عشق الحاضر والمستقبل

بارت....٨

وهذا البارت لااختي الحلوة فوفه😍

اشتاگيت وحگ،،،
العافيه الماضلت
بلياك،،،💔

قيس،،،اليوم المشيه مال الزلم الوالد الله يخلي لم شيوخ العشيرة وخوالي وسعد هم راح ويانا هوة اخويه الماجابته امي واخذنه خوش مشيه ورحنه لبيت ابو نغم

ريم،،،،،، اليوم مشيه الزلم والعقد انجبرت اروح ولازم امثل اني فرحانه ولازم افرح لاابن عمي ههه اوووف شلون يردوني افرح وميدرون روحي جاتنسحب مني ع بطيئ واني اتخيله بكل مرة يعني راح يلزم ايدهة ويبوسهة من جبينهة ويشاورهة وتضحك بخجل وراح يتوج اصبعهة بحلقتة ياااربي اختبار كولش صعب حسيت ع امي تصيحني

ام ريم،،،،، ريم يلا راح نتاخر

ريم،،،، اي ماما اجيت بعدهة باوعت ع نفسي بلمرايه وانطيت لنفسي نضرة اعجاب بفستاني البينصل البنفسجي ضيق وجاي قالب ع جسمي ومكياجي الترابي وتسريحة شعري رفعت نص بماشات ونص خليته نازل ع ضهدي ومبروم من النهايه رشيت عطر واخذت فوني ونزلت

ام ريم،،،،، ماشاء الله بنيتي عين الحارة باردة يوم الاشوفچ بي عروسه

ريم،،،،، ماااريد اتزوج اريد ابقه يمج وبوستهه

ام ريم،،،،، فدوة لبنيتي يلا ماما خل نطلع

بعدهة توجهنة لبيت عمو وصلنه ومن نزلنه من التكسي شفت قيس واكف بلباب هوة وسعد يربي هالشخص كتله جمال وجاذبيه جان لابس قاط اسود وقميص ابيض ورافع شعرة

قيس،،،، بيوم العقد بدلنه ونزلنه بلباب بين ميلتمون الزلم،، ونروح جانسولف اني وسعد وطبگت تكسي بلباب نزلت منهة مرت عمي وريم،،اويلي لابسه بنفسجي والشعر مفلول واصل للخصر والجسم منحوت نحت وتتمخطر حضرتهة سلمن واني اريد انزل عيني مااكدر حسيت ع مرة عمي وهيه تگولي

ام ريم،،،،،قيوسي شونك عيني بلمبارك يمه والله فرحتلك من كل گلبي

قيس،،،،الله يسلمج خاله،،، واني عين عليهة وعين ع هالبلوة الواگفه كبالي عاد طبن للبيت ونوب التمو الزلم وتوجهنة لبيت خالتي

نغم،،،،،، اليوم المشيه والگطعان المهر مالتي رحت للصالون سوتلي مكياج خفيف لون وردي ودخاني وتسريحة  بسيطة ولبست فستان ذهبي وبي خيوط فضي وصلو الزلم وطبن النسوان  خالتي وغزل وعمات قيس ومره عمه وبتهة ريم بنيه حليوة ملتقيه بيهة من قبل بس ع كد السلام بس لمحت نضره حزن بعيونهة ودموع ترفض تنزل ياربي بس لابالي صح،،،،،نوب اجتي خاله باوستني وهيه تكولي

ام قيس،،،،ماشاء الله بنيتي گمر طالعه

نغم ،،،تسلمين خاله عيونج الحلوة بعدهة كالو راح يعقدون كومني خالتي وامي خللي كرسي يم باب الستقبال وبدة الشيخ يقرة وقيس يردد وراه ونوب اجه دوري سألني الشيخ وجاوبت ب،،

موااافقة

بعدهة رجعوني المكاني وكالو قيس شويه ويدخل

ريم،،،،، طبينه لاهل العروس وشفتهة گاعدة ومبينه عليهة متوترة طالعه حلوة ونازگه بس حقدت عليهة ونوب اجوي كالو راح يعقدون ومن سمعت صوته يردد ورة الشيخ وينطي الموافقة اتمنيت اصرخ بكول صوتي واگوله لا قيس انته الي مو الهة محبيت اكمل وطلعت بلحديقه ورة البيت،،،
بجيت بكول حرگه گلب وانهضمت ياربي ليش هيجي ديصير ليش من طفولتي واني اتعذب اول عذاب من رب العالمين يتمني واخذ بابا ونوب قيسس،،، گدام عيوني ديضيع مني وأني موگادرة اسوي شي،،صحت بعالي صوتي اخخخخ،،

سلامتج من ال اخخخ،،،حجاهة بصوت مخنوگ اي هوة صوته ياربي معقوله جااتخيل رفعت راسي وشفته واكف وعيونه حمر ويباوعلي بنضرة ماعرفت افسرهة نضرة حب لو شفقه لو ندممم،،، توجهت عليه واني اگوله

ريم،،،، قيس مب،،روك كلتهة واني اشهگ نغم تستاهل بنيه حبابه وخلوقه بس،،،،،،،،، كلتهة واني اباوع بعيونه محبتك بگدي ولا راح تحبك لان الحب الي بداخلي صعب تلگه مثله صدگني بعدهة عفته ودخلت جوه طبيت وشفتهم يدگون ويرگصون وفرحانين تمنيت اموت بهل يوم

قيس،،،،،،كملنه العقد وطلعت برة وشفتهة لريمي تبچي ومن انهضمت وگالت اخخخخ،،،اويلي سچاچين وطعنت گلبي ومن حچت ويايا ☝️وباوعت بعيوني اتمنيت احضنهة واگللهة الي بداخلي بس حسبت حساب للفضيحه بسس،،نغم وخالتي وحتى ابوهة واخوانهة ميستاهلون اسببلهم احراج صحاني من صفنتي احمد اخو نغم الچبير وهوة يگولي يلا نسيبنه سويتلك مجال تفوت تلبسون الحلقات بتسمت بوجهة ومشيت ورا

نغم،،،، اجوي الجهال گالو سوو مجال راح يطب قيس اجتي مرة اخويه احمد عدلتلي مكياجي وشعري بعدهة طب قيس باسني بجبيني والنسوان استلمونه هلاهل وچكليت فشخوونه الله وكيلكم😁 بعدين خاله جابت علبة الذهب فتحهة ولبسني الحلقة والسوار بس غير النضرة والابتسامه الهادئه مشفت شي ونوب التفت لخاله وگللهة

قيس،،،، يمه انتو لبسوهة باقي الذهب ونوب لتفتت واجتي عيني بعين ريمي واگفه ع صفحة ومكتفة اديهة وتباوعلي وكانو تكولي بعيونهة لا،،، لتلبسهة بعدهة نغم لبستني الحلقة وجابو الكيك والشربت واستلمنه النسوان وكل وشرب ومن هالسوالف المتخلص ياربي النسوان شگد يدققن بلتفاصيل بعدهة سلمت ع نغم وباركتلهة وطلعت يم الزلم شويه وصحنه النسوان ورجعنه للبيت

ريم،،،، اوووف شگد تمنيت اني اكون بمكانهة يعني هسة هيه حست بدفو ايدة يعني هم صارت كهرباء بجسمهة من لمسته مثل متصير ويايا وهم ريحة عطرة دوختهة مثل مدوخني ووو،،

بعدهة صاحو الزلم ورحنه للبيت عمي مخلانه نرجع گال تعشو يمنه وقيس يوديكم،،،،،،،يتبع