ابي _عذابي_ومآساتي

ابي _عذابي_ومآسآتي

ﺍﺑﻲ_ﻋﺬﺍﺑﻲ_ﻭﻣﺄﺳﺎﺗﻲ _

# ﺍﻟﺤﻠﻘﺔ _21_
🇮🇶🥀🇮🇶🥀🇮🇶🇮🇶🥀🇮🇶
ﻭ ﺣﻴﻦَ ﺃﺷﺘﺎﻕ ﺇﻟﻴﻬﺎ
ﺗﺘﻐﻴﺮ ﻣﻼﻣﺤﻲ , ﻭﺍﻗﺴﻮ
ﻋﻠﻰ ﺍﻟﺠﻤﻴﻊ ﺩﻭﻥ ﺫﻧﺐ ‏) - ️♥
🇮🇶🥀🇮🇶🥀🇮🇶🥰🇮🇶🇮🇶 🥀
ﺍﻡ ﺣﺮﺏ ... ﻳﻤﺔ ﻣﺸﻮﻓﻴﻬﺔ ﺷﻠﻮﻥ ﻭﺍﻛﻔﺔ ﺷﻠﻮﻥ ﺗﺮﻭﺡ
ﺍﻟﺤﺠﻴﺔ ... ﺷﻨﻮﻭ ﺷﻠﻮﻥ ﺗﺮﻭﺡ ﻏﻴﺮ ﻫﻴﺔ ﻣﺮﺕ ﺍﻟﺸﻴﺦ ﺟﺎﺳﺮ ﻻﺯﻡ ﺍﻭﻝ ﺍﻟﻌﺎﻟﻢ ﻫﻴﺔ ﻫﻨﺎﺍﺍﻙ ..
ﺳﺎﺭﺓ .. ﻫﺰﻳﺖ ﺑﺮﺍﺳﻲ ﻋﺎﻓﻨﻲ ﻭﺭﺍﺣﻦ ﺍﻧﻲ ﺑﺎﻟﻜﻮﺓ ﻭﺍﻛﻔﺔ ﺻﺤﻴﺢ ﺷﻮﻱ ﺗﺤﺴﻨﺖ ﺑﺲ ﺑﻌﺪﻧﻲ ﺗﻌﺒﺎﻧﺔ ﻣﺎﻛﺪﺭ ﺍﻭﻛﻒ ﻫﻮﺍﻱ ﺍﻟﺪﻭﺧﺔ ﺑﻌﺪﻫﻲ ﺑﻴﻪ ﻭﺭﺍﺳﻲ ﺻﺪﺍﻉ ﻛﻠﺶ ﻗﻮﻱ ﻭﺍﻟﺮﺟﻔﺔ ﻣﺘﻬﺪﻧﻲ ﺭﺣﺖ ﻟﻠﻐﺮﻓﺔ ﺩﻭﺭﺗﻠﻲ ﻉ ﺩﺷﺪﺍﺷﺔ ﺳﻮﺩﺓ ﻣﺎﻟﻜﻴﺖ ﻻﺯﻡ ﺍﻟﺒﺲ ﺍﺳﻮﺩ ﺍﺣﺘﺮﺍﻣﺄ ﻟﻠﻤﻴﺖ ﻣﺎﻟﻜﻴﺖ ﺑﻴﻦ ﻫﺪﻭﻣﻲ ﺷﺪﺍﺷﺔ ﺳﻮﺩﺓ ﺭﺣﺖ ﻉ ﺍﻳﺔ ﺩﻛﻴﺖ ﺍﻟﺒﺎﺏ
ﺍﻳﺔ ... ﺗﻌﺎﻟﻲ ﺳﺮﻭ ﻓﻮﺗﻲ
ﺳﺎﺭﺓ .. ﻓﺘﺖ ﺍﻳﺔ ﺣﺒﺎﺑﺔ ﻣﺎﻋﻨﺪﺝ ﺷﺪﺍﺷﺔ ﺳﻮﺩﺓ
ﺍﻳﺔ .. ﺍﻱ ﺣﺒﻲ ﻋﻨﺪﻱ ﺑﺲ ﺍﻧﺘﻲ ﺑﻴﺎﺣﺎﻝ ﺣﺘﺔ ﺗﺮﺣﻴﻦ ﻣﻮﻣﺮﻳﻀﺔ ﻣﺸﻮﻓﻴﻦ ﻭﺟﻬﺞ ﻟﻴﻤﻮﻧﺔ
ﺳﺎﺭﺓ ... ﺍﻳﻮﻭ ﻋﻴﺐ ﻻﺯﻡ ﺍﺭﻭﺡ ﻣﻴﺼﻴﺮ ﺍﺿﻞ ﻛﺎﻋﺪﺓ ﺍﻟﻌﺎﻟﻢ ﺷﺘﻜﻮﻝ ﻋﻠﻲ
ﺍﻳﺔ .. ﺍﻱ ﻫﻢ ﺻﺤﻴﺢ ﺍﻧﺘﻲ ﻣﺮﺕ ﺍﻟﺸﻴﺦ ﻻﺯﻡ ﺍﻭﻝ ﺍﻟﻌﺎﻟﻢ ﺍﻧﺘﻲ ﻫﻨﺎﺍﻙ
ﺳﺎﺭﺓ ... ﺍﻱ ﻣﺮﺕ ﺍﻟﺸﻴﺦ ﺣﺠﻴﺘﻬﺔ ﺑﺴﺘﻬﺰﺍﺀ
ﺍﻳﺔ ... ﻫﻬﻬﻪ ﺍﻱ ﻣﺮﺕ ﺍﻟﺸﻴﺦ ﺟﺴﻮﺭﻱ
ﺳﺎﺭﺓ .. ﻟﺞ ﺷﻨﻮ ﺟﺴﻮﺭﻱ ﻣﺘﺴﺘﺤﻴﻦ
ﺍﻳﺔ ... ﻋﺰﺯﺯﺯﺓ ﺑﺲ ﻻﻏﺮﺗﻲ
ﺳﺎﺭﺓ ... ﻭﻋﻠﻴﻤﻦ ﺍﻏﺎﺍﺭ ﻋﻴﻨﻲ ﺍﺻﻼ ﻣﺎﻫﺘﻤﻠﺔ
ﺍﻳﺔ .. ﺍﻱ ﻣﺒﻴﻦ ﻳﺎﻟﺔ ﺧﻠﻲ ﺍﻧﻄﻴﺞ ﻫﺪﻭﻡ ﻻﺯﻡ ﻃﻠﻌﻴﻦ ﺍﻟﻤﻤﻴﺰﺓ ﺑﻴﻦ ﺍﻟﻜﻞ
ﺳﺎﺭﺓ ... ﻟﺞ ﺻﺨﺎﺍﻡ ﻳﺎﻣﻤﻴﺰﺓ ﺍﻧﺘﻲ ﺍﻧﻲ ﺭﺍﻳﺤﺔ ﺍﻟﻔﺎﺗﺤﺔ ﻣﻮﺑﻌﺮﺱ
ﺍﻳﺔ ... ﺣﺘﺔ ﻟﻮﻭ ﻓﺎﺗﺤﺔ ﻻﺯﻡ ﻫﺪﻭﻣﺞ ﻣﺮﺗﺒﺔ ﺧﻮ ﻣﺘﺮﺣﻴﻦ ﺟﻨﺞ ﻓﺰﺍﻋﺔ
ﺳﺎﺭﺓ ... ﻫﻬﻬﻪ ﺍﻱ ﻭﺍﻟﻠﻪ ﻣﺎﻟﻲ ﺧﻠﻚ ﺳﻮﺍﻟﻔﺞ ﺗﺮﺓ ﺑﺎﻟﻜﻮﺓ ﻭﺍﻛﻔﺔ
ﺍﻳﺔ ... ﺍﻭﻭﻭﻱ ﺳﻮﺩﺓ ﻋﻠﻲ ﺗﻌﺎﻟﻲ ﻛﻌﺪﻱ ﻭﺧﻠﻲ ﺍﻃﻠﻌﻠﺞ ﻫﺪﻭﻡ
ﺳﺎﺭﺓ .. ﻛﻌﺪﺕ ﻭﺭﺍﺣﺖ ﺍﻳﺔ ﺗﻄﻠﻊ ﺍﺟﺖ ﺟﺎﺑﺘﻠﻲ ﺩﺷﺪﺍﺷﺔ ﻣﺮﺗﺒﺔ ﻭﺣﻠﻮﺓ ﻻﺑﺲ ﺑﻴﻬﺔ ﺍﺧﺬﺗﻬﺔ ﻣﻨﻬﺔ ﻭﻃﺒﻴﺖ ﻟﻠﺤﻤﺎﻡ ﺳﺒﺤﺖ ﺑﺲ ﺷﻨﻮ ﺍﺣﺲ ﺟﺴﻤﻲ ﺻﺎﺭ ﻗﺎﻟﺐ ﻣﺎﻝ ﺛﻠﺞ ﻣﻦ ﺍﻟﺒﺮﺩ ﻃﻠﻌﺖ ﺑﺴﺮﻋﺔ ﻃﺒﻴﺖ ﺟﻮﺓ ﺍﻟﻔﺮﺍﺵ
ﺍﻳﺔ .. ﻟﺞ ﺳﺎﺭﺓ ﻳﺎﻟﺔ ﻛﻮﻣﻲ ﻫﻢ ﻳﺎﻟﺔ ﺗﺤﻀﺮﻳﻦ ﺭﻭﺣﺞ
ﺳﺎﺭﺓ ... ﻭﺍﻧﻲ ﺑﺎﻟﻜﻮﺓ ﺍﺣﺠﻲ ﺍﺣﺲ ﺟﺴﻤﻲ ﺗﻜﺴﺮ ﺗﻜﺴﺮ
ﻟﺞ ﺍﻳﺔ ﻣﺎﻛﺪﺭ ﺍﺭﻭﺡ ﻭﺍﻟﻠﻪ
