين: مش ملاحظه شي ناقص أيار
أيار: زي شن
ايلين: شي شي بلاش
أيار: خيرك شن ف ناقص تبي حاجه تاكليها وجهك صحيح و تعرفي المطبخ وين
ايلين :ههههه تفو عليك باهي لاكن لا لا مش هكي قصدي بلاش مش مهم
أيار :اهااااا فهمتك قصدك سيرين
ايلين: اي
أيار :اسمها معاش نبي نسمعها فاهما
ايلين :انتي يلي قلتي تبي تعرفي شن
أيار: باهي لازم نركزو ف الامتحان ايييي حقااااا مقلتلكش
ايلين :شن بتقولي
أيار :سر
ايلين: انتي أسرارك ف بطني و أسراري ف بطنك تكلمي شن
أيار: به ياه هبله بعد ما تطلع النتيجه متعنا انا ح نخدم انشالله
ايلين :الله
أيار : والله
ايلين :ف شن
أيار: شن دخلك
ايلين: ف شن يابارده
أيار: المستشفى دوره تدريبيه
ايلين: باهي باهي كويس انشالله تصقتي باش متدخدميش
أيار: امين اجمعين
ايلين :باهي تخدميني معاك
أيار: طبعا لا
ايلين: اووو يا وجه الفقر اصلا انا ارقي من نخدم ف مستشفي
أيار: يااااي يلي يسمع حق مش ع أساس ف العطله كنتي تخدمي ف محل بوك
ايلين :من قالك انتي
أيار :باش قلتي أسرارك ف بطني أو بطني ف أسراري
ايلين :ياحماره اسراري ف بطنك أو أسرارك ف بطني 😂
أيار :غير مهم
ايلين: مهم
أيار: به سكري فمك أو حلي المسأله
ايلين لا
أيار امووووورك
ايلين به
قرو أيار و ايلين جميع أو جي يوم الامتحان
جت التقسيمه أيار أو ايلين جميع
أيلين :خوووووشي حطونا جميع
أيار: انه الحظ يا اختي الفقر
ايلين: اي والله لحق حظنا مليح اول مره يوقف معاي مع انه انا وجه فقر
أيار ههههه الحمدالله يلي اعارفتي
لاكن ماهو معاك اني هادا علاش
آخر يوم ف الامتحانات ......
ايار :اسمعي ايلين عندي خطه شيطانية و نعرف انته قدها
ايلين: شكر شكر
ايار: بجدايات اسمعي كانك بتخشي معاي خل نقولك كان متبيش ارقدي
ايلين: يودي منخش منخش............. اصلا انا معروفه عليا هاديه لاكن شن مندير من يوم صاحبتك نقلبت شيطان رجيم
ايار: باهي سكري فمك و اسمعي
ايلين: شكرا ع الاهانه
ايار: به شوفي باش سبوع يلي فات الفقر هديكا شرت هاتف و جايه تتفلح بيه هني
ايلين: من قصدك سيرين
ايار: اي يعني من غيرها
ايلين: به شن ناويه اديري
ايار: انا شريت احسن منه امس
ايلين: الله وريهولي توه
ايار :شوفي
ايلين: انشالله ينكسر محلاه
ايار: فالك ف جعلالك
ايلين: يودي نبصر نبصر صراحه حلو بكم
ايار: شن دخلك شن بفلوسك مانا
ايلين: به سمحنا
ايار؛ 580
ايلين: شييييييت تخيلي كم نص شاورما كنت تقدري تشري بالفلوس هما متفكريش انتي..... اما احسن شورما سخونه من المطعم ولا هاتف ينكسر مايقعدش
ايار :اللهم الصبر
ايلين: امين باهي شن الخطه
ايار: منقولو للأساتذة انه ف طلبه يصورو باش ينهضو الهواتف قبل منخشو لامتحان طبعا مندير روحي تلميذه نشطه أو منخش نسأل الأستاذ ع حاجه و نشوف وين بيدسو الهواتف بعدين لما نطلعو من الامتحان نقولك ع باقي الخطه
ايلين: به خلينا نمشي نقولو لل الأستاذ
ايار: هي تعالي
...................................................................................
