سُندت على كتف ادم
حواء المياحيہ
الجزء الاول
……………
ماما غنوة شوكت تكعدين مو الاذان اذن وانتي نايمة يا امي كومي ذكري ربج وصلي صلاتج ولاتخلين الشيطان يحلي النومة بعيونج الحلوات
غنوة: هسا ماما ولله كايمة بس شوية
هناء: ياماما من بديت اصلي عما خلصت وانتي هاي حجايتج دكومي يلا لتعبيني خل اروح اسويلج ريوك
غنوة:خوش اذا هيج الحجي كايمة لعد
راحت ماما تسوي ريوك واني اتجددت و وكفت اصلي بين ماخلصت تسابيح عطت ريحه الجاي بكل البيت يرد الروح بالشتا شهر ديسمبر اخر ايام السنه وراح يجي الكرسمس وكلنا فرحانين بي و الجو بارد كولش بس مابي مطر هواي ينكث قليل
كعدو الجماعه كلهم اخوتي وبابا ونسوانه كعدن
نجمعنه كولنه ع سفرة وحده
وجانت هاي عادتنا الريوك الصبح الساعه 6 ملتمين ع السفرة كلنه
و ماما دائما هي التحضر الريوك جيف تكعد من وكت للصلاة و دائما غنوة بوجه المدفع اول وحده تكعدها امي محد ملتزم بصلاته غيرنه اني وماما وبابا مرات امي تلح ع اخوتي يصلون يصلولهم جم يوم ويگطعون ف بس احنه النكعد من وكت وعلينه الريوك الصبح نسوي دوم والباقي نتشارك بي
كعدنا لتمينه ع سفرة وحده
خلصنا اكل كامن ينگلن الماعين واني صعدت انزل الهدوم ابويه كال بيها مطرة اليوم
طبعا هوا جذب الجو صح مغيم بس مابي مطر ذاك الكد بس هوا يتحجج علمود ميطلعنه بليلة راس السنه يستحرم منها. ولايكولك احتفال بعيد ميلاد نبي الله عيسى ابن مريم (ع)
بابا كلش متدين ويخاف الله بهيج شغلات بس ماراد يكسر بخاطرنه وطلع حجه بالمطر والزلگ
صعدت اني ليفوك والضوجه تقرا فول امشي واطوطح عود ضايجه وكلساع اركع روحي بالحايط واكولة دوخر انته الثاني ماناقصتك انوب انزل بالهدوم من اوصل لهدوم بابا اشمرهن حيل بالسلة عود اخذ حقي منه خلصت الهدوم واحنا ماشاء الله عائلة شكبرها وكومة هدوم مغسولات وثكال جيفن شتوية اشيل بالسلة وماكدر انهضها بعد محاولات قررت انحني واشيلها ع ضهري ماشفت كدامي وغير طباااا نجفيت ع وجهي والهدوم فوكاية ماهتميت وعادي نمت بنص الهدوم اعيط بقهر واحبس صوتي بالهدوم من داكوم ماسمع غير واحد يكولي اسم الله اسم الله ويطفر من صطحهم لصطحنه عزا. هنا الفشلة يبو انوب جمدت اطرافي بعد ماتحركت من شفته عبر علينه شبي مخبل لو شافه واحد شيكول انوب مالابسة حجاب لا يربي صارله ساعه يباوع عليه بلا حجاب عزا العزاني
اتقرب من يمي ومد ايدة يريد يكومني نفضت ايدة بسرعه وكمت اصرخ بي
غنوة:هي انته منو وشعدك طافر ع صطحنه ومتستحي ماعندك خوات شنهي حرامي بيوت متخاف يلگفك واحد هسا
محمد:ولله مو قصدي بس شفتج وكعتي ع وجهج وماكمتي كلت خاف صارلج شي ولله نيتي صافيه مبالي شي ثاني غير اطمأن عليج
غنوة: ياعشتو عم وليد خال بنيه وتطمئن عليه اوكع انكسر احترك اموت انته شعليك شدخلك بيه وكعتهم واذا ماوكعت شصار قابل شفادتك طفرتك هسا تروح منا لا اصيح ابوية عليك
محمد:وكبر شبيج انهديتي بيه زين ماخاف عليج صوجي ولله طبج طوب
غنوة:دروح منا يلا وكبر الي يكبرك
راح الولد ديعبر ع السطح وجان اعيب بكفاه