ﺍﻳﺔ ... ﺷﻮﻭ ﺑﺎﻟﺔ ﺧﻠﻲ ﺍﺷﻮﻓﺞ ﺣﻄﺖ ﺍﻳﺪﻫﺔ ﻉ ﻛﺼﺘﻬﺔ ﻭﻟﺞ ﺣﺮﺍﺭﺗﺞ ﺯﺍﻳﺪﺓ ﺷﺠﺎﺝ ﻭﺳﺒﺤﺘﻲ ﺗﻮﺍﺯﻳﺘﻲ
ﺳﺎﺭﺓ .. ﻟﻌﺪ ﺷﻠﻮﻥ ﺍﺿﻞ ﻛﺎﺗﻠﻨﻲ ﺍﻟﻮﻭﺻﺦ
ﺍﻳﺔ .. ﺷﻮﺑﺎﻟﺔ ﺧﻠﻲ ﺍﻛﻮﻡ ﺍﻧﻄﻴﺞ ﻋﻼﺝ ﺧﺎﺏ ﺗﺮﺣﻴﻦ ﻫﻴﺞ ﻟﻠﻌﺎﻟﻢ
ﺳﺎﺭﺓ .. ﺍﻳﺔ ﻭﻟﻲ ﻣﻨﻲ ﺷﻜﺪ ﺗﺤﺠﻴﻦ
ﺍﻳﺔ ... ﻭﺍﻟﻠﻪ ﻳﺎﻟﻠﻪ ﻋﻮﺩ ﺍﻟﻌﺎﻟﻢ ﻳﺮﺩﻭﻟﻬﻢ ﻭﺣﺪﺓ ﻣﻌﺰﺑﺔ ﺗﺸﺘﻐﻞ
ﺟﻨﻬﻢ ﻫﻤﺔ ﻭﺡ ﻳﺨﺪﻣﻮﻧﺞ
ﺳﺎﺭﺓ .. ﻫﻬﻬﻪ ﺑﺎﻟﻜﻮﺓ ﺍﻧﻲ ﺍﺣﺠﻲ ﻭﺍﻧﺘﻲ ﻣﺎﺧﺬﺗﻨﻲ ﺣﺎﺻﻞ ﻓﺎﺻﻞ ﻭﻟﻲ ﻣﻦ ﺧﻠﻘﺘﻲ ﺭﺡ ﺍﺧﻠﻲ ﻭﺟﻌﻲ ﺑﻴﺞ ﻋﺎﻓﺘﻨﻲ ﻭﺭﺍﺣﺖ ﺫﻛﺮﺕ ﺟﺎﺳﺮ ﻟﻴﺶ ﻣﺎﺟﺔ ﻭﻻﻣﺮﺓ ﺳﺄﻝ ﻋﻠﻲ ﻛﻌﺪﺕ ﺿﻠﻴﺖ ﺍﺑﺠﻲ ﻣﺎﻋﺮﻑ ﻣﻦ ﻭﺟﻊ ﺟﺴﻤﻲ ﻟﻮ ﻣﻦ ﻭﺟﻊ ﻛﻠﺒﻲ ﺑﻴﺔ ﻣﺎﺑﻴﺔ ﻛﻤﺖ ﻣﺸﻄﺖ ﺷﻌﺮﻱ ﻭﻟﺒﺴﺖ ﺟﻮﺍﺭﻳﺐ ﻫﻢ ﺳﻮﺩ
ﺻﺎﺭ ﺍﻟﻀﻬﺮ ﺗﻘﺮﻳﺒﺄ ﺳﺎﻋﺔ ﺏ 2 ﺍﺟﺖ ﺧﺎﻟﺔ ﺍﻡ ﺣﺮﺏ
ﺍﻡ ﺣﺮﺏ .. ﻳﺎﻟﺔ ﻳﻤﺔ ﺑﺴﺎﻋﺞ
ﺳﺎﺭﺓ .. ﺍﻱ ﺧﺎﻟﺔ ﻛﻤﺖ ﻟﺒﺴﺖ ﻋﺒﺎﺗﻲ ﻭﻃﻠﻌﺖ ﻭﻳﺎﻫﺔ ﺟﺎﻥ ﺍﺑﻦ ﺧﺎﻟﻲ ﺍﺧﺬﻧﺔ ﺑﺴﻴﺎﺭﺓ ﺗﻘﺮﻳﺒﺄ ﻧﺺ ﺳﺎﻋﺔ ﻭﺻﻠﻨﺔ ﺟﺎﻧﺖ ﺍﻟﻬﻮﺳﺔ ﻣﺒﻴﻨﺔ ﻣﻦ ﺑﻌﻴﺪ ﻭﺍﻟﺠﺎﺩﺭ ﻣﺎﻝ ﻓﺎﺗﺤﺔ ﺟﺒﻴﺮ ﻛﻠﺶ ﺍﻓﺘﺮﻳﻨﺔ ﻣﻦ ﺍﻟﺠﻬﺔ ﺍﻟﺜﺎﻧﻴﺔ ﻭﻃﺒﻴﻨﺔ ﻟﻠﺒﻴﺖ ﺟﺎﻥ ﺍﺻﻮﺍﺕ ﺍﻟﺒﺠﻲ ﻭﺍﻟﻌﻴﺎﻁ ﻣﺘﻌﺎﻟﻴﺔ ﺑﺎﻟﺒﻴﺖ ﺍﻭﻝ ﻣﺎﻃﺒﻴﺖ ﺗﻠﻜﺘﻨﻲ ﺧﺎﻟﺔ ﺍﻡ ﺟﺎﺳﺮ
ﺍﻡ ﺟﺎﺳﺮ .. ﻫﻼ ﻳﻤﺔ ﻧﻮﺭﺗﻲ ﺑﻴﺘﺞ
ﺳﺎﺭﺓ ... ﻫﻼ ﺑﻴﺞ ﺧﺎﻟﺔﺑﻘﻴﺔ ﺑﺤﻴﺎﺗﺞ ﺭﺣﺖ ﺳﻠﻤﺖ ﻋﻠﻴﻬﺔ ﻛﻤﺖ ﺍﻓﺘﺮ ﻋﻠﻴﻬﻦ ﻭﺣﺪﺓ ﻭﺣﺪﺓ ﺍﺳﻠﻢ ﺑﺲ ﺍﻟﺼﺪﺍﻉ ﺩﻣﺮﻧﻲ ﻛﻮﺓ ﻭﺍﻛﻔﺔ
ﺭﺅﺉ ... ﻫﻼ ﺑﻴﺞ ﺣﻴﺎﺗﻲ ﺷﻠﻮﻧﺞ
ﺳﺎﺭﺓ ... ﻫﻼ ﺣﺒﻴﺒﺘﻲ ﺗﻤﺎﻡ
ﺭﺅﺉ ... ﺍﺫﺍ ﻣﺘﻌﺮﻓﻴﻨﻲ ﺍﻧﻲ ﺭﺅﺉ ﺍﺧﺖ ﺍﻟﺸﻴﺦ ﺟﺎﺳﺮ
ﺳﺎﺭﺓ ... ﺍﻫﻼ ﻭﺳﻬﻼ ﺣﺒﻲ ﺗﺸﺮﻓﺖ ﺑﻤﻌﺮﻓﺘﺞ ﺑﻘﻴﺔ ﺑﺤﻴﺎﺗﺞ
ﺭﺅﺉ ... ﺣﻴﺎﺗﺞ ﺍﻟﺒﺎﻗﻴﺔ ﺣﺒﻲ ﻭﻟﻮﻭ ﺳﺆﺍﻝ ﻏﺒﻲ ﺑﺲ ﺷﻮ ﺍﺣﺴﺞ ﻣﺮﻳﻀﺔ ﻣﻮﻭ ﻛﻮﺓ ﺗﺤﺠﻴﻦ ﻭﺍﻛﻔﺔ
ﺍﻡ ﺣﺮﺏ ... ﺍﻱ ﻭﺍﻟﻠﻪ ﻳﺎﻳﻤﺔ ﻫﻴﺔ ﻣﺮﻳﻀﺔ ﻛﻠﺶ ﻓﻘﺮ ﺩﻡ ﻭﺗﻴﻔﻮﻭ ﺣﺎﺩﺍﺕ
ﺭﺅﺉ .. ﻳﺎﺍﺍﺍ ﻋﺰﺓ ﻭﻟﺞ ﻟﻌﺪ ﺷﺠﺎﺑﺞ ﺟﺎ ﺿﻠﻴﺘﻲ ﻣﺮﺗﺎﺣﺔ
ﺳﺎﺭﺓ .. ﻻ ﻭﺍﻟﻠﻪ ﺻﺮﺕ ﺯﻳﻨﺔ ﻭﻫﺬﺍ ﻭﺍﺟﺒﻲ ﻻﺯﻡ ﺍﺟﻲ ﻋﻴﺐ
ﺭﺅﺉ .. ﻟﻌﺪ ﺩﺗﻌﺎﻟﻲ ﺍﻛﻌﺪﻱ ﻟﺘﻮﻛﻌﻴﻦ ﻣﺒﻴﻦ ﻋﻠﻴﺞ ﻛﻮﺓ ﻭﺍﻛﻔﺔ
ﺳﺎﺭﺓ ... ﻫﻬﻪ ﻣﺎﺷﻲ ﺭﺣﺖ ﻛﻌﺪﺕ ﻳﻢ ﺑﻴﺒﻲ ﻭﺧﺎﻟﺔ ﺧﻄﻴﺔ،ﺑﻨﺎﺗﺔ ﻭﻣﺮﺗﺔ ﻣﻠﺨﻦ ﺭﻭﺣﻬﻦ ﺑﺎﻟﺒﺠﻲ ﺻﺎﺍﺭﺕ ﻛﺪﺍﻣﻲ ﺍﻣﻲ ﻣﻦ ﻣﺎﺗﺖ ﺩﻣﻮﻋﻲ ﻛﺎﻣﻦ ﻳﺠﺮﻥ ﻭﺣﺪﻫﻦ ﺍﺳﻤﻌﻬﻦ ﻳﻨﻮﻋﻦ ﻭﻳﺒﺠﻦ ﻭﺍﻧﻲ ﻭﻳﺎﻫﻦ ﺍﺑﺠﻲ ﺍﺧﺮﺷﻲ ﻣﻠﻴﺖ ﻣﻦ ﺍﻟﻜﻌﺪﺓ ﻛﻤﺖ ﻛﻠﺖ ﻻﺯﻡ ﺍﻛﻮﻡ ﻋﻴﺐ ﻣﻦ ﺍﻟﺒﺎﺕ ﺍﺿﻞ ﻛﺎﻋﺪﺓ ﺭﺣﺖ ﺍﺩﻭﺭ ﻋﻠﻴﻬﻦ ﻣﺎﻛﻮﻭﻭ ﻭﺍﺧﻴﺮﺍ ﺷﻔﺖ ﺭﺅﺉ ﺍﺷﺮﺗﻠﻲ ﻣﻦ ﺑﻌﻴﺪ ﺭﺣﺘﻠﻬﺔ
