الفصل الخامس والعشرون
اهو وصلتك لحد باب البيت تعالي ادخلك
مي: متشكرا روح انت خلاص
كريم: امممممممم مش عايزاني ادخل يعني
مي: ايوه
الوقت متاخر وكفايه ان بابا سمح انك توصلني بعد ازنك
.................
بنتي بنتي يا دكتور مالها
دكتور: بنت حضرتك اتعرضت للضرب من شله شباب الحمدلله ربنا نجاها كانت هتموت
ابو مروه: مين دول بس يارب وعايزين ايه من بنتي
دكتور: احنا لازم نبلغ البوليس لان اظاهر الضرب دا مقصود في حد عايز يموت بنتك
ابو مروه: بوليس لا يا دكتور احنا ناس علي قد حالنا ملناش في المشاكل والمحاكم
بنتي تقوم بالسلامه وهحطها في عيني
دكتور: براحتك يا فندم بعد ساعه تقدرو تطمنو عليها
ابو مروه:شكرا شكرا جزيلا
دكتور:دا واجبي بعد ازنك
........................
اتاخرتي كدا ليه يا بنتي
مي:اسفه يا بابا مش هتتكرر تاني
سالم:مي لو اتكررت مفيش شغل
مي:حاضر يا بابا انا هطلع انام تصبحو علي خير
ساره:وانا كمان معاها تصبحوعلي خير
..........
في صباح اليوم التالي
في شركه الهواري
كريم: صباح الخير يا ندي
ندي: صباح الورد استاذ كريم
في اجتماع جه فجاه انهارده هيكون الساعه واحده بعد الضهر بلغي يحيي وحسام واللي معاهم
ندي: امرك يا استاذ كريم..
اهلا اهلا بكريم بيه
كريم: ازيك يا بابا
الهواري: عاش من شافك
كريم: ربنا يديك الصحه والعافيه يارب انهارده في اجتماع بخصوص الصفقه هيكون الساعه واحده
الهواري: عارف
كريم: هروح اراجع ورق الصفقه تاني مع يحيي ومي قبل الاجتماع بعد ازنك
الهواري: اتفضل
.....................
ندي: استاذ يحيي في اجتماع انهارده الساعه واحده
يحيي: غريبه جه فجاه يعني
ندي: ايوه
يحيي: بخصوص ايه الاجتماع دا يا ندي
ندي: مش عارفه انا هروح ابلغ استاذ حسام
يحيي: اتفضلي
مي: جرا ايه هو اول مره يحصل اجتماع مفاجاه كدا
يحيي: ايوه
مي: خير ان شاء الله
كريم: صباح الورد
يحيي و مي: صباح العسل
كريم: يحيي جهز ورق الصفقه عشان هنراجع عليه
وتعال علي مكتبي انت والانسه مي بسرعه
يحيي: حاضر يا استاذ كريم
......................
ندي: استاذ حسام في اجتماع انهارده
حسام: تمام يا ندي بس بخصوص ايه
ندي: مش عارفه
حسام: طيب انا رايح ل كريم
ندي: تمام بعد ازنك
ساره: في ايه
حسام: في اجتماع انهارده ممكن يكون بخصوص صفقه كبيره للشركه
ساره: طيب تعال نروح عند كريم نتاكد
تن تن تن تن
ساره: روح انت يا حسام هرد علي الفون واجي وراك
حسام: ماشي
ساره: ايوه يا حبيبي عامل ايه طمني عنك
.........................
اهو يا استاذ كريم ورق الصفقه
كريم: تعال يا يحيي اتفضل اقعدي اتفضلي يا استاذه مي اقعدي
ندي اندهي علي حسام وساره
ندي: استاذ حسام جاي دلوقتي عند حضرتك
تق تق تق
كريم: ادخل
حسام: ازيكم يا شباب
كلهم كويسين
حسام: صفقة اي دي صح يا كريم
كريم: هقولكم فين ساره
حسام: جايه حالا بتتكلم فون
................
الحمدلله يا قلبي انتي عامله ايه وماما عامله ايه
ساره: كلنا كويسين والدكتور قال ان ماما هتطلع هتطلع في اقرب وقت
_كويس وانا نازل كمان شهر يا ساره وهقعد معاكم عالطول
ساره: ربنا يخليك لينا وميحرمناش منك ابدا
_يارب يا حبيبتي
ساره: سلام دلوقتي عشان عندي شغل
_ربنا معاكي ويوفقك.... يلا سلام هبقي اكلمك بليل
...................
