عاشكته❤ +18

27

عشق.. جبل انته الخربت كلشي حلو ابيناتنه

جبل.. يعني هسه مترجعين وياي موو

عشق.. تحلم ياشيخ

جبل.. اهاا هين يلعشك يعني اذكرتيني شيخ

عشق.. حجة كلماته وطلع واني افور هلكد ممعصبه طلعت من الاستقبال شفت بابا بوجهي باوعتله نضرت حزن وعفته ورحت

مرت ايام وهوة حار شدز علمود يرجعني دز اهله وعمامه وشيوخ وسادة واني عندت

جبل.. حرت شدزلهة ومقبلت مقبلت اخر شي هاهيه ذليت نفسي الهة هواي واني شيخ هاي اخر مرة وراح ترجعين غصبن عليج ركبت سيارتي وتوجهت لبيت ابو عشق وصلت كعدنه بصاله اني وابوهة وامهة

اني تعبت هلكد مدزيت وادم ومارضت يا عمي وهسه اريد احجي وياهة كدامكم وهاي اخر مرة راحت امهة اصيحلهة شويه ودخلت

عشق.. دخلت بس ابد مباوعت عليه

سلام عليكم

جبل.. وعليكم السلام كعدي عشق وهاي كدام اهلج احنه ناس عشاير وتعرفين القانون ميمشي علينه وهسه انا اكلج لان تعبت ترجعين ابيتج خيرن ع خير مترجعين بس تولدين ناخذ ابنه لان احنه ميتربه ابنه بعيد علينه وهسه اخذ قرارج وكليلي

عشق.. بقيت صافنه رفعت عيوني بعيونه وبلكوة حابسه دموعي  كلت بس ياشيخ هذا ابني شلون تريدني اعوفه هاا وتعرف اكدر آخذة بلقانون

جبل.. هاا قانون كلتي ترة اني اكدر اسحبج ابيت الطاعه بس اكول ماريدهة تنذل وهسه ترجعين وتربين ابنج بحضنج لو بس تولدي تنسين عندج ابن

عشق.. لك حرام عليك والله وأشهك وابجي طبعن لك انته ليش هيج اتحب اذيتي هاا شمسويتلك اني منو الشك بمنو احجي

جبل.. هذا اخر كلام تجين اهلا وسهلا متجين ابني الي

عشق.. مسحت دموعي وكمت وكفت بوجهة ماشي يا شيخ راح ارجع بس بشروط

جبل.. اي اسمعج

عشق.. معاملتنه اني وياك تبقه رسميه ومتلمسني ابدد راح ارجع بس خلي ابالك علمود ابني وبس فهمت

جبل.. فاجئتني بلشروط لان مستحيل اتحمل بس كلت اني اخليهة اسامحني ماشي واني قابل

وهسه روحي جيبي غراضج وبدلي دنروح

عشق.. عفتهم وطلعت بهدوء ألم الملابس بلجنط واني ابجي ضحيت علمود ماعوف ابني اني ام ميصير اصير انانيه

طلعت اسحل بلجنط شافني جبل اجه أخذهم وصعدهم بسيارة

رحت ع بابا بسته هوة ماما وكتلهم ادعولي ارتاح ابحياتي وتستقر

ابو عشق.. انشاءالله بنيتي وخلي شي ابالج اني وراج وبضهرج يبعد ابوج احنه ماعدنه غيرج

ام عشق.. حبيتي ماما عود طمنيني عليج ابنيتي

عشق.. عفتهم وطلعت لكيته راكب ودينتضرني باوعت بعيونه احس نضراته غريبه نضرت انتصار وندم ولهفه صعدت واني ساكته
شويه وكف يم مطعم كال هسه اجي نزل اورة شويه اجة وجايب عشه صعدنه توجهنة للبيت وصلنه نزلت وجبل نزل الجنط طبينه اتفاجئو بينه

رحت سلمت عله عمي

ابو جبل.. معدله وبنت اجاويد ابنيتي

عشق.. توجهت لعمتي سلمت عليهة وبفرحه كلتلي

ام جبل.. نورتي بيتج حبيبه

عشق.. شويه ونزلت رونق شافتني وجتي ركض حضنتني

رونق.. يرووحي والله اشتاقيتلج

عشق.. واني اكثر والله

وراهة تعشينه وتعللنه وصعدنه فوك تقريبا بلوحدة بليل

جبل رئسن نام لان باجر عدهم فصل بغير محافضة
شويه ومر الوقت اشتهيت زيتون حامض كمت احوص عليه😂
نزلت جوة شفت بلثلاجة ملكيت اووف كمت امطك طعم الحموضه بحلكي.ههه صعدت باوعت عله جبل اووي شسويله تقربت عليه اصحي جبل اكعد جبل

جبل.. نايم واحس عشق ادكعدني رئسن كمزت شبيج حبيبي ايذيج شي

عشق.. جبل مشتهيه زيتون حامض حباب روح جيبلي ماعدنه جوة

جبل.. صدك تحجين ولج ساعة بلثنتين منو امفتح هسه

عشق.. رئسن بلجمت اريد ابجي اني شعليه هوة ابنك يريد ترة احك وجهي وصير بوجهة زيتونه

جبل.. هههه طفله والله كايم اشوفلج يدلل ابني وام ابني

عشق.. بتسمتله طبعا مصلحة علمود الزيتون هههه خطيه نزل ورة تقريبا ساعه اجة لاكي وجايبلي اتلكيته بلباب جبل وين الزيتون

جبل.. عله كيفج هاذا جبت اخذته مني ورئسن فتحته اتخبل صايرة كامت تاكل

عشق.. الله شكد طيب

جبل.. عله كيفج راح تغصين

عشق.. اطمن ماغص وصدك غصيت كمت اكح اجاني ركض شربني مي وكام يضرب ع ضهري شويه هديت باوعت عليه انتبهت وين يباوع مو مدنجة واكح فطالع من صدري باوعت عليه ورفعت حاجبي هوة انتبهة اتنهد بحسرة وعافني وراح

#ريماس العامري