ﺭﺅﺉ ... ﻫﺎ ﺷﻜﻮﻣﺞ
ﺳﺎﺭﺓ .. ﻭﺍﻟﻠﻪ ﻣﻠﻴﺖ ﻣﻦ ﺍﻟﻜﻌﺪﺓ ﻛﻠﺖ ﺍﻛﻮﻡ ﺍﺳﺎﻋﺪﺟﻦ
ﺭﺅﺉ ... ﻻﺣﺒﻴﺒﺘﻲ ﺳﻼﻣﺘﺞ ﺭﻭﺣﻲ ﺭﺗﺎﺣﻲ ﻣﻴﺼﻴﺮ ﺿﻠﻴﻦ ﻭﺍﻛﻔﺔ
ﺳﺎﺭﺓ ... ﻻﻭﺍﻟﻠﻪ ﻣﺎﻛﺪﺭ ﺍﻛﻌﺪ ﺑﺲ ﺍﺳﺎﻋﺪﺟﻦ ﺑﺸﻐﻼﺕ ﺑﺴﻴﻄﺔ ﺍﺧﺘﻨﻜﺖ ﻣﻦ ﺍﻟﻜﻌﺪﺓ
ﺭﺅﺉ ... ﺍﻭﻭﻭﻑ ﻣﺒﻴﻨﺔ ﻋﻨﻮﺩﻳﺔ ﻛﻠﺶ ﺍﻟﻠﻪ ﻳﺴﺎﻋﺪ ﺍﺧﻮﻱ
ﺳﺎﺭﺓ .. ﺍﺑﺘﺴﻤﺖ ﻭﺭﺣﺖ ﻭﻳﺎﻫﺔ ﻫﻮﺍﻱ ﺷﻔﺖ ﺑﻨﺎﺕ ﺑﺎﻟﻤﻄﺒﺦ ﻭﻛﻠﻬﻦ ﻣﺎﻋﺮﻓﻬﻦ ﺭﺅﺉ ﻋﺮﻓﺘﻨﻲ ﻋﻠﻴﻬﻦ ﻧﺺ ﺭﺗﺎﺣﻴﺘﻠﻬﻦ ﻭﻧﺺ ﻣﺎﻋﺮﻑ ﻟﻴﺶ ﻣﺎﺭﺗﺎﺣﻴﺘﻠﻬﻦ ﺑﺴﺒﺐ ﻧﻀﺮﺍﺗﻬﻦ ﻣﻬﺘﻤﻴﺖ ﺿﻠﻦ ﺍﻟﺒﻨﺎﺕ ﻳﺸﺘﻐﻠﻦ ﻭﺍﻧﻲ ﻭﺍﻛﻔﺔ ﺍﺧﺮﺷﻲ ﻛﻠﺖ ﺭﺅﺉ ﺍﻧﻲ ﺍﺿﻞ ﻭﺍﻛﻔﺔ ﻫﻴﺞ ﻟﻮﺗﻨﻄﻮﻧﻲ ﺷﻐﻠﺔ ﺍﺷﺘﻐﻠﻬﺔ
ﺭﺅﺉ .. ﻭﺍﻟﻠﻪ ﺣﺒﻴﺒﺘﻲ ﻣﺎﻋﺪﻧﺔ ﺷﻲ ﺍﻧﺘﻲ ﺑﺲ ﺿﻠﻲ ﻛﺎﻋﺪﺓ ﻭﺗﻌﺎﻟﻲ ﺍﺻﺒﻠﺞ ﺷﻲ ﺗﺎﻛﻠﻲ ﺑﺎﻉ ﻭﺟﻬﺞ ﻋﺒﺎﻟﻚ ﻟﻴﻤﻮﻥ
ﺳﺎﺭﺓ ... ﺍﻫﻮﻭﻭﻭ ﺣﺘﺔ ﺍﻧﺘﻲ ﻟﺤﻜﺘﻴﻨﻲ ﻫﻨﺎﺍ ﻋﻔﻴﺔ ﺧﻠﻴﻨﻲ ﻭﻳﺎﻛﻢ ﻭﻟﻮﻭ ﺧﺎﻑ ﺣﺎﺳﺒﺘﻨﻲ ﻏﺮﻳﺒﺔ
ﺭﺅﺉ ... ﻳﺎﺍ ﻟﺞ ﺍﻧﺘﻲ ﺷﺘﻜﻮﻟﻴﻦ ﻏﻴﺮ ﺍﻧﺘﻲ ﻣﺮﺕ ﺍﻟﺸﻴﺦ
ﺳﺎﺭﺓ ... ﺑﺎﻭﻋﺖ ﻋﻠﻴﻬﺔ ﺑﺴﺘﻐﺮﺍﻱ ﺷﻮ ﻟﺤﺖ ﻉ ﺍﻟﻜﻠﻤﺔ ﻭﺗﺒﺎﻭﻉ ﺯﻳﻨﺐ ﻭﺳﻨﺎﺀ ﺟﺎﻧﻦ ﻭﺍﻛﻔﺎﺕ ﻉ ﺻﻔﺤﺔ
ﺭﺅﺉ ... ﻳﺎﻟﺔ ﺗﻌﺎﻟﻲ ﻟﻌﺪ ﺍﻟﻴﻮﻡ ﻧﻄﻠﻊ ﺍﻟﺸﻐﻞ ﻣﻦ ﺧﺸﻤﺞ
ﺳﺎﺭﺓ ... ﻫﻬﻪ ﻋﺎﺩﻱ ﺧﻠﻨﻲ ﻉ ﺍﻟﺠﺎﻱ ﻛﺎﻟﺴﺎﻉ ﺍﺻﺐ ﺟﺎﻱ ﻭﺍﻏﺴﻞ ﺍﻟﺴﺘﻜﺎﻳﻦ ﺻﺒﻮﻭ ﺍﻟﻌﺸﺔ ﻭﺟﺎﺑﻮ ﻟﻨﺴﻮﺍﻥ ﻛﺎﻣﻦ ﺍﻟﺒﻨﺎﺕ ﻳﻨﻜﻠﻦ ﺑﺎﻟﻤﻮﺍﻋﻴﻦ ﻭﻳﻮﺯﻋﻦ ﻟﻨﺴﻮﺍﻥ ﺍﻧﻲ ﺿﻠﻴﺖ ﻉ ﻭﻛﻔﺘﻲ ﺑﺎﻟﻤﻄﺒﺦ ﺍﻋﺰﻝ ﺑﻲ ﻻﻥ ﺻﺎﺭ ﻫﻮﺳﺔ ﻛﻠﺶ ﺑﺲ ﺟﺴﻤﻲ ﻧﺤﻼﻥ ﻛﻠﺶ ﺑﺎﻟﻜﻮﺓ ﺍﺗﺤﺮﻙ ﻭﺍﺣﺲ ﺑﺤﺮﺍﺭﺗﻲ ﺗﺰﻳﺖ ﻣﺘﻨﺰﻝ ﻭﺍﻟﺒﺮﺩﺓ ﻻﺯﻣﺘﻨﻲ ﺑﺲ ﺑﺎﻟﻜﻮﺓ ﻻﺯﻣﺔ ﺭﻭﺣﻲ ﻋﻴﺐ ﻻﺯﻡ ﺍﺳﺎﻋﺪﻫﻢ ﺑﺸﻲ ﺿﻠﻴﺖ ﺑﺎﻟﻤﻄﺒﺦ ﻃﺒﻌﺄ ﻃﻮﻝ ﻫﺎﻱ ﺍﻟﻔﺘﺮﺓ ﺟﺎﺳﺮ ﻣﺎﻟﻤﺤﺘﺔ ﻭﻻﺩﻗﻴﻘﺔ ﺍﺟﺖ ﺭﺅﺉ
ﺭﺅﺉ .. ﺳﺮﻭ ﻭﻟﻮﻭ ﺍﺗﻌﺒﺞ ﺻﺒﻲ ﺟﺎﻱ ﻟﻨﺴﻮﺍﻥ ﻻﻥ ﺍﻛﻠﻦ ﺭﺍﺳﻲ ﻛﻠﻬﻦ ﻳﺮﻛﻀﻦ ﻉ ﺣﻠﻮﻛﻬﻦ ﻣﺤﺪ ﻣﻬﺘﻤﺔ ﺑﻴﻨﺔ ﻣﻴﻜﻮﻟﻮﻥ ﻋﺪﻫﻢ ﻣﺼﺎﺏ ﺟﺎﻳﺖ ﻉ ﺍﻻﻛﻞ
ﺳﺎﺭﺓ ... ﻻﻋﺎﺩﻱ ﺣﺒﻴﺒﺘﻲ ﻫﺴﺔ ﺍﺻﺐ ﺭﺍﺣﺖ ﺭﺅﺉ ﻭﺍﻧﻲ ﺍﺻﺐ ﺑﺠﺎﻱ ﺻﺒﻴﺖ ﺑﺼﻴﻨﺘﻴﻦ ﻛﻤﻠﺖ ﺭﺩﺕ ﺍﺧﻠﻲ ﻉ ﺍﻟﻄﺒﺎﺥ ﺑﺲ ﻣﺎﻋﺮﻑ ﺷﻠﻮﻥ ﺯﻟﻚ ﻣﻦ ﺍﻳﺪﻱ ﻋﻮﺩ ﺻﺮﺕ ﺧﻴﺮﺓ ﻟﺰﻣﺘﺔ ﺑﺎﻟﻴﺪ ﺍﻟﺜﺎﻧﻴﺔ ﻭﺍﻧﻜﻠﺐ ﻉ ﺍﻳﺪﻱ ﺑﺲ ﻏﻴﺮ ﺍﺣﺲ ﺍﻳﺪﻱ ﺷﺎﻏﺖ ﻋﻄﺖ ﺑﺲ ﻋﻴﻄﺔ ﻣﻮﻗﻮﻳﺔ ﻣﻦ ﺍﻟﻮﺟﻊ ﻛﻤﺖ ﺍﻛﻤﺰ ﺍﺧﺲ ﺭﻭﺣﻲ ﻃﻠﻌﺖ ﻛﻤﺖ ﺍﺑﺠﻲ ﺍﺟﺘﻨﻲ ﺭﺅﺉ ﺗﺮﻛﺾ