تق تق تق السلام عليكم
كلهم: وعليكم السلام
كريم: تعالي يا ساره اقعدي
بصو يا شباب دي صفقه مع شركه في امريكا ومهمه جدا بينا الصفقه دي هدوووووم عالطول يعني هيكون في اتحاد بين شركه الهواري وشركه جونسون
صاحب الشركه او النائب بتاعها مش هيجي عشان شويه مشاكل هناك هيحلهم وهيجي وهيبعت مكانه متحدث وانهارده اجتماع صغير بينا هنتفق فيه علي كل حاجه تمام 👌
كلهم: تمام
كريم: تقدرو تتفضلو دلوقتي والاجتماع الساعه واحده بعد الضهر ان شاءالله
حسام: تعالي نخلص الشغل اللي معانا يا ساره
يحيي: سلام عشان الشغل عندي كتير يلا يا مي
مي: تمام اتفضل وانا جايه وراك
وبعد خروج الكل
مي: مالك يا كريم في حاجه حصلت مزعلك
كريم: وهو لا ينظر لها لا مفيش
مي: انت متاكد
كريم: ايوه متاكد اتفضلي علي مكتبك دلوقتي
مي: حاضر يا كريم بعد اذنك
وبعد خروج مي
كريم يحدث نفسه اااااااه يا قلبي كل ما حاول انسي الماضي ارجع افتكرو تاني تعبان في غيابك يا امي تعبان اوووووي الله يرحمك برحمته الواسعه ويسكنه فسيح جناته ويرحمك يا ريم كنتي بعد امي احن شخص عليا بس اتاكدي مي هتخليني سعيد وانا هحاول اسعدها بس هي تفتحلي قلبها
.....................
ياتري مالك يا كريم اول مره تتعامل بالاسلوب دا يارب تكون كويس يارب
يحيي: مي ركزي معايا
مي: تمام......
وبعد الاجتماع بساعات متواصله من العمل حان موعد الخروج
مي: يلا يا ساره عشان نروح بابا هيضايق لو اتاخرت تاني
ساره: تمام يلا بينا
حسام: طب استنو اوصلكم
مي: مش هينفع تاني يا حسام
حسام: ليه طيب
مي: قصدي يا استاذ حسام
حسام: مي مالك عادي مش هتفرق كتير حسام من استاذ
مي: اديك قلتها مش هتفرق
يلا يا ساره
ساره: سلام يا حسام
حسام: سلام
...........................
ماما هي مروه جت انهارده
عزه مامت عادل: لا يابني
عادل: ولا اتصلت حتي عشان تطمن
عزه: برضو لا يابني انا حاولت ارن عليها تلفونها مغلق
عادل: ان شاءالله خير يارب
السلام عليكم
ازيك يا باشا اومال فين بقي وعمالي فيها بطل
ازيك يا عادل وحشتني والله
عادل: ازيك يا يوسف وحشتني اوي
وانتي يا داليا ازيك
يوسف وداليا: كويسين
عادل: ماما دول يوسف وداليا صاحبي وصحاب مروه
اومال فين مروه يا يوسف بنرن عليها كتير مش بترد والفون مغلق
ينظر يوسف وداليا لبعض
عادل: في ايه انطقو مروه جارلها حاجه
يوسف: مروه في المستشفى يا عادل
عادل: انت بتقول ايه
...............
اومال فين مي وساره يا حسام
حسام: روحو من بدري
كريم: وليه مش وصلتهم الجو ليل
حسام: مي رفضت
كريم: اه
حسام: مالك زعلان من ايه ياصاحبي
تعال اقعد
كريم: مي تقولي مش هينفع نقرب من بعض اكتر من كدا وكل شويه بفتكر امي وريم
حسام: ربنا يعينك يارب
.................
ومين الشباب دول ويعرفوها منين
يوسف: والله منعرف يا عادل الجو اكيد كان ليل وبنت ماشيه لوحدها
داليا: خلاص بكرا تجيلك ست ستها ولا تزعل نفسك
عادل: مش هتجوز غير مروه
امي بكرا خدي اذن من الدكتور اني اخرج انشالله يوم هروح البس بقي مروه دبله حتي ونبي يا امي
عزه: حاضر يا بني حاضر
اديني يا بني يا يوسف رقم مامت مروه اتكلم معاها
يوسف؛ طبعا يا طنط
كاد داليا ان تموت من الغيظ
داليا: كويس انك كويس يا عادل سلام
.......................
في صباح يوم جديد يوم ملئ بالمفاجآت
ماذا سوف يفعل كريم مع مي
وحسام مع ساره
وهل سوف تسكت داليا ع خطوبه عادل ومروه
انتظرونا
أنت تقرأ
فقيره في عالم الاغنياء (رومانسي) مكتمله
Romanceوعندما يجتمع الحب والمال معا ماذا سوف يفعله المال امام الحب وماذا سوف يفعل المال أإأذأإأ كان حبيبه فقيرا وماذا يفعل أإأذأإأ كان شقيقه يهين حبيبه روايه فقيرا في عالم الاغنياء بقلم ياسمين محمد