مشو ايلين و ايار لاستاذ عبد الكريم
استاذ عبدالكريم نائب مدير صاحب بو ايلين ويحب ايلين هلبا و يحسب فيها بنته لانه ربي مرزقاش بصغار
ايلين: السلام عليكم
ايار: شاده روحها من الضحك
عبدالكريم: وعليكم السلام لولو كيف الحال
ايلين: والله لبخير وانته أو عمتي عائشه
عبدالكريم: والله لكويس الحمد الله
ايلين: كويس دوم انشالله
ايار معاش قدرت نشركت ضحك
عبدالكريم: خيرها صاحبتك هبلت
ايلين: تنخس ف ايار وتقولها سكري فمك حشمتينا
ايار: معاش قادره من ضحك
عبدالكريم: خيرها
ايلين: اعذرنا عمي عبدو لاكن صحبتي هبله هلبا مدورهاش
..................................................................................
طبعا ايار تضحك لانه اول مره تشوف ايلين محترمه وسلام عليكم أو حستها انسانه ولت فجاءه تحولت لبنت مؤدبه
...................................................................................
ايلين :عمي عبدالكريم نبي نقولك شي مهم جدا
عبدالكريم: تفضلي بنيتي شن تبي قولي
ايلين : ف من الطلبه يصورو أو خايفه يصورو صوره ليا ولا لايار الهبله و ينزلوها ولا يديرو بيها حاجه
عبدالكريم :منهم هادو
ايلين: نقدرش نقو
ايار: سيرين ........
شافتلها ايلين باستغراب
عبدالكريم :باهي خلاص ولا يهمك توه نديرلها حل
ايار :عمي عبدالكريم ننصحك تاخده منها توه لانه بعدين لما تخش الامتحان مش حطعتيهولك بتقولك انا منصورش خودها منها توه و قول خايفين من الغش
عبدالكريم: خلاص تم ولا يهمكم به
ايار و ايلين: شكرا
...................................................................................
ايلين :علاش قلتي اسم سيرين مفروض قلتي طلبه أو خلاص
ايار :أمور لكبار مدخلكش فيها
ايلين :به المهم تو شن بديري
ايار: نستنو لن يمشو ينادو الفقر ولا ينادوها
ايلين: به
بعد 10 دقايق سمعو صوت الاستاذ عبدالكريم ينادي ف سيرين
ايار : اهو ينادو فيها
ايلين: به بري نفدي خطه متعك
ايار :تعالي هي
مشت ايار ورا سيرين أو بالفعل سلمت الهاتف متعها أو لما جايه موليا رقت هاتفها الجديد أو قتلها يامريضه موتي 😂
قتلها سيرين أو هيا متكبره افففف: قصدك الشكلات المريضة منقرضتش
ايار :موتي انتي أو الباقي او ينقرض أو فاتتها
مشو ورا استاذ أو عرفو وين دسه
ايلين بتاخدي الهاتف توه
ايار اس .....يكمل ف الجزء القادم
بلاهي عليكم تفاعلو أو اكتبو تعليقات ولا اي شي صراحه تفاعل ميت بليييييبز
أنت تقرأ
حب ما بعد الخيانه
Romanceالقصه بلهجه ليبيه تروي ع بنت حلمها من وهي صغيره تكون دكتوره والاكن ف فتره الاعداديه وثنويه حبت بس كان كله كدب وكرهت الحب وركزت ف الدراسه وحلمها أنها تكون دكتوره اما بنسبه للبطل فهوا مر بنفس ظروف البطله ولاكن قدر يخليها تطيح ف حبها وحتعرفو تفصيل اكت...