ﺭﺅﺉ ... ﻳﺎﺍﺍ ﻭﻟﺞ ﺷﺒﻴﺞ ﻳﺎﺍﺍ ﻳﺎﺍﺍ ﻭﻟﺞ ﺷﺒﻴﻬﺔ ﺍﻳﺪﺝ
ﺳﺎﺭﺓ ... ﻭﺍﻧﻲ ﺍﺑﺠﻲ ﺍﺡ ﺍﺣﺘﺮﻛﺖ ﺏ ﺑﺎﻟﻘﻮﺭﻱ
ﺭﺅﺉ ... ﻋﺰﺓ ﺳﻮﺩﺓ ﻋﻠﻲ ﺍﻛﻌﺪﻱ ﺳﺠﺊ ﻭﻟﺞ ﺳﺠﺊ ﻭﻳﻨﺞ
ﺳﺎﺭﺓ ... ﻛﻌﺪﺗﻨﻲ ﺑﺲ ﺍﻧﻲ ﺍﺭﻳﺪ ﺍﺭﻛﻊ ﺭﺍﺳﻲ ﺑﺎﻟﺤﺎﻳﻂ ﻣﻦ ﺍﻟﻮﺟﻊ ﺑﻌﺪ ﻣﺎﺗﺤﻤﻞ ﻛﻤﺖ ﺭﺩﺕ ﺍﻏﺴﻞ ﺍﻳﺪﻱ ﺑﻤﻲ ﺑﺎﺭﺩ ﺑﺲ ﻣﺎﺧﻠﺘﻨﻲ
ﺭﺅﺉ .. ﺳﺎﺭﺓ ﺷﺴﻮﻳﻦ ﻻ ﺩﻳﺮ ﺑﺎﻟﺞ ﺗﻐﺴﻠﻬﺔ ﺗﻠﺘﻬﺐ ﻭﺍﻟﻠﻪ
ﺳﺎﺭﺓ ... ﻛﻌﺪﺕ ﺿﻠﻴﺖ ﺍﻧﻔﺦ ﺑﻴﻬﺔ ﻭﺍﺑﺠﻲ ﺻﺎﺍﺭﺕ ﺣﻤﺮﺓ ﻛﻠﺶ ﺣﺘﺔ ﺍﻟﺠﻠﺪ ﺍﺣﺴﺔ ﻣﺎﺍﻉ ﻣﺎﻧﺤﺲ ﺍﻟﺔ ﺍﻟﺒﺎﺏ ﻧﺪﻙ ﻭﺍﻧﻔﺘﺢ ﺟﺎﺳﺮ ﺩﺧﻞ ﻣﺪﻧﻚ ﺭﺍﺳﺔ ﻭﻳﺤﻤﺤﻢ ﺍﻧﻲ ﺭﻓﻌﺖ ﺭﺍﺳﺔ ﻣﻦ ﺷﻔﺘﺔ ﻫﻮﺓ ﺍﻧﻲ ﻣﻨﺎﺷﻠﻮﻥ ﻣﻘﻬﻮﺭﺓ ﻣﻨﺔ ﻧﻮﺏ ﺣﺘﺮﻛﺖ ﺿﻠﻴﺖ ﻉ ﻛﻌﺪﺗﻲ ﻭﻣﺪﻧﻜﺔ ﺭﺍﺳﻲ ﺑﺲ ﺿﻤﻴﺖ ﺍﻳﺪﻱ ﺟﻮﺓ ﺷﺎﻟﻲ ﺻﺢ ﺗﺄﺫﻳﺖ ﻛﻠﺶ ﺭﺩﺕ ﺍﻃﻠﻊ ﺑﺲ ﺭﺅﺉ ﻣﺎﺧﻠﺘﻨﻲ
ﺭﺅﺉ .. ﻭﻳﻦ ﺭﺍﻳﺤﺔ ﺍﻭﻛﻔﻲ ﺧﻮﻳﺔ ﺳﺎﺭﺓ ﺣﺘﺮﻛﺖ ﺑﺠﺎﻱ ﻳﻤﻜﻦ ﻻﺯﻡ ﻧﻮﺩﻳﻬﺔ ﻟﺪﻛﺘﻮﺭ ﺣﺘﺔ ﻳﺪﺍﻭﻳﻬﺔ ﺍﻟﻬﺔ
ﺷﻴﺦ ﺟﺎﺳﺮ ... ﺑﺨﻮﻭﻑ ﺷﻨﻮﻭﻭ ﺍﺣﺘﺮﻛﺖ ﺷﻮﺑﺎﻟﺔ ﺭﺍﻭﻳﻨﻲ
ﺳﺎﺭﺓ .. ﺗﻘﺮﺏ ﻣﻨﻲ ﻭﺍﺧﺬ ﺍﻳﺪﻱ ﺑﺴﺮﻋﺔ ﺍﺗﺄﺫﻳﺖ ﺍﺧﺨﺨﺦ
ﺷﻴﺦ ﺟﺎﺳﺮ ... ﻟﺞ ﺷﻨﻮ ﺛﻮﻟﺔ ﺍﻧﺘﻲ ﻣﺎﻧﺘﺒﻬﺘﻲ
ﺳﺎﺭﺓ .. ﺍﻱ ﺛﻮﻟﺔ ﻭﺧﺮ ﻣﺎﺭﻳﺪ ﺷﻲ ﻣﻨﻚ
ﺷﻴﺦ ﺟﺎﺳﺮ ... ﺑﻀﻮﺟﺔ ﻳﺎﻟﺔ ﻣﻮﻋﻠﻴﺞ ﺑﺲ ﺧﻠﻲ ﺍﺷﻮﻭﻑ ﺍﻳﺪﺝ
ﺳﺎﺭﺓ .. ﺍﺧﺬ ﺍﻳﺬﻱ ﻭﺍﻧﻲ ﻣﻨﺘﻬﻴﺔ ﺍﻳﺪﻱ ﻭﺿﺎﻳﺠﺔ ﻣﻨﺔ ﻭﻣﻨﺎ ﻭﺟﻊ ﺟﺴﻤﻲ ﺍﺗﻤﻨﻴﺖ ﺑﺲ ﺍﺭﺟﻊ ﻟﻠﺒﻴﺖ ﻻﻥ ﺍﺣﺲ ﺭﻭﺣﻲ ﺭﺡ ﺍﻣﻮﺕ ﺑﻌﺪ ﻣﺎﺗﺤﻤﻞ ﺍﺧﺬﻧﻲ ﻛﻌﺪﻧﻲ ﻉ ﺍﻟﻜﺮﺳﻲ ﻫﻮﺓ ﻛﻌﺪ ﻣﻘﺎﺑﻴﻠﻲ
ﺷﻴﺦ ﺟﺎﺳﺮ ... ﺭﺅﺉ ﺟﻴﺒﻴﻠﻲ ﺩﻫﻦ ﻣﺎﻝ ﺣﺮﻭﻕ
ﺭﺅﺉ .. ﺍﻱ ﺧﻮﻳﺔ ﻫﺴﺔ
ﺳﺎﺭﺓ .. ﺭﺍﺣﺖ ﺭﺅﺉ ﻭﺍﻧﻲ ﻭﻳﺎ ﺿﻠﻴﻨﺔ ﺑﺲ ﻣﺎﻫﺘﻤﻴﺘﻠﺔ ﻻﻥ ﺍﻟﺒﻴﺔ ﻣﻮﺑﺤﺎﻝ ﺯﻋﻞ ﻭﻋﺮﻙ ﻣﺎﺑﻴﺔ ﺣﻴﻞ ﻳﺎﺩﻭﺏ ﺷﺎﻳﻠﺔ ﺭﻭﺣﻲ ﻫﻮﺓ ﻻﺯﻡ ﺍﻳﺪﻱ ﻭﻳﻨﻔﺦ ﻋﻠﻴﻬﺔ ﻫﺎﻱ ﺣﺮﻛﺘﺔ ﺧﻠﺖ ﻛﻠﺒﻲ ﻳﺮﻛﺾ ﺳﺮﻳﻊ ﺍﻧﻲ ﺑﺲ ﺩﻣﻮﻋﻲ ﻳﻨﺰﻟﻦ ﺭﻓﻌﺖ ﺭﺍﺳﻲ ﻟﻜﻴﺘﺔ ﻳﺒﺎﻭﻉ ﻋﻠﻲ
ﺷﻴﺦ ﺟﺎﺳﺮ ... ﺟﺎﻱ ﺗﺘﻮﺟﻌﻴﻦ
ﺳﺎﺭﺓ .. ﻫﺰﻳﺖ ﺭﺍﺳﻲ ﺑﺎﻱ
ﺷﻴﺦ ﺟﺎﺳﺮ .. ﻛﻮﻥ ﺑﻴﺔ ﻭﻻﺑﻴﺞ ﻳﺎﺑﻌﺪ ﺭﻭﺣﻲ
ﺳﺎﺭﺓ .. ﺭﺟﻌﺖ ﺩﻧﻜﺖ ﺭﺍﺳﻲ ﺧﺠﻠﺖ ﻣﻦ ﻛﻼﻣﺔ ﻛﻠﺸﺶ ﺑﺲ ﺭﺟﻊ ﺭﻓﻊ ﺭﺍﺳﻲ ﺑﺎﺻﺒﻌﺔ ﺑﺲ ﺷﻮ ﺍﺗﺴﻌﺖ ﻋﻴﻮﻧﺔ ﺑﺼﺪﻣﺔ
ﺷﻴﺦ ﺟﺎﺳﺮ ... ﺑﺨﻮﻑ ﺍﻛﺜﺮ ﺑﻮﻳﺔ ﺷﺒﻴﺞ ﻟﻴﺶ ﻫﻴﺞ ﻣﺼﺨﻨﺔ
ﺳﺎﺭﺓ .. ﺿﻞ ﻳﺘﻠﻤﺲ ﻭﺟﻬﻲ ﺻﺪﻙ ﺑﺮﻛﺘﻬﺔ ﺷﻔﺖ ﺧﻮﻑ ﺑﻌﻴﻮﻧﺔ ﺿﻠﻴﺖ ﺻﺎﻓﻨﺔ ﻉ ﻋﻴﻮﻧﺔ