هوا دار وجهه عليه شافني دا اعيب شو هذا غمني وطفر كبر ولايكلك رجال شطولة شعرضة زعطوط يكرم الله نزلت راسي دا الم الهدوم الطاحن ماحسيت غير ع ابوية يدفرني بخاصرتي هنا جمدت والدم الي يمشي بشراييني وكف عبالك حجار ولاتحركت اشوفه يحجي بس ماسمع بس صفير باذني وغواش عيوني بلكوة اباوع وبطني تمردني بالالم مدري من الخوف مدري من الرفسة اباوع عليه يحجي ويفرفح وياشر بايدية ومافتهم شكو اخير شي جزع من الكلام شاف سكوتي زادة شراار وغضب وزادن رفساته اليه و يضربني وين اليوجعن كفخات ع راشديات ع رفسة ع تملخ حسيت روحي تطلع واباوع امي واكفة من بعيد تبجي وتلطم وتدك بوجها
شو هاي امي نزلت ليجوة عن نظري يعني صرت اباوع عليها كانما فوك جبل واكفه ماحسيت غير ابوية يشلني ويركعني للكاع وامي طفرت بوجهه و نسوانه يجرن بي واني شبه فقدت اجو اخوتي شالوني لغرفتي وطلعتهم عمتي رسل وزلگطت الغرفه لايجفتنه بابا انوب امي ساعه تصحيني ساعه تلومني ساعه تكلي شجابج ع هاي السوالف وانتي العاقله وساعه تكفخني وعمتي تحاول تهدي بيها تكولها لتزيدين عليها
رسل: هناء بروح ابوج كافي فوك عتاب انتي انوب المسكينه شتصير بدال متوكفين وياها
هناء: وج خيه يا مسكينه نزلت روؤسنه بالطين تريد تلعب ع حل شعرها وهي بكد جف الايد هذاك اليوم صارت و جايه تحب وتتمعشك فوگ السطوح
رسل: ياخيه بدال متفهمين السالفة تجين تهمين بتج وتاكليها لحم فاطس يجوز مامسوية شي يجوز عدها عذر يا حبيبة صلي على محمد
هناء:وج لتخبليني يا عذر ولحم فاطس غير لكفناها واكفه وياه. بالسطح و شفناه من طفر وغمها اي من عمه العماج يغمج ع هاي التربية والاخلاق تنزلين راس اهلج بالطين وتبيعين روحج وتغضبين رب العالمين في سبيل واحد يسب اهلج ع تربايتج الماعاجبته الشريف اي ولله نستاهل الغم من شكو سرسري وادبسز اذا تربايتنه طلعت هيج جا شنفرق عنهم مصاحب بنيه بت بيت وتگابلة فوك السطح وتغافل اهلها ورايحتله مفرعه يا شرف خلته بتي وج خيه هذا جيل مينگدرلة مستعجلة ع الزواج وتريد رجال من هسا تدور حبجيات باجر لا كبرت شتسوي
اخخخخخ يوجعتي بيج اخخخخ يا كسرت وجهي ويا شماتت الماتسوة بيه ولله الا تاكل بيه لحم فاطس هاي رحاب ولله شتحجين انتي اخخخ
غنوة
هنا يلا فتهمت الموضوع وشصاير ولله مفتهمين غلط ولله دافعت ع نفسي ومارخصتها ولله غلطت عليه وطردته وردت اصيح ابوي ولله. فاهمين غلط يربي شصار بيه اني شسويت بنفسي وشصعدني اخ بوية اخ بطني لحكيني يمةة
جزء من الاحداث القادمة …
بوية ولله مامسوية شي الله عليك لتظلمني بروح ابوك بروح صلاتك وصومك بس اسمعني بوية الله عليك ولله تكدر تحجي وي الولد وتساله اذا يعرفني لو بيني وبينه شي ولله بوية ماعرفه وتراب مكه ماعرفه
عتاب: اي بوية هاي هيه راح احجي وي الولد اليوم كال يجي هوا واهله و يحجون بموضوع الزواج حتى لاتبين السالفه ولا. يحجون علينه العالم و ينبشون بعرضنه خل استر السالفة واطم عاري
…
أنت تقرأ
سُندت على كتف ادم
ChickLitتدور الاحداث حول شابة نصف عذراء تربت في بيت تآسره العادات والتقاليد لا يقبل ان يتعرى صيته على شفاه الجهلة ليترك قطعة منه خارج جدرانه لتسلك طريقها وحيدة في مجتمع فارغ الجوف ...
