الاسم :الاء
وعندي اسم ثاني عادي تصير بارقى العوائل بسبب عدم الاتفاق عل اسم
اللقب:ام غايب
قصة اللقب جان الواتباد بأسم الاء زوزه بالشقه غيرته واني ممنتبهه ونزلت قصصي بالفيس بأسم ام غايب اجتني رسائل من متابعين قدماء الي واتصالات من خواتي كالو منزلين قصتج بأسم ام غايب سارقيهه
جان العينتين زوزه كالت مو اني مسميتج ام غايب بالواتباد ومن ساعتهه صار لقبي ام غايب وقصه طويله لكن هذا مختصرهه
العمر/٢٤سنه
الحاله الاجتماعيه :متزوجه
التحصيل الدارسي :خارجي
اول سنه امتحنت ادبي ومدبرتهه
الثانيه علمي نجحت وبمعدل ضعيف
اكلتي المفضله :الباچه
لوني المفضل:كل الالوان الغامقه
الطبع/مزاجيه
ابتسامتي مستحيل تفارق وجهي وخاصه اذا جنت تعبانه ومقهوره
المهنه:خياطه +كاتبه +رسامه مبتدئه
_الخياطه فقط لنفسي
-والكتابه احسهه مغذي الي تسحب كل الطاقه السلبيه الي بداخلي
_قناعتي بالحياة هي كما تدين تدان
ومستحيل الكذب يستمر
هدفي بالحياة :ماعندي هدف محدد احب اجرب كلشي
ما اركز على شي معين
ستايلي/احب اللبس المبهذل
وخاصه عندي بالبرد اخلي الجواريب فوك البجامه اذا مسويت هاي الفقره مستحيل ادفه 🌚غير احجيلكم الصحيح مااغشكم
صاحبة اراده قويه بكلشي اخلي ببالي
احب التمثيل ومن اني طفله اتخايل نفسي ممثله واسوي ادوار
بس حتى مطرحت هاي الفكره على اهلي 😁لان اعرف ميقبلون
ومازلت امثل الدرجة مره جانت قريبتي يمي. سألتني كالتلي جنتي تحجين ويه منو ....خوفتيني
كتلهه اني احجي ..كالت اي والله ...كتلهه متوهمه انتي
خوما اطلع روحي مخبله واكلهه صحيح
المهم كامت تخاف تجي يمي 🤭🤭 وناس طلعو عليه سمعه راكبني جن
بس والله اني احب امثل😭
قصصي المفضله /تسأليني -ولكم يعيوني شكد قريت قصص بس هاي القصه موضوع أثرت بيه هواي
قصصي بالتسلسل :.
الاولى :اغتصبني اخو حبيبي حقيقيه ممزوجه بالخيال
الثانيه :حكم شهاب ...حقيقيه
الثالثه:سجينه في المنزل ...حقيقيه
الرابعه/الوهم ...حقيقيه تخلو من اي اضافه
رعب لكن فادتني
الخامسه /حكاية زمزم
السادسه/تجربه قاسيه
هذي القصه حقيقيه لكن هواي سمعت انتقادات عاديه
هذي القصه تجسد الواقع فقط لذلك نهايتهه معجبت الاكثريه
السابعه/صرخات غير مسموعه....حقيقيه
الثامنه/القاصرة وذو الشعر الابيض ...قيد الكتابه
وبعد ما تكتمل راح اغير اسمهه الي المتشرده
لان اختيار الاسم عفته للبطله وواجهت بسببه انتقادات كثيره