ﺷﻴﺦ ﺟﺎﺳﺮ ... ﺑﻘﻬﺮ ﺑﻌﺪﺝ ﻣﺮﻳﻀﺔ
ﺳﺎﺭﺓ .. ﺍﻧﻲ ﻣﻦ ﻛﺎﻝ ﻫﻴﺞ ﻭﻋﻴﺖ ﻉ ﺭﻭﺣﻲ ﻳﻌﻨﻲ ﺟﺎﻥ ﻳﺪﺭﻱ ﺑﻴﺔ ﻣﺮﺿﺔ ﻭﺧﺮﺕ ﺍﻳﺪﺓ ﺑﻌﺼﺒﻴﺔ ﻭﻟﻮﻭ ﺑﻮﻛﺘﻬﺔ ﺣﺘﺔ ﺣﻴﻞ ﻣﺎﺑﻴﺔ ﺍﻋﺼﺐ ﺑﺠﻲ ﻭﺧﺮ ﺍﺭﻳﺪ ﺍﺭﻭﺡ
ﺷﻴﺦ ﺟﺎﺳﺮ ... ﻭﻳﻦ ﺗﺮﺣﻴﻦ ﺷﻮﻓﻲ ﺍﻳﺪﺝ ﺷﻠﻮﻥ ﺣﺎﺭﺍﺕ ﻭﺍﻧﺘﻲ ﻭﺟﻬﺞ ﺍﺻﻔﺮ ﻟﻴﺶ ﺍﺟﻴﺘﻲ
ﺳﺎﺭﺓ ... ﺑﻘﻬﺮ ﺍﻛﺜﺮ ﺍﺷﻜﺮﻙ ﺧﻮﺵ ﻃﺮﺩﺓ ﻭﺧﺮ ﺧﻠﻲ ﺍﺭﻭﺡ ﻟﺨﺎﻝ ﻭﺑﻴﺒﻲ ﺣﺘﺔ ﻧﺮﻭﺡ
ﺷﻴﺦ ﺟﺎﺳﺮ ... ﺍﺳﺘﻐﻔﺮﺍﻟﻠﻪ ﻭﺍﺗﻮﺏ ﺍﻟﻴﻪ ﻟﺞ ﺑﻮﻳﺔ ﺍﻧﻲ ﻭﻳﻦﻭﺍﺗﻮﺏ ﺍﻟﻴﻪ ﻟﺞ ﺑﻮﻳﺔ ﺍﻧﻲ ﻭﻳﻦ ﺍﺣﺠﻲ ﻭﺍﻧﺘﻲ ﻭﻳﻦ ﺗﺤﺠﻴﻦ
ﺳﺎﺭﺓ ... ﻗﺒﻞ ﻻﺟﺎﻭﺑﺔ ﺩﺧﻠﺖ ﺭﺅﺉ ﺑﻴﺪﻫﺔ ﺷﺎﺵ ﻭﺩﻫﻦ ﻣﺎﻝ ﺣﺮﻭﻕ ﺍﻧﻄﺘﺔ ﺍﻟﺔ ﻭﺭﺍﺣﺖ ﺑﻘﺔ ﻫﻮﺓ ﻳﺪﺍﻭﻱ ﺑﻴﻬﺔ ﺍﻧﻲ ﺳﺎﻛﺘﺔ ﺭﺍﺳﻲ ﺧﻮﺓ ﻛﻠﺶ ﺍﺭﻳﺪ ﺑﺲ ﺍﻧﺎﺍﻡ ﺑﺎﻭﻉ ﻋﻠﻲ ﻭﻛﺎﻝ
ﺷﻴﺦ ﺟﺎﺳﺮ ... ﺗﻌﺸﻴﺘﻲ
ﺳﺎﺭﺓ ... ﻣﺎﻛﺪﺭﺕ ﺍﺣﺠﻲ ﺑﺎﻟﻜﻮﺓ ﻛﺘﻠﺔ ﺍﻱ ﻫﻮﺓ ﺟﺬﺏ ﻣﺎﺗﻌﺸﻴﺖ
ﺷﻴﺦ ﺟﺎﺳﺮ .. ﻣﺒﻴﻦ ﻣﻦ ﻭﺟﻬﺞ ﻣﺎﻣﺘﻌﺸﻴﺔ
ﺳﺎﺭﺓ .. ﺑﺎﻭﻋﺖ ﻋﻠﻲ ﻭﻛﺘﻠﺔ ﻭﺍﻟﻠﻪ ﻣﺎﺷﺘﻬﻲ ﺍﻧﻲ ﺷﻮﻱ ﻭﺗﻮﻛﻊ ﺩﻣﻌﺘﻲ
ﺷﻴﺦ ﺟﺎﺳﺮ ... ﺍﺑﺘﺴﻢ ﺍﺑﺘﺴﺎﻣﺔ ﺟﺎﻧﺒﻴﺔ ﺷﻠﻮﻥ ﻳﺎﺑﻮﻳﺔ ﻏﻴﺮ ﺗﺎﻛﻠﻴﻦ ﺣﺘﺔ ﺗﺘﺤﺴﻨﻴﻦ
ﺳﺎﺭﺓ ... ﺑﺲ ﻣﺎﻛﺪﺭ ﺍﻛﻞ
ﺷﻴﺦ ﺟﺎﺳﺮ ... ﻣﻮﺑﻜﻴﻔﺞ ﻳﺎﻟﺔ ﻛﻮﻣﻲ ﺧﻠﻲ ﺭﺅﺉ ﺻﻌﺪﺝ ﻟﻐﺮﻓﺘﻲ ﺣﺘﺔ ﺍﺟﻴﺒﻠﺞ ﻋﺸﺔ ﻭﺗﻨﺎﻣﻴﻦ ﺗﺮﺗﺎﺣﻴﻦ
ﺳﺎﺭﺓ ... ﻫﺎﺍﺍ
ﺷﻴﺦ ﺟﺎﺳﺮ ... ﻭﺟﻌﺎﺍﺍ ﺑﻜﻠﺒﻲ
ﺳﺎﺭﺓ .. ﻋﺎﻓﻨﻲ ﻭﻃﻠﻊ ﻋﺎﻓﻨﻲ ﻋﺎﻳﺸﺔ ﺑﺪﻭﺍﻣﺔ ﻣﺎﻋﺮﻑ ﺷﺼﺮﻑ ﻭﻳﺔ ﻫﺬﺍ ﺍﻟﺮﺟﺎﻝ ﻣﺘﻌﺮﻑ ﻛﺎﻟﺴﺎﻉ ﻳﻨﻜﻠﺐ ﺷﻜﻞ ﺍﻭﻭﻑ ﺭﺑﻲ ﺿﻠﻴﺖ ﺍﻧﻲ ﻛﺎﻋﺪﺓ ﺑﻤﻜﺎﻧﻲ ﻣﺎﺗﺤﺮﻛﺖ
ﺭﺅﺉ .. ﺳﺮﻭ ﻳﺎﻟﺔ ﻛﻮﻣﻲ ﺧﻠﻲ ﺍﻛﻌﺪﺝ ﺑﺎﻟﻐﺮﻓﺔ ﺣﺘﺔ ﺗﺮﺗﺎﺣﻴﻦ ﺗﻨﺎﻣﻴﻠﺞ ﺷﻮﻱ
ﺳﺎﺭﺓ .. ﻻﻭﻟﺞ ﻭﻳﻦ ﺍﻧﺎﻡ ﻫﺴﺔ ﺷﻮﻱ ﻭﻧﺮﻭﺡ ﺻﺎﺭ ﺍﻟﻴﻞ
ﺭﺅﺉ .. ﻫﻬﻬﻬﻪ ﺍﻧﺘﻲ ﻭﺍﻟﻠﻪ ﺑﻄﺮﺍﻧﺔ ﺣﺒﻲ ﺑﻴﺒﻴﺘﺞ ﻭﺧﺎﻟﺘﺞ ﺭﺍﺣﻮﻭ ﻣﻦ ﻣﺴﺎﻋﺔ
ﺳﺎﺭﺓ .. ﺷﻨﻮﻭ ﺷﻨﻮ ﺭﺍﺣﻮﻭ ﺭﺅﺉ ﻟﻴﺶ ﻣﺎﺧﺬﻭﻧﻲ ﻭﻳﺎﻫﻢ
ﺭﺅﺉ .. ﻟﺞ ﺷﺒﻴﺞ ﺍﻣﻲ ﻛﺎﻟﺖ ﺍﻟﺒﻴﺒﻴﺘﺞ ﻛﺎﻟﺖ ﺍﺣﺘﺎﺝ ﺳﺎﺭﺓ ﺧﻠﻮﻫﺔ ﻳﻤﻨﺔ ﻟﺤﺪ ﻣﺘﺨﻠﺺ ﺍﻟﻔﺎﺗﺤﺔ ﻭﺍﻫﻠﺞ ﻗﺒﻠﻮﻭ
ﺳﺎﺭﺓ .. ﺍﻫﺎﺍ ﺻﺮﺍﺣﺔ ﺍﻧﻲ ﻣﺎﻗﺒﻠﺖ ﺍﺑﻘﺔ ﺍﻋﺮﻑ ﺭﻭﺣﻲ ﺭﺡ ﺍﻭﻛﻊ ﻣﻦ ﺍﻟﻤﺮﺽ ﻣﺎﺭﻳﺪ ﺍﺣﺪ ﻳﺤﻴﺮ ﺑﻴﺔ
ﺭﺅﺉ .. ﺭﺡ ﺿﻠﻴﻦ ﺻﺎﻓﻨﺔ ﻛﻮﻣﻲ ﻭﻳﺎﻱ
ﺳﺎﺭﺓ .. ﻛﻤﺖ ﻭﻳﺎﻫﺔ ﺑﺲ ﻣﺴﻄﻮﺭﺓ ﺳﻄﺮ ﺻﻌﺪﺗﻨﻲ ﻓﻮﻭﻙ ﺟﺎﻥ ﺍﻛﻮﻭ ﻣﺸﺘﻤﻞ ﻛﺎﻣﻞ ﻏﺮﻓﺔ ﻛﻌﺪﺓ ﻭ ﺣﻤﺎﻡ ﻭ ﻏﺮﻓﺔ ﻧﻮﻡ ﺑﺼﺮﺍﺣﺔ ﻛﻠﺶ ﺣﻠﻮﻭ ﻭﻣﺮﺗﺐ
