شجرة حياة ❤❤

Part 3

في ظل الظلام القاحل والساعة تدق علي التانية عشر مساءا تنهض تلك الفتاة صاحبة العيون الحمراء من كثرة البكاء وهي لاتقئ علي الوقوف علي قدميها مش شدة الضرب والبكاء متحدثة بنبرة متحشرجة بسبب بكائها

حياة{وهي تبكي}:انتي كنتي اخر حاجة ليا هنا اخر حاحة ربطاني بالمكان ده انا مستحيل اعيش هنا تاني بعد كده 

<لتودع ذلك المكان كاتم اسرارها المستمع الوحيد لآهاتها وبكائها المرير كل يوم>

"في منزل سالم السوهاجي"

جهاد{راكضة في اتجاه اختها الكبيرة محتضنة اياها بدموع}:حياة انتي كويسة؟؟.....حياة ردي عليا ....طب انتي فيكي حاجة ؟؟؟....حياة ارجوكي ردي

<ولكن هيهات لتلك الفتاة التعيسة التي عاشت وذاقت ما يجعلها حزينة بما يكفي>

¤لم تستمع لها حياة بل اتجهت الي خزانتها ثم بدأت بجمع تلك الملابس التي تملكها في حقيبة سوداء كبيرة¤

جهاد{بخوف بدأ يسري داخلها}:حياة انتي بتلمي هدومك ليه؟؟؟؟!

حياة:لازم امشي قبل ما يصحي هروح اي حتة المهم اختفي من هنا 

جهاد{بفرح}:طيب وانا هاجي معاكي هروح الم هدومي وجاية حالا

حياة{بجمود}:جاية فين ؟؟؟؟؟!

جهاد{بخوف}:ج...جا...جاية معاكي ان...انتي اكيد مش هتسبيني 

حياةيا ريت كان ينفع بس للاسف مش هقدر 

جهاد{وقد بدات بالبكاء}:لا والنبي متسبنيش والنبي انا مش هتعبك 

حياة:ومدرستك؟!

جهاد:قدميلي في مدرسة تانية 

حياة:صدقيني مش هقدر لاني مش هقدر ادمر مستقبلك انا مش هسيبك كتير انتي عارفة اني خلصت جامعة وهدور علي شغل في اي حتة وهخدك وقتها  بس مش هقدر اخدك دلوقتي 

<قالت تلك العبارات وهي تتجه اليها لكي تحتضنها لكن.......>

جهاد{وقد ابتعدت عنها}:لا انتي بتكدبي عليا امشي ي حياة امشي وسبيني انا كل يوم اتعذب هنا انتي الوحيدة الكنتي بتحميني منه كنتي حما ليا ودلوقتي انتي هتسبيني وهو كل عصبيته من هروبك هتطلع عليا انا وانتي هتتهني في المكان الهتهربي فيه صح ؟؟؟؟؟

حياة{وقد بدات تبكي وهي تتخيل اختها في تلك الحالة}:لا والله هحاول اخدك اول ما هتصحلي فرصة اني اخدك هخدك والله وهقدملك في المدرسة الانتي عوزاها وبعدها تدخلي الجامعة الانتي عوزاها

جهاد{بعدم اقتناع وثبات}:انتي كدابة امشي ي حياة امشي وسبيني لوحدي خلاص انتي اول ما هتخطي خطوة واحدة بره باب البيت ده انا هنساكي وهعتبرك موتي