العشق احلى مع فصليتي❤️

Untitled Part 5

ميس : دخلت الغرف بس مو غرفة سويت يخبل والاخشاب صاج تركي حديثة 

هذا شكل الغرفة 

سجى : يلله حبي احنة راح انروح انتي ارتاحي والعصر يجي الشيخ يعقد الكم انتي وراكان 

ميس :اوك حبي بس منو راكان ؟؟؟؟؟؟؟

سجى : الولد اللي جابج الامي هو راكان اخونة 

ميس :امممممممم اوك حبي اني راح انام لان تعبانة 

هدى وسجى : اوك باي

ميس : فتريت بالغرفة وفتحت الكنتور وشفت كلشي مابي ورحت على الحمام والصدمة جان مو حمام يخبل 

هذا الحمام 

المهم نمت وراها وكعدت على صوت دكة الباب كمت فتحتة لان اني متعودة اقفل الغرفة من انام طلعتلي هدى 

هدى : نوم العافيه ان شاء الله 

ميس : يسلموا حبي

هدى بعد ساعه ويجي الشيخ 

ميس/ اوك حبي 

ميس / اكول هدى عندي طلب ممكن 

هدى / تامرين  كوللي

ميس / حابة اعرف اطباع اخوج او زوجي المصون 

هدى /ههههههههههه حلوة هاي راكان اهم شي عندة انو محد يعاندة ولازم كل طلباتة اوامرر قلبة طيب وبسرعة ينكسب  اهم شي عندة ملابسة وعطرة ونظافه غرفتة ويحب امي يعني امي اذا حبتج يعني راكان راضي عليج 

ميس ( اممممم ياشيخ راكان راح اخليك تتعلق بيه اصبر ) طبعا هذا الحجي تحجي لنفسه 

وره ماراحت هدى رحت سبحت ولبست 

شداشة سوددة لان عندهم ميت خطية ومشطت شعري ونشفتة بالسشوار 

ورفعتة ليفوك ونزلت كم خصلة  وحطيت شال هيج شلون ماكان على راسي ونزلت 

ميس : السلام عليكم 

الكل / وعليكم السلام 

راكان نزلت بنية لا مو بنية ملاك جنه تخبل ولابس اسود وطالعه جنهة كمممر سلم ويا صوتها الناعم راحت باست راس الحجية عجبني تصرفهة وكالت الهة

ميس / يمة اني راح اسويلكم عصرونية 

الحجية / اي يمة براحتج راكان يحب هاي السوالف مال الحلويات 

ميس / تامرين امر يمة انتي والشيخ يدلل

راكان / هاي اني جنت ناوي انعل ابليسها اشو هي نعلت ابليسي انوب من تقول شيخ ياحلاتها ولك راكان شجاك هي فصلية ركز يراكان انت شيخ ومو بس شيخ وابن شيوخ بعد 

ميس : رحت للمطبخ واني افكر بجمال هالشيخ اجني وراي سجى وهدى 

سجى : ها ميس شنو ناوية تسوين 

هدى شنو رايكم نسوي 3 اكلات كل وحدة شكل 

سجى وميس : حلو اوك موافقين 

ميس راح اسوي كيكة بالكاكاووو 

سجى الشيخ يحب الكاكاوو

هدى اني راح اسوي تراب الملووك 

سجى لعد اني راح اسوي بودينغ الشوكولاتا 

وره ساعه كلنا كملنة واجة الشيخ عقد النة وكملنا العقد رحت وديت الكيكة والباقيات وجبت بيبسي من الثلاجه وكعدت اكص للحجية وباوعت على راكان بس يباوع عليه مدري ليش فرحت وبنفس الوقت خجلت وكتلة بصوت ناصي ( شيخ شتحب اخليلك من الحلويات )

راكان / يابوية انوب تحجي وياي بخجل كتلهة الكيك بيانكهة 

ميس / الكيكة والكريمة والزينة كلها كاكاوو

راكان/ اوك خليلي منه 

ميس/ تامرر خليتلة وكعدو ياكلون 

هدى / خوية شنو رايك بالكيكة 

راكان / كللش طيبة شنو انتي سويتيها 

هدى / لا خوية هاي مرتك 

ميس / جنت جاي اشرب بيبسي وغصيت من حجت هيج مرتك 

الحجية / اسم الله يمة اسم الله 

راكان / بوية جيبولها ماي اختنكت 

سجى تفضلي ميس حبي

ميس يسلموا 

بعدها راح الشيخ وكمنا اني والبنات نسوي العشا ففكرت اسئل شنو يحب راكان من باب الفضول 

ميس / اكول هدى الشيخ شنو يحب ياكل 

سجى / ميس شعجب سئلتي عن الشيخ

هدى / لا سجى هي اصلن من كعدت من النوم تسئل عن الشيخ 

ميس ☺️☺️☺️☺️ لا والله فهمتوني غلط 

البنات هههههههه ولج ليش خجلتي سوينة العشة واني صعدت فوك لان خجلت كلش من البنات سبحت وطلعت بالمنشفة حتى ابدل وجان ينفتح الباب ويطلع راكان 

ووووووووو  وووووووو 

يتبع