ﺭﺅﺉ .. ﻫﺎ ﺷﻨﻮ ﺭﺋﻴﺞ ﺑﻬﺬﺍ ﺍﻟﻤﺸﺘﻤﻞ
ﺳﺎﺭﺓ ... ﻛﻠﺸﺶ ﺣﻠﻮﻭﻭ
ﺭﺅﺉ .. ﺍﻱ ﻫﺬﺍ ﺑﻴﺘﺞ ﺍﻧﺘﻲ ﻭﺟﺎﺳﺮ
ﺟﺎﺳﺮ ﻫﻮﺓ ﺭﺗﺐ ﻛﻠﺶ ﻉ ﺫﻭﻗﺔ
ﺳﺎﺭﺓ .. ﺍﻱ ﺑﺲ ﺫﻭﻗﺔ ﻛﻠﺶ ﺣﻠﻮﻭ
ﺭﺅﺉ .. ﺍﻱ ﺟﺎﺷﻌﺒﺎﻟﺞ ﻏﻴﺮ ﺍﺧﻮﻱ ﺑﻌﺪ
ﺳﺎﺭﺓ ... ﺍﻱ ﻫﻬﻬﻪ
ﺭﺅﺉ ... ﻳﺎﻟﺔ ﻃﺒﻲ ﺑﺎﻟﻐﺮﻓﺔ ﻏﺴﻠﻲ ﻭﺭﺗﺎﺣﻲ ﻟﺘﻨﺰﻟﻴﻦ ﺍﺑﺪ ﺍﻟﺔ ﺍﻧﻲ ﺍﺟﻴﺞ
ﺳﺎﺭﺓ .. ﻣﺎﺷﻲ ﺭﺍﺣﺖ ﻭﺍﻧﻲ ﺟﻨﺖ ﺻﺪﻙ ﻣﺤﺘﺎﺟﺔ ﻧﺎﻡ ﻻﻥ ﺍﻟﻴﻨﻔﺦ ﻋﻠﻲ ﺍﻭﻛﻊ ﻛﻮﺓ ﻻﺯﻣﺔ ﺭﻭﺣﻲ ﻃﺒﻴﺖ ﻟﻠﺤﻤﺎﻡ ﻏﺴﻠﺖ ﻭﻓﺘﺤﺖ ﺷﺎﻟﻲ ﺫﺑﻴﺘﺔ ﺍﻣﻨﺖ ﻣﺤﺪ ﻳﻄﺐ ﺭﺣﺖ ﺗﻤﺪﺩﺕ ﻉ ﺍﻟﺠﺮﺑﺎﻳﺔ ﺑﻌﺪ ﻣﺎﺣﺴﻴﺖ ﺑﺮﻭﺣﻲ ﻛﻌﺪﺕ ﺍﺭﺟﻒ ﻣﻦ ﺍﻟﺒﺮﺩ ﻓﺘﺤﺖ ﻋﻴﻮﻧﻲ ﺍﻛﻮ ﺑﺮﻭﺩﺓ ﻉ ﻛﺼﺘﻲ ﺑﺎﻭﻋﺖ ﺟﺎﻥ ﺟﺎﺳﺮ ﻳﻤﻲ ﻳﺴﻮﻳﻠﻲ ﻛﻤﺎﺩﺍﺕ ﺭﺩﺕ ﺍﻛﻮﻭﻭﻡ
ﺷﻴﺦ ﺟﺎﺳﺮ .. ﺻﺢ ﻧﻮﻭﻡ ﻭﻳﻦ ﻛﺎﻳﻤﺔ ﺍﺑﻘﻲ ﻧﺎﻳﻤﺔ ﺑﺎﻉ ﺣﺮﺍﺭﺗﺞ ﻣﺮﺗﻔﻌﺔ ﻛﻠﺶ
ﺳﺎﺭﺓ .. ﺑﻘﻴﺖ ﻉ ﻧﻮﻣﺘﻲ ﻻﻥ ﺻﺪﻙ ﻣﺎﻟﻲ ﻃﺎﻗﺔ ﺍﻛﻮﻭﻡ ﺟﺴﻤﻲ ﻛﻠﺔ ﻳﻮﺟﻌﻨﻲ ﻭﺭﺍﺳﻲ ﻭﺟﻌﺔ ﻓﻀﻴﻊ
ﺷﻴﺦ ﺟﺎﺳﺮ ... ﺷﺒﻴﺞ ﺳﺎﺭﺓ ﺷﻴﻮﺟﻌﺞ
ﺳﺎﺭﺓ .. ﺑﺪﻣﻮﻉ ﻣﺎﻋﺮﻑ ﻛﻞ ﺟﺴﻤﻲ ﻳﻮﺟﻌﻨﻲ
ﺷﻴﺦ ﺟﺎﺳﺮ .. ﻭﻫﻮﺓ ﻳﺒﻮﺱ ﺑﺮﺍﺳﻬﺔ ﻛﻮﻥ ﺑﻴﺔ ﻭﻻﺑﻴﺞ ﻳﻌﻤﺮﻱ ﻳﺎﻟﺔ ﻛﻮﻣﻲ ﺍﻛﻠﻲ ﺣﺘﺔ ﺗﺄﺧﺬﻳﻦ ﻋﻼﺟﺞ
ﺳﺎﺭﺓ .. ﻣﺎﺭﻳﺪ ﺍﻛﻞ ﻣﺎﺷﺘﻬﻲ
ﺷﻴﺦ ﺟﺎﺳﺮ .. ﻣﻮﺑﻜﻴﻔﺞ ﻳﺎﻟﺔ ﻛﻮﻣﻲ
ﺳﺎﺭﺓ ... ﺑﺲ ﻣﺎﺭﻱ ... ﻗﺎﻃﻊ ﺣﺠﻲ ﺑﺨﺰﺭﺓ ﺭﺍﺡ ﺟﺎﺏ ﺍﻻﻛﻞ ﺟﺎﻥ ﻣﻌﻼﻙ ﻭﺗﻤﻦ ﻭﻣﺮﻙ ﻣﺎﻝ ﻓﺎﺗﺤﺔ ﻛﻠﺒﺖ ﻣﻌﺪﺗﻲ ﻣﻦ ﺷﻔﺘﺔ ﺑﺲ ﻏﺼﺐ ﻣﺎﻋﻠﻲ ﻭﻛﻠﻨﻲ
ﺷﻴﺦ ﺟﺎﺳﺮ ... ﻳﺎﻟﺔ ﻋﺎﻓﻴﺎﺕ ﻫﺴﺔ ﺷﺮﺑﻲ ﺍﻟﻌﻼﺝ
ﺳﺎﺭﺓ .. ﺻﺪﻙ ﺳﺎﻋﺔ ﺑﻴﺶ ﻭﺷﻌﺠﺐ ﺍﻧﺘﺔ ﻫﻨﺎ ﻣﻮﺑﻠﻔﺎﺗﺤﺔ
ﺷﻴﺦ ﺟﺎﺳﺮ .. ﻭﺝ ﻳﺎﻓﺎﺗﺤﺔ ﺳﺎﻋﺔ ﺏ -1 ﻭﻧﺺ
ﺳﺎﺭﺓ ... ﻳﺎﺍﺍ ﻟﻌﺪ ﺍﻧﻲ ﺷﻜﺪ ﻧﻤﺖ ﻭﻣﺎﺩﺭﻱ ﺑﺮﻭﺣﻲ ﺷﻜﺪ ﻋﻴﺐ
ﺷﻴﺦ ﺟﺎﺳﺮ .. ﺷﺒﻴﺞ ﺑﻮﻳﺔ ﻏﻴﺮ ﻣﺮﻳﻀﺔ ﺍﻧﺘﻲ
ﺳﺎﺭﺓ .. ﺻﺪﻙ ﻣﺎﻛﺘﻠﻚ ﺑﻘﻴﺔ ﺑﺤﻴﺎﺗﻚ
ﺟﺎﺳﺮ ... ﺑﻌﺪ ﻭﻛﺖ ﻳﺎﻟﺔ ﺣﻴﺎﺗﺞ ﺍﻟﺒﺎﻗﻴﺔ
ﺳﺎﺭﺓ .. ﻣﻦ ﻛﻠﻲ ﺑﻌﺪ ﻭﻛﺖ ﺫﻛﺮﺕ ﻣﻦ ﺟﻨﺖ ﻣﺮﻳﻀﺔ ﻭﺍﺑﺪ ﻻﺍﺟﺔ ﻭﻻﺳﺄﻝ ﺭﺟﻌﺖ ﺗﻤﺪﺩﺕ ﻭﺩﺭﺕ ﻭﺟﻬﻲ
ﺷﻴﺦ ﺟﺎﺳﺮ .. ﻫﺎﺍ ﻫﺴﺘﻮﺝ ﺟﻨﺘﻲ ﺷﺤﻼﺗﺞ ﻭﺗﺴﻮﻟﻔﻴﻦ ﻣﺜﻞ ﺍﻟﻮﺍﺩﻡ ﺷﻜﻠﺒﺞ
ﺳﺎﺭﺓ .. ﻣﺠﺎﻭﺑﺘﺔ ﻏﻤﻀﺖ ﻋﻴﻨﻲ ﺳﻤﻌﺘﺔ ﺍﺧﺬ ﺣﺴﺮﺓ ﻭﻃﻠﻊ ﺍﻧﻲ ﺿﻠﻴﺖ ﻉ ﻧﻮﻣﺘﻲ ﻧﻤﺖ ﻣﺎﺣﺴﻴﺖ ﻉ ﺭﻭﺣﻲ ﻓﺰﻳﺖ ﺑﺎﺭﺩﺓ ﺛﻠﺞ ﺟﺴﻤﻲ ﻛﻠﺔ ﻳﺮﺟﻒ ﻣﻦ ﺍﻟﺒﺮﺩ ﺟﺴﻤﻲ ﻛﻠﺔ ﻛﺎﻡ ﻳﻮﻥ ﻋﻠﻲ ﻣﻦ ﺍﻟﻮﺟﻊ
ﺷﻴﺦ ﺟﺎﺳﺮ .. ﺳﺎﺭﺓ ﺑﻮﻳﺔ ﺷﺒﻴﺞ ﺳﻤﻌﻴﻨﻲ
