مساءكم سكر يعيوني
الاول مره راح اشاركم يوم من يومياتي
كعدت الصبح موجوعه شويه لا والله نكدر نكول هواي
اخذت مسكنات هود عليه الوجع شويه
بس الانسان بطبيعته من يخلي باله يم شي يبقه يفكر بي يعني مع العلم خف الوجع بس بقه عقلي مشتغل انو اني موجوعه
بقيت الوب وحايره شسوي شسوي قريت شويه قرآن خف الوجع غمضت عيني مكدرت انام همين
بقه قافل عقلي ويفكر بالوجع
كلبت بموبايلي دخلت للواتباد باوعت بالقصص الي بمكتبتي وانترنت جان ماكو والايفون مزعج
بفقره ميحفظ غير بس قصتين
ومن حسن الحظ جنت رافعه بالمكتبه قصة الكاتبه المبدعه مريم السعدي
الي هيه عسل الانتقام
بلشت بيهه وحدث وره حدث يجرني ويجذبني
وميهلي ابد اعوفهه وانوب بدو الضيوف يجون
وعيب الزم موبايلي وهمه جايين علمودي
بحيث اني هسه كل شويه استرق نظره
وصلت للبارت ال٢٠بأجمل احداث
يعني مريم مبدعه هالكلمه قليله بحقج
القصه تنگط احاسيس
يعني بدون زعل وكل الكاتبات مبدعات بس ماكو كاتبه تلحكهه باحاسيسهه من تسرد القصه
احييج يا ملكة الاحساس
القصد من نشر يومي هذا اولاً اشكر بي مريومه على ابداعهه واتغزل بأناملهه
وثانياً اكول الكل انسان من تشوف نفسك تعبان او عقلك قافل على شي لتستسلمله وحاول تشغل نفسك بأي شي تحبه وانصح بقراءة الكتب مو شرط تكون قصص اكو كثير من الكتب التعليميه الي تساعدك بهواي امور
🌹🌹🌹🌹🌹🌹😍😍😍🌹
وبالاخير احبكم يعيوني
وانصحكم تقروهه يعيوني
