هادي أول كرونيك نديرها نشاء الله تعجبكم 😍
أنا مروى من وهران تاع راسي نحب ناكل نرڨد و مانيش كيما كامل لبنات شعري طويل ونوار و عيني كبيرة وجايين نوازات بلوندا وقصيرة و كشرودة عمري 21 سنة نعيش ،مع ماما وسمها سليمة وختي سيلين. واحد النهار دخلت ماما ليا و ڨالتلي : شوفي باباك قبل ما مات خلا وصاية😡
أنا:خير.
يما : تتزوجي مع وليد صاحب باباك.
فهاديك اللحظة معلاباليش إذا كنت نتنفس الدمعة طاحتلي وعلاش يا ربي وعلاش شادرت باش تديرلي هكا وعلاش . ماكانش شاندير قبلت نفضل نتزوج من واحد منعرفوش خير مانبقى مع لغولة لي نسميها يما. كانت 7 تع لعشية خرجت مدار رحت لصاحبتي وسمها كنزة رحت حكيتلها و ديسيديت نرقد عندها .قعدت نحكيلها نحكيلها وأنا نبكي نبكي حتى غلبني نعاس ورڨدت.
____________________
نضت الصباح رحت لدارنا لقيت لغولة تستناني
هي : روحي وجدي روحك راح يجيو يخطبوك
أنا : واشنو؟!اكي تتمسخري
هي : روحي خير ما ندير حاجة
أنا : ما خليتي فيا والو ما خليتيني نقرا ما خليتني نتزوج شكون نحيب ما خليتنيش نعيش أنت نورمالمو ما تكونيش ڨاع هنا وماتستاحقيش الأمومة car انت ماشي أم و ايه رح نتزوج بارسوكو عييت من هادي المعيشة عييت سايي
رحت وخليتها تعيط وحدها كان حلمي نتخطب ونتزوج بصح ماشي هاكا لبست روبا
درت شوية بارفان جهزت القهوة ورحت فتحت الباب ولقيت وحد البوڨوس مانحكيلكومش 😂 جا بواحد الحطة مع باباه ومه
جات الغولة و حكاتلهم يدخلوا جبت القهوة قعدوا يهدروا وحدهم وهو جبد لبورتابل وبدا يكونيكتي 😕 سامط ملخر......
À demain
أنت تقرأ
حب بعد الزواج ❤
Romanceعندها نهاية كرونيك بالدارجة الجزائرية اهلا ، هذه أول رواية لي أتمنى أن تنال إعجابكم 😊 كل يوم ندير بارت انشاء الله هاد لكرونيك تحكي على زواج أجباري و مغامرات وبزاف حوايج راح يكونوا انشاء الله تعجبكم برك رح تكون أمير + مروى الأفكار تاعي والله ما منقو...