ﺳﺎﺭﺓ .. ﺍﻧﻲ ﺍﺳﻤﻊ ﺑﺲ ﻣﺠﺎﻭﺏ ﺿﻠﻴﺖ ﺑﺲ ﺍﺑﺠﻲ ﺟﺴﻤﻲ ﻣﺎﺣﺲ ﺑﻲ ﺣﺘﺔﻣﺎﻛﺪﺭ ﺍﺣﺮﻛﺔ ﺣﺴﻴﺖ ﺑﻲ ﺍﺟﺔ ﻳﻤﻲ ﺍﺧﺬﻧﻲ ﺍﻟﺤﻀﻨﺔ
ﺷﻴﺦ ﺟﺎﺳﺮ ... ﺷﻨﻮ ﻫﺬﺍ ﺟﺴﻤﺞ ﻛﻠﺶ ﺣﺎﺭ ﺳﺎﺭﺓ ﺑﺲ ﺑﺎﻭﻋﻴﻠﻲ ﺳﻤﻌﻴﻦ
ﺳﺎﺭﺓ .. ﻓﺘﺤﺖ ﻋﻴﻨﻲ ﺑﺎﻭﻋﺖ ﻋﻠﻲ ﺣﺴﻴﺖ ﺭﻭﺣﻲ ﺩﻓﻴﺖ
ﺷﻮﻱ ﻻﻥ ﺟﺎﻥ ﺣﺎﺿﻨﻲ ﻟﺰﻣﺖ ﺍﻳﺪﺓ ﻭﻏﻤﻀﺖ ﻋﻴﻮﻧﻲ
ﺣﺴﻴﺖ ﺑﻲ ﻳﻌﺪﻝ ﻛﻌﺪﺗﺔ ﺗﻤﺪﺩ ﻳﻤﻲ ﻭﺩﺣﺲ ﺭﺍﺳﺔ ﺑﺮﻛﺒﺘﻲ
ﺣﺴﻴﺖ ﺍﻧﻔﺎﺳﺔ ﺗﻠﻬﺚ ﺑﺮﻛﺒﺘﻲ ﺟﻤﺪﺕ ﻣﻦ ﺣﺮﻛﺘﺔ ﺑﺲ ﻣﺎﺑﻴﺔ ﺍﺗﺤﺮﻙ ﺣﺴﻴﺖ ﺭﻭﺣﻲ ﺩﻓﻴﺖ ﺑﺤﻀﻨﺔ ﻏﻤﻀﺖ
ﻋﻴﻮﻧﻲ ﻭﻧﻤﺖ ﻛﻌﺪﺕ ﺛﺎﻧﻲ ﻳﻮﻡ ﺻﺒﺢ ﺳﺎﻋﺔ ﺏ 7 ﻉ ﺻﻮﺕ ﺍﻟﻬﻮﺳﺔ ﺑﺎﻭﻋﺖ ﻣﺎﻛﻮﻭ ﺟﺎﺳﺮ ﺑﻤﻜﺎﻧﺔ ﺷﻌﺠﺐ ﻟﻌﺪ ﺷﻮﻛﺖ ﻛﻌﺪ ﻛﻤﺖ ﻏﺴﻠﺖ ﺑﺲ ﺷﻮﻱ ﺍﺣﺲ ﺭﻭﺣﻲ ﺗﺤﺴﻨﺖ ﻧﺰﻟﺖ
ﺟﻮﺓ ﺻﺒﺤﺖ ﻋﻠﻴﻬﻢ ﺑﺲ ﺧﻄﻴﺔ ﻛﺴﺮﻥ ﺧﺎﻃﺮﻱ ﺑﻨﺎﺗﺔ ﻭﻣﺮﺗﺔ ﺑﺲ ﻳﺒﺠﻦ ﺍﺑﺪ ﻣﺎﺳﻜﺘﻦ ﺭﺣﺖ ﻭﻛﻔﺖ ﻳﻢ ﺍﻟﺒﻨﺎﺕ ﺑﺎﻟﻤﻄﺒﺦ ﺍﻟﻨﺴﻮﺍﻥ ﻛﺎﻣﻦ ﻳﺠﻦ ﻭﺍﻧﻲ ﻫﻢ ﻭﻛﻔﺖ ﻉ ﺍﻟﺠﺎﻱ
ﺑﺲ ﺑﺎﻟﻜﻮﺓ ﺧﻠﻨﻲ ﺍﻟﺒﻨﺎﺕ ﺿﻠﻴﻨﺔ ﻧﺸﺘﻐﻞ ﻟﺤﺪ ﻣﺼﺎﺭ ﺍﻟﻴﻞ ﺧﻄﻴﺔ ﺟﺎﺳﺮ ﻛﺎﻟﺴﺎﻉ ﻳﺠﻲ ﻳﺸﻮﻓﻨﻲ ﻋﺒﺎﻟﺔ ﺑﻌﺪﻧﻲ ﻣﺮﻳﻀﺔ ﻛﻤﻠﻨﺔ ﺷﻐﻞ ﺣﺴﻴﺖ ﺗﺤﺴﻨﺖ ﻧﻔﺴﻴﺘﻲ ﻭﺭﺍﺣﺖ ﺍﻟﺼﺨﻮﻧﺔ
ﻣﻨﻲ ﻓﻜﻤﺖ ﺍﺳﺎﻋﺪ ﺍﻟﺒﻨﺎﺕ ﻫﻢ ﻋﻴﺐ ﻣﺮ ﺍﻟﻴﻮﻡ ﺑﺠﻲ ﻃﺒﻌﺄ ﺗﻌﺮﻓﻮﻥ ﺍﺟﻮﺍﺀ ﺍﻟﻔﺎﺗﺤﺔ ﺻﺎﺭ ﺍﻟﻴﻞ ﻭﺻﺒﻮﻭ ﺍﻟﻌﺸﺔ ﻟﻠﻌﺎﻟﻢ ﻛﻤﻨﺔ ﻧﻮﺯﻉ ﻟﻨﺴﻮﺍﻥ ﻟﻌﺸﺔ ﺍﺗﻌﺸﻮﻭ ﻭﻛﻤﻠﻮﻭ ﻭﺻﺒﻴﻨﺔ ﺍﻟﺠﺎﻱ ﻟﺤﺪ ﻣﺼﺎﺭﺕ ﺍﻟﺴﺎﻋﺔ ﺏ 10 ﻭﺣﻨﺔ ﻧﺸﺘﻐﻞ ﺑﺪﺕ ﺍﻟﻌﺎﻟﻢ ﺗﺨﻒ
ﺍﻧﻲ ﻫﻢ ﻫﻠﻜﺖ ﻣﻦ ﺍﻟﺸﻐﻞ ﻭﺗﻌﺐ ﻛﻠﺖ ﺍﺭﻭﺡ ﻟﻠﺒﻴﺖ ﺑﺲ ﺧﺎﻟﺘﻲ ﻣﺎﺧﻠﺘﻨﻲ
ﺍﻡ ﺟﺎﺳﺮ ... ﻭﻳﻦ ﺭﺍﻳﺤﺔ ﻳﺎﻳﻤﺔ ﺩﺧﻠﻴﺞ ﻗﺎﺑﻞ ﺍﺣﻨﺔ ﺷﻌﺪﻧﺔ
ﺳﺎﺭﺓ .. ﻻﺧﺎﻟﺔ ﺑﺲ ﻏﻴﺮ ﺍﺭﻭﺡ ﻟﻠﺒﻴﺖ ﺑﻌﺪ ﺷﻌﺪﻧﺔ ﻛﺎﻋﺪﻳﻦ
ﺍﻡ ﺟﺎﺳﺮ .. ﻻﺣﺒﻴﺒﺔ ﺍﺑﻘﻲ ﻣﺎﺷﻔﻨﺎﺝ ﺯﻳﻦ ﺧﻠﻲ ﻣﻦ ﺗﺨﻠﺺ ﺍﻟﻔﺎﺗﺤﺔ ﻋﻮﺩ ﺭﻭﺣﻲ ﻭﺛﺎﻧﻲ ﺷﻲ ﻫﺬﺍ ﺑﻴﺪﺝ ﺷﻜﻮﻭ ﺟﻨﺞ ﻛﺎﻋﺪﺓ ﺑﻴﺖ
ﻏﺮﻳﺐ
ﺳﺎﺭﺓ .. ﻣﺎﺷﻲ ﺧﺎﻟﺔ ﻋﻔﺘﻬﻢ ﻭﺭﺣﺖ ﻃﺒﻌﺄ ﺧﺎﻟﺔ ﺍﻡ ﺣﺮﺏ ﺟﺎﻳﺒﺘﻠﻲ ﺩﺷﺎﺩﻳﺶ ﺳﻮﺩ ﻭﻳﺎﻫﺔ ﻃﺒﻴﺖ ﻟﻠﺤﻤﺎﻡ ﺳﺒﺤﺖ ﻭﻟﺒﺴﺖ ﺍﻟﺪﺷﺪﺍﺷﺔ ﺭﺣﺖ ﻟﻠﻐﺮﻓﺔ ﺣﺘﺔ ﺍﺭﺗﺎﺡ ﺍﻟﺒﻨﺎﺕ
ﺍﺑﺎﻭﻉ ﻋﻠﻴﻬﻦ ﻛﻠﻬﻦ ﺻﺎﺭﻥ
ﺟﺜﺚ ﻭﻧﺎﻣﻦ ﻣﻦ ﺍﻟﺘﻌﺐ ﺍﻧﻲ ﻫﻢ
ﺭﺣﺖ ﻉ ﺍﻟﺠﺮﺑﺎﻳﺔ ﻭﺷﻤﺮﺕ ﺭﻭﺣﻲ ﻣﻦ ﺍﻟﺘﻌﺐ ﻓﺰﻳﺖ ﻉ ﺻﻮﺕ ﺍﻟﺒﺎﺏ ﻣﻦ ﺍﻧﻔﺘﺢ ﻓﺘﺤﺖ ﻋﻴﻮﻧﻲ ﺷﻔﺖ ﺟﺎﺳﺮ ﻃﺐ
ﺫﺏ ﻏﺘﺮﺗﺔ ﻭﺍﺧﺬ ﻣﻼﺑﺲ ﻭﻃﻠﻊ ﺍﻧﻲ ﺭﺩﺕ ﺍﺭﺟﻊ ﺍﻟﻨﻮﻣﻲ ﺑﺲ ﺍﺳﺘﺤﻴﺖ ﻛﻤﺖ ﻋﺪﻟﺖ ﻛﻌﺪﺗﻲ ﻭﻟﺒﺴﺖ ﺍﻟﺸﺎﻝ
ﻃﻠﻊ ﻣﻦ ﺍﻟﺤﻤﺎﻡ ﺟﺎﻥ ﻻﺑﺲ ﺗﺮﺍﻙ ﺍﺳﻮﺩ ﻭﺧﺎﻝ ﺍﻟﻤﻨﺸﻔﺔ ﻉ ﺭﺍﺳﺔ ﺍﺟﺔ ﻛﻌﺪ ﻳﻤﻲ ﻣﺒﻴﻦ ﻋﻠﻲ ﺗﻌﺒﺎﻥ ﻭﻣﻨﺎﻳﻢ
ﺷﻴﺦ ﺟﺎﺳﺮ ... ﻟﻴﻮﻡ ﺷﻠﻮﻥ ﺻﺮﺗﻲ
ﺳﺎﺭﺓ .. ﺍﻟﺤﻤﺪﺍﻟﻠﻪ ﺯﻳﻨﺔ
ﺷﻴﺦ ﺟﺎﺳﺮ .. ﺍﻛﻠﺘﻲ ﻟﻮﺿﻠﻴﺘﻲ ﻓﺎﻫﻴﺔبيج قصص عراقيه حقيقيه من واقعنا.روعه الطائي
ﺳﺎﺭﺓ .. ﺍﻱ ﺍﻛﻠﺖ ﻭﻳﺔ ﺍﻟﺒﻨﺎﺍﺕ
ﺷﻴﺦ ﺟﺎﺳﺮ ... ﺍﻛﻴﻴﻴﺪ
ﺳﺎﺭﺓ .. ﺍﻱ ﺍﻛﻴﺪ ﻭﺍﻟﻠﻪ ﻫﺰ ﺭﺍﺳﺔ ﻭﺟﻊ ﺍﻟﻴﻮﺭﺓ ﺣﺴﻴﺖ ﺑﻲ ﺗﻌﺒﺎﻥ ﺍﺧﺬ ﺣﺴﺮﺓ ﻣﺎﺗﺤﻤﻠﺖ ﻛﺘﻠﺔ ﺷﺒﻴﻚ ﻣﺒﻴﻦ ﻣﻮﻃﺒﻴﻌﻲ
ﺷﻴﺦ ﺟﺎﺳﺮ .. ﻣﺎﺑﻴﺔ ﺑﺲ ﺗﻌﺒﺎﻥ ﻛﻠﺶ
ﺳﺎﺭﺓ .. ﻣﻨﻴﻦ ﺗﻌﺒﺎﻥ
ﺷﻴﺦ ﺟﺎﺳﺮ .. ﺍﻛﻮﻭ ﺷﻐﻠﺔ ﺑﺎﻟﻲ ﻣﻮﻣﻬﻤﺔ ﺑﺲ ﺍﺭﻳﺪ ﺍﻧﺎﻡ ﺑﺤﻀﻨﺞ ﺣﺘﺔ ﺍﺭﺗﺎﺍﺡ
ﺳﺎﺭﺓ .. ﺿﻠﻴﺖ ﺳﺎﻛﺘﺔ ﻣﺠﺎﻭﺑﺖ ﻗﺒﻞ ﻻﺟﺎﻭﺏ ﺧﻠﺔ ﺭﺍﺳﺔ ﺑﺤﻀﻨﻲ ﻭﺍﺧﺬ ﺣﺴﺮﺓ
ﺷﻴﺦ ﺟﺎﺳﺮ .. ﺍﻭﻭﻭﻑ ﻳﺎﺳﺎﺭﺓ ﻟﻮﺗﺪﺭﻳﻦ ﺷﻠﻮﻥ ﺷﺎﻟﺔ ﺣﺎﻟﻲ
ﺳﺎﺭﺓ ... ﺍﻧﻲ ﺷﻤﺴﻮﻳﺘﻠﻚ؟؟
ﺷﻴﺦ ﺟﺎﺳﺮ ... ﻻ ﺍﻧﺘﻲ ﻣﺴﻜﻴﻨﺔ ﻣﺎﻣﺴﻮﻳﺔ ﺷﻲ ﺑﺲ ﺷﻬﻮﺭ ﻣﻀﺎﻳﻚ ﻃﻌﻢ ﺍﻟﻨﻮﻡ ﺑﺴﺒﺒﺞ
ﺳﺎﺭﺓ .. ﺑﻀﻮﺟﺔ ﻫﻮﺓ ﺷﻴﺼﻴﺮ ﺧﻠﻲ ﺍﻟﻮﻡ ﺑﻴﺔ ﺍﻧﻲ ﺷﻤﺴﻮﻳﺘﻠﻚ ﺷﻮﻛﺖ ﻋﺮﻓﺘﻚ ﺷﻮﻣﺼﺎﻟﻲ ﺷﻬﺮ ﻣﻦ ﻋﺮﻓﺘﻚ ﺷﻜﻮ ﺫﺑﻮﻥ ﺍﻟﻮﻡ ﻋﻠﻲ ﻫﻮﺓ ﺍﻧﻲ ﻣﺎﻋﻨﺪﻱ ﺣﺾ ﺍﺑﺪ
ﺷﻴﺦ ﺟﺎﺳﺮ ... ﻫﻴﻮﻭ ﻫﻴﻮﻭﻭ ﺷﺒﻴﺞ ﺍﻛﻠﺘﻴﻨﻲ ﺣﺎﺻﻞ ﻓﺎﺻﻞ ﺳﺎﻟﻤﻴﻦ ﻟﻴﺶ ﺻﻴﺮﻳﻦ ﺛﻮﻟﺔ ﻭﻣﺎﻋﻨﺪﺝ ﻋﻘﻞ ﺑﻌﺼﺒﻴﺔ
ﺳﺎﺭﺓ .. ﺑﺪﻣﻮﻉ ﻋﻮﺩ ﻟﻴﺶ ﺍﻧﺘﺔ ﺻﻴﺢ ﻛﻞ ﻣﺎﺷﻮﻓﻨﻲ ﻟﻴﺶ ﻣﺘﻌﺮﻑ ﺗﺘﻔﺎﻫﻢ
ﺷﻴﺦ ﺟﺎﺳﺮ .. ﻳﺎﺑﻨﺖ ﺍﻟﻨﺎﺱ ﺍﻧﺘﻲ ﻣﺎﻋﺮﻑ ﺷﺒﻴﺞ ﻉ ﻛﻞ ﺣﺠﺎﻳﺔ ﻭﺍﻛﻔﺔ ﻭﺿﻠﻴﻦ ﺗﺤﺠﻴﻦ ﺣﺠﻲ ﺯﺍﻳﺪ
ﺳﺎﺭﺓ .. ﺭﺩﺕ ﺍﻛﻮﻡ ﻻﻥ ﺿﻮﺟﻨﻲ ﺑﺼﻴﺎﺣﺔ
ﺷﻴﺦ ﺟﺎﺳﺮ ... ﻭﻳﻦ ﻣﻮﻟﻴﺔ
ﺳﺎﺭﺓ .. ﻋﻮﻓﻨﻲ ﺍﺭﻳﺪ ﺍﺭﻭﺡ ﺍﺻﻼ ﺍﻧﺘﻢ ﻛﻠﻜﻢ ﻛﺮﻫﻮﻧﻲ ﻭﺍﻋﺮﻑ ﺍﻧﺘﺔ ﻫﻢ ﺍﻧﺠﺒﺮﺕ ﻋﻠﻲ ﻣﺜﻞ ﺍﻟﻘﺒﻠﻚ ﻣﺎﺣﺴﻴﺖ ﺍﻟﺔ ﺍﺧﺬ ﺷﻔﺘﻲ ﺑﻴﻦ ﺷﻔﺘﺔ ﺿﻠﻴﺖ ﺟﺎﻣﺪﺓ ﺑﻤﻜﺎﻧﻲ ﺍﻭﻝ ﻣﺮﺓ ﺍﺣﺪ ﻳﺘﻘﺮﺑﻠﻲ ﺑﻬﻞ ﻗﺮﺏ ﺭﺩﺕ ﺍﻭﺧﺮﺓ ﻣﺎﻳﻮﺧﺮ ﺿﻞ ﻳﺘﻔﻨﻦ ﺑﻴﻬﻦ ﺗﻔﻨﻦ ﻣﺎﻋﺎﻓﻨﻲ ﻟﺤﺪ ﻣﺎﺣﺲ ﺑﻴﺔ ﺍﺭﻳﺪ ﺍﺟﺮ ﻧﻔﺲ ﻭﺧﺮﺓ ﻭﺧﻠﺔ ﻛﺼﺘﺔ ﻉ ﻛﺼﺘﻲ ﻭﺣﺠﺔ ﺑﻬﻤﺲ ﻟﺞ ﺍﻧﺘﻲ ﺭﻭﺣﻲ ﺍﻛﻮﻭ ﻭﺍﺣﺪ ﻳﻜﺮﻩ ﺭﻭﺣﺔ
ﺳﺎﺭﺓ .. ﻣﺘﺖ ﺑﺪﻣﻲ ﻣﻦ ﺍﻟﺨﺠﻞ ﺭﺩﺕ ﺍﺩﻓﻌﺔ ﺑﺲ ﻫﻮﺓ ﻻﺯﻣﻨﻲ ﺣﻴﻞ ﻋﻔﻴﺔ ﻋﻮﻓﻨﻲ ﺍﺭﻳﺪ ﺍﻃﻠﻊ
ﺷﻴﺦ ﺟﺎﺳﺮ ... ﻣﻮﺑﻜﻴﻔﺞ ﻣﺎﻋﻮﻓﺞ ﻟﺞ ﺳﺎﺭﺓ ﺍﻧﻲ ﻣﻦ ﺍﻛﻠﺞ ﺷﻬﻮﺭ ﻣﺎﻧﻤﺖ ﻣﻮﺍﻟﻮﻡ ﺑﻴﺞ ﺑﺎﻟﻌﻜﺲ ﺣﺒﻲ ﺍﻟﺞ ﺧﻼﻧﻲ ﺣﺘﺔ ﻧﻮﻡ ﻣﺎﺷﻔﺘﺔ ﺑﻌﻴﻨﻲ ..
ﺳﺎﺭﺓ ... ﺷﺘﻘﺼﺪ ﻣﻦ ﻫﺬﺍ ﺣﺠﻴﻚ ....
ﻳﺘﺒﻊ